Téléchargement du document

Documents linguistiques galloromans
Corpus : (chPoit)
Responsable du corpus : -
Édition de la charte : -

chPoit035

1292, 27 février.

Type de document: Charte: vente

Objet: Symon Maubert, valet, de Saint-Bebyen du Vergerou-en-Aunis, et les siens vendent au couvent de Montierneuf quatre livres de rente annuelle pour le prix de quarante livres.

Support: Charte autrefois scellée. Une grande tache produite, semble-t-il, par un réactif rend plusieurs mots illisibles.

Lieu de conservation: Archives Départementales de la Vienne, H, Abbaye de Montierneuf à Poitiers, liasse 101.

Édition antérieure: D./ Fonteneau, t. 19, p. 429-431.

1 Ge Symon Maubert, vallet, de Saint Bebyen dou Vergeron en Aunis e ge [Guilla]ume Maubert e ge Symon Maubert, freres, e ge Eustace, lor \2 seror, filz e fille dou dit Symon Maubert, 2 faisom assaveir à toz ceaus qui [ceste] presente chartre verront e orront 3 que nos, par comunau assentement \3 e par comunau volunté, avom vendu e ottreié aus relegious homes e honestes, à l'abbé e au convent de Mostiernouf de Pestiers e à l'emfermier \4 de la dite abbaye 4 quatre livres de annoau e perpetuau rente 5 que nos aviom e preniom chascun an à l'oicteve de la feste nostre Dame mie-aoust en La Rochele \5 en la cense aus devant diz relegious e [de] [lor] ^[1] parçoniers 6 des queles dites quatre livres de rente nos nos somes devestuz e dessaizis desja de tot \6 en tot; 7 e en avom vestuz e saizis les diz relegious e mis en plenere e corporau possession e en pasible e perpetuau saizine, 8 à tenir e à prendre e à aver \7 e à expleiter durablement à eaus e à lor successors e à lor comandement e à faire en tote lor volunté delivrement sanz tot contredit, 9 por \8 quarante livres de torneis que les diz relegious nos en ont doné e paié enterinement en deners contez; 10 les quels deners nos avom eüz e receüz, e nos \9 en tenom à bien paié e avom renuncié à tote excepcion de non nombree e de non eüe e de non receüe peccune e à tote decevance de menor pris. 11 C'est \10 à ssaveir que ge Symon Maubert e ge Guillaume e ge Symon e ge Eustace, les enfanz dessus nomé, 12 prometom e sommes tenuz, soz l'obligacion \11 de toz noz biens presens e futurs, mobles e non mobles, e de chascun de noz biens speciaument e expressement par sei e por le tot, e chascun de nos e les soes choses por le tot, 13 à garir e à deffendre durablement aus diz relegious e à lor successors e à lor comandement les dites quatre livres de rente \12 contre toz e vers toz franches, quiptes e delivres de totes obligacions, de toz alïenemenz, de toz devers, de totes deptes e de trestoz autres empaitremenz, \13 14 e specialment prometom nos à faire icest gariment contre toz ceaus [de] [nostre] ^[2] lignage. 15 Encores avom promis e prometom aus diz relegious e à lor suc\14cessors, soz la dite obligacion, e chascun de nos e les soes choses por tot que li aveneit que la dite rente 16 que nos lor avom vendue fust [...] ^[3] \15tee de lor main ou que il i trovassent aucun empeschement issi [que] ne les puissent [...] 17 lor asserrom sus icez noz biens e nommeiment sus ceaus \16 de noz biens que à eaus plus plaira autres quatre livres de rente à prendre e à aveir à perpetuauté chascun an à eaus e à lor successors [e] [à] [lor] [comande\17ment] e au dit terme e à enteriner ob tote seignorie e ob tote [esteit] [issi] contredit [e] [lor] \18 aussi. 18 E sommes tenuz, soz l'obligacion dessus dite, de rendre e amander toz les couz [et] demages que il i aureient ou sostendreent [...] \19 ou en queque autre manere que ce fust ou peüst estre por deffaute de gariment ou [eaus] [es] [convencions] tenir e acomplir en [...] \20 dessus est devisee dont il ou lor comandement ou cil qui ceste charte aportent sereent creü par lor sairement sanz autre preuve. 19 E avom [renuncié] en iceste \21 vente e en totes les dessus dites choses, nos Symon Maubert e Guill[au]me e Symon e Eustace, ses enfanz dessus diz, à la novele constitucion de \22 dous coppables 20 e à toz privileges e benefices de femes e de croiz donee e à doner e à tote excepcion de fait e de dreit e de boidie e de decevance \23 e à totes costumes, usages, franchisses e establimenz de villes e de chastelanies e de païs e à totes costumes speciaus e generaus e à tote constitucion \24 de prince establie e à establir e à tot dreit escrit e non escrit e à totes autres choses enterinement qui de fait ou de dreit nos porreient haider \25 à venir encontre, fust en cort d'iglyse ou en cort laye. 21 E specialment avom renuncié e renunciom nos Guill[au]me, Symon e Eustace, frere e seror dessus \26 diz, à tot bail e à tot benefice de menor eage e de restitucion en enterin. 22 E avom juré sus les Sainz Evangilles Nostre Seignor, tochez corporaument, que nos \27 jamais contre la dite vente ne contre les diz e la tenor de ceste chartre ne vendrom, ne autres por nos en nulle manere. 23 Encores fois assaver, ge Symon \28 Maubert dessus diz, que ge conois e confesse que ge ai doné poeir e auctorité à mes diz enfanz de faire la dite vente e totes les dites convenan\29ces ensembleement ob mei en la manere que dessus est devisee, e que totes les dites choses il ont fait ob mon assentement e ob ma volunté, e ge m'en \30 tienc à bien paiez. 24 E en garentie e fermeté durable de totes les dites choses, nos Symon Maubert e Guill[au]me e Symon e Eustace, les enfanz \31 desus diz, en avom doné por nos e por toz les noz aus diz relegious e à lor successors ceste presente chartre; 25 la quele Pierre de Montmaur, \32 tenant adonques en La Rochele le saiau de la seneschaucie de Xainctonge por nostre seignor le rey de France, en cui juridiction nos sozmetom desja nos \33 e toz noz biens, quant à icest fait, sanz autre seignorie avoher, 26 e specialment noz propres cors à prendre e à mettre en la prison nostre seignor le rey de \34 France, là où ele sera establie en La Rochele, sayela à noz requestes, dou dit saiau. 27 E neientmainz estanz noz cors en prison, sommes nos d'acort \35 ob les diz relegious que il e lor successor aient lor recors à toz biens por eaus faire faire le dit gariment e por acomplir les dites con\36venances e por rendre e amander lor demages, non contrestant la dite prison, tot aussi bien cum nos ne tenissom nulle prison. 28 E ge Pierre \37 de Montmaur ai apposé à ceste chartre, à la requeste dou dit Symon Maubert e de ses diz enfanz, le dit saiau, sauve la dreiture le rey e \38 tote autre. 29 À ce oïr, ottreer furent present, requis por garenties, Johan Brun de Boet e Nycholas de Taunay. 30 Ce fut fait le mercredi emprés la \39 feste saint Mathias, l'an de grace .M.CC./ e quatrevinz e onze ou meis de fevrer.

Notes de transcription
^[1] 5 à 6 lettres illisibles .
^[2] 5 à 6 lettres illisibles .
^[3] À cet endroit commence la tache du réactif .