Téléchargement du document

Documents linguistiques galloromans
Corpus : (chPoit)
Responsable du corpus : -
Édition de la charte : -

chPoit026

1294, 9 janvier.

Type de document: Plainte

Objet: Plainte au Parlement de Paris de l’abbaye de Saint-Laurent au diocèse d’Auxerre, contre les empiètements du chapitre Saint-Hilaire de Poitiers, sur les possessions et les droits qu’Eudes de Soissons avait en indivis avec le chapitre dans la Terre aux Poitevins et qu’il avait vendus à ladite abbaye.

Support: Il n’y a pas trace de sceau, la marge inférieure a été coupée.

Lieu de conservation: Archives Départementales de la Vienne, G, 855. – Chapitre de Saint-Hilaire de Poitiers.

1 C'est la requeste l'abbé et le convent de Saint Lorent de l'Abbeye en la dyocese d'Auceurre. \2 2 Dit et propose le procureur des diz abbé et convent, en non de leur eglise, 3 contre honnorables homes le tresorier, doien et \3 chapitre de Saint Ylaire de Poitiers 4 que, comme me sires Oedes de Soissons et ma dame Françoise, sa seur, eüssent et pour\4sievissent pluseurs possessions et choses immuebles, en commun et sans division, aveques les diz honorables home au leu \5 que on appele la Terre aus Poitevins 5 en terres, justices, champars, bois et autres choses, à desclarrier et amoustrer en lieu \6 et en tans, se mestiers est, sus certainnes convenances, painnes et obligacions qui feroit ou vendroit encontre, 6 si comme il est \7 contenu plus plainnement es lettres du roy faites sus les dites convenances et acort entre les dites parties, 7 le dit mon soignor \8 Eode et ma dame Françoise, par cause de vente, baillierent et transporterent, du tout en tout, auz davant diz religious toutes \9 les possessons et les choses dessus dites 8 avec toutes les appartenances et adiacenses dessus dites et tout le droit et toute \10 l'action que il avoient et pooient avoir pour raison des choses dessus dites; 9 et des appartenances et dependences d'icelles, \11 et de ce qui issiret ou suire s'en pooit, donnerent, cesserent et quitterent, du tout en tout, auz diz religious, sans riens retenir, \12 10 à tenir et poursievir ou au tel point comme il le tenoient et poursievoient, avoient tenu et poursievi, pooient et devoient \13 tenir et poursievir. 11 Et pour la cause dessus dite, sont li dit religious, et ont esté de lonc tans, en saisine des devant dites cho\14ses en commun sanz division avec les diz tresorier, doien et chapitre, 12 exceptees aucunes choses à desclairier et moustrer, \15 se mestiers est, qui sunt propres à chascun. 13 Item: que le tresorier, doien et chapitre, ou autres pour aus, aus aient \16 ferme et estable, en aus troublant et en empeeschant en leur dite saisine, et en venant contre les dites convenances \17 et de nouvel meesmement, du tans qu'il commencierent à poursigre, 14 ont pris, occupé et à aus aproprié, ou prejudice des \18 diz religious et contre la volenté Giefroi, dit Boif l'Eaue, garde des dites choses de par le roy 15 les choses qui s'ensuient le \19 plet pendant, et les choses dessus dites estans en la main le roy pour le debat des parties. 16 C'est à savoir:. i. arbes, un che\20vrel sauvage, une biche, grant partie de. i. ourme cheü en chemin commun, vi. cenz livres levees pour une amende, plu\21seurs essainz de ez ou mouches pris d'espave. 17 Item: il ont empeeschié les diz religious, ou le dit gardien justiceit, ave\22ques aus pluseurs suppeconneus de la mort de. i. enfant pris à Congi, et Janequin et. i. autre qui furent pris \23 pour souppeçon de larrecin, 18 et ont empeschié que li Bois de Louve commun et acoustumé à vendre ne soit vendus \24 et esploitiez et gardez avec les nouviaus essars par. i. serjant commun juré. 19 Item: que li serjant des diz religious ne ga\25ge et esploite en la dite terre pour leur tailles et pour les autres choses qui leur sont deües. 