Téléchargement du document

Documents linguistiques galloromans
Corpus : (chFlan)
Responsable du corpus : -
Édition de la charte : -

chFland056

1268, 3 septembre.

Type de document: Lettre obligatoire.

Objet: Lettre obligatoire de Marguerite, comtesse de Flandre et de Hainaut, pour une dette de deux mille livres à payer à Jacques et Sawalon, enfants de Marguerite le Borgne, bourgeois d'Arras, ou à leur mandataire sur présentation de cette lettre, à Arras ou Douai, dans le délai d'un mois après requête.

Auteur: Marguerite, comtesse de Flandre et de Hainaut.

Sceau: Marguerite, comtesse de Flandre et de Hainaut.

Bénéficiaire: Jacques et Sawalon, enfants de Marguerite le Borgne, bourgeois d'Arras.

Support: Parchemin scellé sur double queue d'un sceau ovale en cire blanche, avec contre-sceau.

Lieu de conservation: Archives de l'État à Gand, Chartes des comtes de Flandre, collection Saint-Genois, n^o 135.

Édition antérieure: Th. Luykx, 1961, De grafelijke financiële bestuursinstellingen…, p. 379-380; R. Mantou, 1987, Documents linguistiques de la Belgique romane. II. Flandre occidentale et Flandre orientale, p. 70-71.

Verso: Debte paiie (XIII^e s.).

1 Nous, Margherite, contesse de Flandres et de Haynau, 2 faisons à savoir à \2 tous 3 ke nous devons à nos boens amis Jakemon et Sawalon, enfans Marghe\3ritain le Boirgne, citoiens d'Arras, u à celui u à ceaus ki ces letres rendera, 4 deus mile \4 lib. de parisis qu'il nos ont presteis de lor propre chateil à nostre besoign, en boene mou\5noie et bien contee, les queus deniers nous avons en couvent à rendre et à paier \6 à Arras u à Douwai, en le quele de ces deus viles qu'il ameront mius, à eaus \7 u à lor certain conmant, dedens un mois aprés ce qu'il u autres de-par eaus nos \8 en avra semonsé loiaument en boene foi. 5 Et se nous dedens celui mois ne lor paiens \9 si conme dit est, tous cous, tous damages et tous despens qu'il u autres de-par eaus \10 aroient u feroient puis celui mois pour le defaute de nostre paiement, nous lor avons \11 en couvent à rendre et à paier à lor voir dit, sans autre provance et sans le sunme \12 des deus mile lib. de parisis devant dite amenrir. 6 Et de ce à faire et à tenir fermement \13 tout ensi ke dit est renonçons nous à toute aiuwe et à tout privilege dounei à \14 croisiés ne ki soit à douneir, et à toutes autres choses ki aidier u valoir nos porroient \15 contre ces letres et ceste couvenence et as devant dis citoiens grever ne faire da\16mage u grevance. 7 En tesmoignage et en seurté de la quel chose nous avons dounei ces \17 presentes letres as devant dis Jakemon et Sawalon, seelees de nostre seel, 8 ki furent \18 dounees en l'an del Incarnation Jhesu Crist .MCCLX. et wit, le lundi aprés le jour \19 saint Jehan Decollatie.