Téléchargement du document

Documents linguistiques galloromans
Corpus : (chAub)
Responsable du corpus : -
Édition de la charte : -

chAub054

1265, mai.

Type de document: Charte: vente.

Objet: Vente par Jeannet dit l'Épicier et Marie, sa femme, à Jacques Philippe, tous trois citoyens de Troyes, d'un étal sis en la Poivrerie de Troyes, derrière les Changes, moyennant 100 sous de provenisiens forts.

Auteur: Pierre Renouard, prévôt de Troyes.

Disposant: Jeannet dit l'Épicier et Marie, sa femme.

Sceau: Pierre Renouard, prévôt de Troyes.

Bénéficiaire: Jacques Philippe.

Support: Parchemin jadis scellé sur double queue.

Lieu de conservation: Archives départementales de l'Aube, G 3536 (fonds du chapitre de la cathédrale Saint-Pierre de Troyes).

Édition antérieure: D. Coq, 1988, Documents linguistiques de la France. III. Aube, Seine-et-Marne, Yonne, p. 58-59.

Verso: Jehannet l'Espicier (XIII^e s.), Littera emptionis stalli defuncti Jacobi Philipi (début XIV^e s.), Supra scambia (XIV^e s.).

1 Gié, Pieres Renoars, prevoz de Troies, 2 fais savoir à-touz celz qui ces presentes lettres verront 3 que, en ma presence establi, \2 Jehannez, diz li Espiciers, fiz feu Jehan l'Espicier, et Marie, sa fame, citien de Troies, reconurent par devant moi que il ont \3 vendu et en non de vendue otroié et quité perpetuelment à touz jors 4 à Jaque Felippe, citien de Troies, 5 un estal que il avoient \4, si com il disoient, qui siet en la Pevrerie de Troies, darrier les Changes, selonc l'estal aus freres dou Temple, d'une part et \5 selonc l'estal Piere de La-Chapele, escuier, de l'autre part, à celui Jaque Felippe et à ses hoirs celui estal devant dit quitemant et \6 en paiz tenir et avoir perpetuelment à touz jors, por cent solz de bons provenisiens fors, des quex cil Jehannez et Marie, sa fame, \7 se tindrent par devant moi por bien paié en deniers contans, et renoncierent à ce que il ne poissent dire que cil denier ne lor \8 aient esté baillié et conté; 6 le quel estal devant dit cil Jehannez et Marie, sa fame, ont promis par devant moi à-celui Jaque et \9 à ses hoirs à garantir anvers touz perpetuelment, selonc les us et les costumes de Troies; 7 et por cele garantie miex à-porter et \10 à-tenir les covenances desus dites, ont obligié li dit vendeor au dit achateor aus et lor hoirs et touz lor biens et les biens \11 de lor hoirs, muebles et non muebles, ou que il soient; 8 et promistrent li dit vendeor par devant moi à garder quant à-ce le\12dit acheteor et ses hoirs de touz domages et que il ancontre ceste vendue ne vanront, par aus ne par autre, ne ne \13 feront venir à nul tens; 9 et ont renoncié en cest fait à touz privileges de cruiz et à toutes aides de droiz de canon \14 et de cité et à toutes choses, quex qu'eles soient, qui lor poissent valoir ne estre faites anconte ces letres et au devant dit \15 Jaque Felippe ne à ses hoirs nuire, et à-ce que il ne puissent dire que il aient esté deceu ne angignié outre la-moitié dou droit pris \16 en la vendue desus nomee et à touz autres droiz escriz et non mie escriz, et de doaire et de toutes exceptions et rai\17sons que il poissent alliguer ne metre avant en plait, en quelque cort que ce fust, et qui à celui Jaque et à ses hoirs poist \18 grever ne nuire. 10 Et en tesmoing de ceste chose, à-la requeste des devant diz vendeors, ai gié seellees ces presentes \19 lettres de mon seel. 11 Ce fu fait en l'an de grace .M.CC.LX. cinc, ou mois de mai.