20 Item: il empe\26eschent les prisonniers estre gardez igaument des diz religious aveques aus. 21 Item: il ont fait et bonné une voie \27 grant et large aus travers des essars communs. 22 Item: il ont herbergié et receü en leur propre terre les hommes des diz religious. 23 Item: il se sont esforcié et efforcent à aproprier à aus toute la haute justise es maisons Pierre des \28 Tertres, Jehan Jude, 24 aveques. iii. arpens de terre, le pré de la forge, la terre ou siet la nouvele maison Jehan dit \29 Anannie et par touz les autres biens dont l'en leur doit cens ou fié. 25 Item: il ont troublé et empeschié la dite \30 saisine en pluseurs autres choses à declairer en lieu et en tans, 26 et ont refusé à ces choses ramener en leur estat deü re\31quis souffisaument ceens, tout maintenant aprés la sentence et devant les arbitres donnés sus ce par la court \32 de l'assentement des parties; 27 pour quoi li dit religious dïent que la painne est commise contre les diz tresorier, doien et chapitre, \33 la quele est de. v. m. livres tournois, si comme il est contenu es dites lettres du roy; 28 pour quoi requierent li dit religious que li dit trouble et empeeschement fait en leur prejudice leur soient osté, 29 et ce que il en ont levé leur soit \34 restabli, et amendé aveques les damages que il ont soustenu et encouru pour raison des diz empees\35chemens, 30 et de la dite saisine le roy que il estiment bien cent mars d'argent, et que il soient condempné et \36 contraint à paier les dites. v. m. livres tournois aus diz religious pour raison de la dite painne commise, se il connoissent \37 les choses dessus dites. 31 C'est la demande aus diz religious des faiz et des griez anciens avant le premier \38 plait et avant la main le roy mise. 32 Item: dit et propose li diz procureur, ou nom dessus dit, contre les diz tresorier, \39 doien et chapitre, aussi comme dessus est dit, 33 que il, en empeeschant et troublant les diz religious en leur dite saisine \40 et en prejudice de leur dite saisine et d'aus promis et contre les convenances dessus dites, 34 ont usurpé, occupé et apro \41 prié à aus pluseurs choses en la dite terre et de la dite terre et justise commune. 35 C'est à savoir: le pré dit de la \42 Rue,. i. autre ourme cheoit en chemin commun, bestes et essainz de mouches pris d'espave en la dite terre et \43 justice. 36 Item: il levent et s'efforcent de tenir une eschiele assise en la dite terre et justice commune en partie, \44 et en partie en la terre propre des diz religious, et pluseurs autres choses à desclairer en lieu et en tans; 37 pour quoi re\45quiert li diz procureur, ou non dessus dit, les diz tresorier, doien et chapitre estre condempnez et contrainz, aussi comme \46 il est dit dessus, 38 à restablir, rendre, partier et amender aus diz religious les choses dessus dites, la painne et les \47 damages, si comme il est dessus dit, et touz les esplez viez et nouviaus estre prononciez pour nus, si comme il est \48 contenu es dites convenances, à garder, tenir et acomplir les dites convenances, se il connoissent les choses dessus \49 dites, 39 et se il les nïent, li diz procureur, ou non dessus dit, en offre à prouver ce que il li sousstint tant seulement \50 à s'entencion avoir, en faisant retenue de declairer plus plainnement les choses dessus dites, se mestiers est. \51 40 Et que, se il a proposé aucuns faiz anciens aveques les nouviaus ou aucuns nouviaus aveques les anciens, \52 que il ne li court à prejudice, ains soient entendu li viez aveques les viez, et li nouvel aveques les \53 nouviaus, et de toutes ses autres bonnes raisons à proposer en lieu et en tans quant mestiers li sera. \54 41 Actum Parisius in presenti parlamento die sabbati post Epiphaniam domini anno eiusdem millesimo ducentesimo nonagesimo \55 tercio.