Téléchargement du document

Documents linguistiques galloromans
Corpus : (chFlan)
Responsable du corpus : -
Édition de la charte : -

chFland046

1267, 22 octobre.

Type de document: Lettre obligatoire.

Objet: Lettre obligatoire de Marguerite, comtesse de Flandre et de Hainaut, pour une dette de huit cents livres de parisis à payer à Jacques Louchart, bourgeois d'Arras, ou à son mandataire, à Arras, dans un délai de quinze jours après requête.

Auteur: Marguerite, comtesse de Flandre et de Hainaut.

Sceau: Marguerite, comtesse de Flandre et de Hainaut.

Bénéficiaire: acques Louchart, bourgeois d'Arras.

Support: Parchemin scellé sur double queue d'un sceau ovale en cire blanche, avec contre-sceau.

Lieu de conservation: Archives de l'État à Gand, Chartes des comtes de Flandre, collection Saint-Genois, n^o 131.

Édition antérieure: Th. Luykx, 1961, De grafelijke financiële bestuursinstellingen…, p. 376; R. Mantou, 1987, Documents linguistiques de la Belgique romane. II. Flandre occidentale et Flandre orientale, p. 56-57.

Verso: Ce sunt les lettres racatees à Jakemon Louchart de .viii^c. lb. (XIII^e s.).

1 Nous, Margherite, contesse de Flandres et de Haynau, 2 faisons savoir à tous 3 ke nous devons \2 à nostre chier ami Jakemon Louchard, citoien de Arras, 4 wit cens lib. de paresis, les ques \3 il nos a presteis à no besoign en boene mounoie et bien contee. 5 Le quele summe de deniers \4 nous avons en convent et prometons à rendre et à paiier à Jakemon devandit u son \5 conmant à Arras, en sauf lieu et en seur, à no coust et à no peril, dedens le quinsaine \6 ke nous en serons requise de celui Jakemon u de son certain message ki ces presentes letres \7 nous deliverra. 6 Et se il avenoit chose ke nous en defalliens, ke ja n'aviegne, tous \8 les cous, tous les despens et tous les dammages ke li devandis Jakemes u ses hoirs \9 i aroit u feroit, en quelconque maniere ke ce fust, pour le defaute de no paiement, \10 nous lui renderiens jusques au dit de lui u de son hoir, se de lui estoit defallit, \11 à Arras, avoec toute le dete devandite, sans autre prouvance faire. 7 Et pour toutes \12 ces convenances tenir et enplir ensi com ci devant est dit, nous oblegons nous et \13 nos hoirs et tous nos biens, meubles et non meubles, presens et à venir, en quel\14conque lieu ke il soient trouveit, ke il u ses hoirs les puist prendre u faire \15 prendre et arrester en nostre sauf conduit et sans fourfait par tout si comme le \16 sien, dusques à tel dete et à teus convenances ke ci devant sunt dites. 8 Toutes ces \17 convenances et cascune par li nous avons en convent et promis en boene foit, bien et \18 loiaument et fermement, à tenir et à en emplir. 9 Et pour ce ke ce soit \19 ferme chose et estable et bien tenue, nous avons fait metre nostre \20 saiel à ces presentes letres, 10 ki furent donees l'an del \21 Incarnation Nostre Seigneur mil deus cens soissçante \22 siet, le semedi aprés le Saint Luc l'Ewangeliste, \23 el mois d'octembre.