Téléchargement du document

Documents linguistiques galloromans
Corpus : (chAub)
Responsable du corpus : -
Édition de la charte : -

chAub090

1270, 24 juin.

Type de document: Charte: confirmation d'une donation.

Objet: Confirmation par Thibaut [V], roi de Navarre et comte de Champagne, de la donation faite par Renaut de Bar[-le-Duc], chevalier, son homme, à l'Hôtel-Dieu-le-Comte de Troyes le 22 juin 1270 (voir n^o 89, ici copié).

Auteur: Thibaut [V], roi de Navarre et comte de Champagne.

Support: Parchemin jadis scellé sur lacs de soie rouge.

Lieu de conservation: Archives départementales de l'Aube, 40 H 1 (fonds de l'Hôtel-Dieu-le-Comte de Troyes).

Édition antérieure: D. Coq, 1988, Documents linguistiques de la France. III. Aube, Seine-et-Marne, Yonne, p. 97-100.

1 Nous, Thiebaus, par la grace de Dieu rois de Navarre, de Champpaingne et de Brie cuens palazins, 2 faisons savoir à-touz \2 ciaus qui ces presentes lettres verront et orront 3 que nous, en l'an de l'In_carnation Nostre Signour mil deuz cenz et soixan\3te et dis, la vegile de la feste saint Jehan Baptiste, veismes nous les letres nostre amei et nostre feal monsingnour \4 Renaut de Bar, chevalier, seellees de son seel en la fourme et en la meniere qui s'en_sieut ci aprés:
4 Je, Renaus de Bar, chevaliers, \5 5 fas savoir à-touz ciaus qui ces presentes letres verront et orront 6 que je doing et ai donnei et outroié pour Dieu \6 en aumosne pour la remission de mes pechiés et de mes ancessours perpetuelment à la Maison Dieu de Troies, c'on dist la \7 Maison le Conte de Troies, 7 deuz cenz lb. de rente de fors de Champpaingne prouvenisiens à-penrre chascun an perpe\8tuelment ens portages des vins de Troies, à deuz paiemans en l'an, soit à savoir au payement de la foire de Bar suz Aubbe, cent \9 livres, et à la foire de Troies à la Saint Jehan Bauptiste, les autres cent lb., les ques deuz cenz lb. je tieng en fief \10 et en homage de tres noble homme mon tres chier signor par la grace de Dieu Thiebaut, roi de Navarre, de Champ\11paingne et de Brie conte palazin, 8 et ma maison de Troies qui muet dou fief monsigneur devant dit, c'on apelle la maison \12 le Conte, et le pourprins de la maison tout, laquelle maisons et li pourprins siet à-la porte le Conte, à la Gievrie, en teile maniere \13 que je vueil que li maistres et li frere de la Maison Dieu devant dite fundent une chappelerie à-perpetuitei, sanz faillir, en la mai\14son que je lor ai donnee en l'onour et en nom de la glorieuse Vierge, benoite ^[1] mere Dieu, et qu'il facent en-qui chascun jour perpetu\15elment le saint servise Dieu et chantent une messe dou Saint Esperite à ma vie et une de Requiam aprés mon decés; 9 et vueil que \16 en nom de la benoite Dame en cui nom la chappelerie iert fundee, qu'il facent hospitalitei perpetuelment en la maison devant \17 dite que je lor ai donnee, et qu'il n'i herbergent se fames gisans non et malades et nul autre home, et lor charge et en_joing sus \18 le peril de leur ames qu'il n'i mettent ne reçoivent à-hospitalitei faire for-que fames purement; 10 et ce don et ceste aumosne ai je \19 faite par le grei et l'outroi de mon chier signor devant dit et si l'ai promis à-tenir bien et loyalment, fermement et establement, por moi, por \20 mes hoirs et por mes successourz perpetuelment, sanz rappel de moi ne d'autrui, de ce jor en avant. 11 Et por-ce que ce soit ferme chose \21 et estable, je ai seellees ces presentes letres de mon seel propre en-tesmoingnage de-veritei, 12 qui furent faites et donnees l'an de l'Incarnation \22 Nostre Signor que li milliaires courroit par mil deuz cenz et soixante et dis, le dimenge devant la Nativitei saint Jehan Baptiste, en \23 mois de joing.
13 \24 Et nos, de cui fié ces choses devant dites muevent, loons, outroions et confermons toutes ces choses devant dites \25 por nous, por nos hoirs et por nos successourz, à la Maison Deu devant dite; et volons que la Maisons Dieu deseure dite les taingne \26 perpetuelment en-main morte sanz nul reclain. 14 Et por-ce que ce soit ferm et estable à touz jours avons nous fait seeller ces presen\27tes letres de nostre seel, 15 qui furent faites et donnees en l'an de grace mil deuz cenz et soixante et dis, à Marsoille, le jor de la feste \28 saint Jehan Baptiste, en-mois de joing.

Notes de transcription
^[1] Ainsi écrit: benoioitequi paraît bien une erreur.