Téléchargement du document

Documents linguistiques galloromans
Corpus : (chAub)
Responsable du corpus : -
Édition de la charte : -

chAub097

1271 (n. st.), février.

Type de document: Charte: vente.

Objet: Vente par Hues le Roi, de Saint-Jean [de Villecran], Marguerite, sa femme, et Pierre Mostoile, écuyer, de Montceaux[-lès-Provins], son beau-frère, à Geoffroy Rochete, bourgeois de Provins, de 10 sous tournois de menu cens avec les lods et ventes, assis sur 60 soudées de menu cens que prennent les «Tooilet», dudit Montceaux, sur des tenures sises à Provins et au finage de cette ville, moyennant 25 livres tournois; ces 10 sous ayant été précédemment affermés à Geoffroy Rochette par lesdits Hues et Marguerite pour une durée de 6 ans à compter du 24 juin 1270, moyennant 7 livres tournois.

Auteur: Guillaume Reymond, maire, et Thomas dit le Moine, garde de la prévôté de Provins.

Disposant: Hues le Roi, de Saint-Jean [de Villecran], Marguerite, sa femme, et Pierre Mostoile, écuyer, de Montceaux[-lès-Provins], son beau-frère.

Sceau: Guillaume Reymond, maire, et Thomas dit le Moine, garde de la prévôté de Provins.

Bénéficiaire: Geoffroy Rochete, bourgeois de Provins.

Support: Parchemin jadis scellé sur double queue de deux sceaux.

Lieu de conservation: Archives de l'Hôtel-Dieu de Provins (en dépôt aux Archives départementales de Seine-et-Marne), B 215.

Édition antérieure: D. Coq, 1988, Documents linguistiques de la France. III. Aube, Seine-et-Marne, Yonne, p. 113-115.

Verso: XVI^cc de cens qui fu Jehen […] an la meson Michel des Covans (XIII^e s.).

1 Nous, Guilleaumes Reymonz, meres de la-commune de-Provins, et Thomas, dit li-Moynes, garde de la-prevosté de-Provins, 2 faisons savoir à touz ces qui ces presantes letres verront 3 que, comme Hues li-Rois, de Seint \2 Jehan, et Marguerite, sa fame, eussient amoysonné, si-comme il requenurent par-devant nous, à Jeufroi Rochete, borjois de-Provins, et à ses hoirs, de la feste seint Jehan Bautistre novelemant trespassee juque à-la feste seint Jehan Bautistre \3 qui sera an l'an Nostre Seigneur mil .CC. et sissante et seze, dis sols de tornois de menu cens et les los et les vantes et touz les porfis qui pooient et devoient issir do dit cens que cil Hues et cele Marguerite, sa fame, \4 si comme il disoient, avoient et prenoient an sissante soudees de menu cens que li Tooilet, de Monceaux an Brie, ont et prennent, si-comme on dit, sor teneures qui sieent, si comme on dit, à-Provins et ou finage de Provins, si com\5me il est contenu an unes letres que cil Jeufrois nous monstra et que il a par-devers lui, qui sont fetes des dis sols de menu cens devant dit et seelees do seel Guilleaume de Furnes, qui fu meres de la commune de Provins, et do seel \6 Guilleaume Reymon, qui fu garde de la-prevosté de-Provins, à-tenir, à-panre et à-lever do dit Jeufroi et de ses hoirs les dis sols de menu cens devant dit de la dite feste seint Jehan novelemant passee juque à la di\7te feste seint Jehan qui sera an l'an sissante et seze, si comme il est devant dit, por sept livres de tornois qui furent paié au dit Hue et à-la dite Marguerite, sa fame; et des quiex deniers cil Hues et cele Marguerite, sa \8 fame, se tinrent plenieremant por paié, si-comme il est contenu es letres devant dites; 4 et, comme les anees de la dite moyson do dit cens ne fussient pas ancore acomplies ne finees, et cil Jeufrois et si hoir parmi le \9 marchié devant dit deussient et doient par droit et par reson avoir et recevoir le dit cens, c'est à-savoir les dis sols, juque à-la feste seint Jehan qui sera an l'an sissante et onze, et de cele feste seint Bautistre \10 juque à cinc ans ansivans à-acomplir, 5 li devant dis Hues et la dite Marguerite, sa fame, et Pierres Mostoile, de Monceaux an Brie, escuiers, freres à cele Marguerite, an nostre presance establi, de lor plain\11ne volanté, requenurent que il ont vandu et an non de-vandue quité et otroié à touz jors au dit Joufroi et à ses hoirs les dis sols de menu cens devant dit et les los et les vantes et touz les porfis qui istront et porront \12 issir do dit cens, por vint et cinc livres de tornois; des quiex deniers cil vandeeur devant dit se tinrent par devant nous plenieremant por paié, et renoncierent à ce que il ne puissient dire que li denier devant dit ne lor \13 aient esté baillié et conté, et que il ne-puissient dire que il soient deceu ne esgrevé an ceste vandue outre la moitié de droit pris. 6 Les quiex dis sols de menu cens devant dis cil vandeeur devant dit promistrent par loial \14 stipulacion garentir et delivrer au dit Jeufroi et à ses hoirs anvers touz quites et delivres de touz suages ^[1] comme de franc alué, as us et as costumes de Champaigne, et quant apartient à-garentie porter, garder le dit \15 Jeufroi et ses hoirs de touz domages et ne mie venir ancontre ceste vandue, ne par aux ne par autre, ou tans qui est à-venir. 7 Et vodrent et otroierent cil vandeeur devant dit que tuit cil qui tenooient lor herita\16ges ou devant dit cens, que il tiengnent des ore an avant do dit Jeufroi et de ses hoirs, et que il an-paient au dit Jeufroi et à ses hoirs comme à seigneurs toutes redevances ausi comme cil teneeur fesoient au \17 dit Hue et à la dite Marguerite, sa fame. 8 Et est à-savoir que il est ordené, acordé, atiré et establi antre ces vandeeurs et le dit Jeufroi, à gregneur seurté de par ledit Jeufroi et de par ses hoirs à-avoir, \18 que, se nuls venoit avant qui retraire poist et deust les dis sols de menu cens devant dis et qui meilleur droit eust et deust avoir oudit cens que cil Jeufrois, li-devant dis Jeufrois et si hoir tanroient \19 et panroient, ou cil qui cause et reson aroient de par aux, le dit cens, sanz debat et sanz contredit, juque à-la fin de toutes les anees devant dites. 9 Et por toutes ces choses devant dites plus loialmant et plus fermemant \20 à-tenir et à-garder et à-acomplir, cil vandeeur devant dit obligierent aux et lor hoirs et touz lor biens et les biens de lor hoirs, muebles et non muebles, ou que il soient, au dit Joufroi et à ses hoirs, et se \21 sosmistrent quant à ce an nostre juridicion et de noz successeurs, et renoncierent de tout au tout à toutes exceptions de droit et de fet, à toute tricherie et à tout barat, à benefice de restitution de tout \22 ravoir, à tout droit de doaire et à toutes autres exceptions qui lor porroient aydier et valoir an cest fet et au dit Jeufroi et à ses hoirs nuire. 10 Et an tesmoignance de toutes ces choses devant di\23tes, nous avons seelees ces letres de noz sealx, à-la-requeste des vandeeurs devant dis, sauf le droit nostre seigneur le-roi de Navarre an toutes les choses devant dites. 11 Ce fu fait an l'an de grace mil .CC. et \24 sissante et dis, ou mois de fevrier.

Notes de transcription
^[1] Sic pour usagesou servages?