Téléchargement du document

Documents linguistiques galloromans
Corpus : (chFlan)
Responsable du corpus : -
Édition de la charte : -

chFland055

1268, 3 septembre.

Type de document: Lettre obligatoire.

Objet: Lettre obligatoire de Guy, comte de Flandre et marquis de Namur, pour une dette de deux mille livres de parisis à payer à Jacques et Sawalon, enfants de Marguerite le Borgne, bourgeois d'Arras, ou à leur mandataire sur présentation de cette lettre, à Arras ou Douai, dans le délai d'un mois après requête.

Auteur: Guy, comte de Flandre et marquis de Namur.

Sceau: Guy, comte de Flandre et marquis de Namur.

Bénéficiaire: Jacques et Sawalon, enfants de Marguerite le Borgne, bourgeois d'Arras.

Support: Parchemin scellé sur double queue d'un sceau dont il ne subsiste que quelques traces.

Lieu de conservation: Archives de l'État à Gand, Chartes des comtes de Flandre, collection Gaillard, n^o 513.

Édition antérieure: R. Mantou, 1987, Documents linguistiques de la Belgique romane. II. Flandre occidentale et Flandre orientale, p. 69-70.

1 Nous, Guys, cuens de Flandres et marchis de Namur, 2 faisons savoir à tous 3 ke nous devons à nos bons amis Jakemon et Sa\2walon, enfans Margheritain le Borgne, citoiens d'Arras, ou à celui ou cels ki ces letres rendera, 4 deus mile lib. de parisis qu'il nous ont \3 presteis de leur propre chatel, à nostre besoing, en bone monoie loial et bien contee, les quels deniers nous avons en-covent à-rendre et \4 à-paier à Arras u à Douay, en le quele de ces deus viles ke il ameront mils, à eaus ou à leur certain conmant, dedens un mois apriés \5 chou ke il ou autres de par eaus nous en avera semons loialment en bone foi. 5 Et se nous dedens celui mois ne lor paiens si conme dit \6 est, tous cous, tous damages et tous despens ke il ou autres de par eaus averoient ou feroient puis celui mois por le defaute de \7 nostre paiement, nous lor avons en-covent à rendre et à-paier à leur voir dit, sans autre provance et sans le sunme des deus mile lib. de \8 parisis devant-dite amenrir. 6 Et de ce à-faire et à-tenir fermement tout ensi ke dit est renonçons nous à toute aiuwe et à tout privile\9ge donei à croisiés ne ki soit à-doner, et à toutes autres choses ki aidier ou valoir nous poroient contre ces letres et ceste cove\10nence et as devant dis citoiens grever ne faire damage ou grevance. 7 En tesmoignage et en seurté de cesti cose, nous avons \11 donei ces presentes letres as devant dis Jakemon et Sawalon, seelees de nostre seel, 8 ki furent donees en l'an del Incarnation \12 Jhesu Crist mil deus cens soissante et wit, le lundi apriés le jour saint Jehan Decollatie.