Téléchargement du document

Documents linguistiques galloromans
Corpus : (chFlan)
Responsable du corpus : -
Édition de la charte : -

chFland045

1267, 17 septembre.

Type de document: Lettre obligatoire.

Objet: Lettre obligatoire de Marguerite, comtesse de Flandre et de Hainaut, pour une dette de seize cent vingt livres de parisis à payer à Ermenfroi Crespin et à Robert Crespin, son frère, bourgeois d'Arras, ou à leur mandataire, à Arras, le samedi après la Chandeleur suivante.

Auteur: Marguerite, comtesse de Flandre et de Hainaut.

Sceau: Marguerite, comtesse de Flandre et de Hainaut.

Bénéficiaire: Ermenfroi Crespin et à Robert Crespin, son frère, bourgeois d'Arras.

Support: Parchemin scellé sur double queue d'un sceau ovale en cire blanche, avec contre-sceau.

Lieu de conservation: Archives de l'État à Gand, Chartes des comtes de Flandre, collection Saint-Genois, n^o 129.

Édition antérieure: Th. Luykx, 1961, De grafelijke financiële bestuursinstellingen…, p. 371-372; R. Mantou, 1987, Documents linguistiques de la Belgique romane. II. Flandre occidentale et Flandre orientale, p. 55-56.

Verso: Ce sunt les lettres racatees à Jakemon Louchart de .viii^c. lb. (XIII^e s.)

1 Nous, Margherite, contesse de Flandres et de Haynau, 2 faisons savoir à-tous cels ki ces letres verunt et orunt, 3 ke nos \2 devons à nos chiers amis Ermenfroit Crespin et Robert Crespin, sen frere, citoiens d'Arras, 4 seze cens et \3 vint livres de paresis, les quels il nous ont prestés à no besoing, en boine mounoie bien contee. 5 Le quele \4 sunme de deniers nous avons en-covent et prometons à rendre et à paier as citoiens devant noumés, u al \5 un d'aus deus, u à-leur conmant, à Arras, en sauf liu et en seur, à no coust et à no peril, dedens le samedi prochain \6 aprés le Candeler, le premiere ke nous atendons. 6 Et s'il avenoit chose ke nous en-defaliens, que ja n'aviegne, \7 tous les cous, tous les despens et tous les damages ke li devant dit Ermenfrois et Robers, u li uns d'aus deus, \8 u leur hoir i-aroient u feroient, en quelconkes maniere ke ce fust, pour le defaute de no paiement, nous \9 leur renderiens juskes à leur dis u au dit del un d'aus deus u de-leur hoirs, se d'auls estoit defalit, à Arras, \10 aveuc toute le dete devant dite, sans autre provance faire; ne pour defense ne pour arriest de segneur de \11 terre u d'autre persone quele k'ele soit, u pour chose ki aviegne, nous ne lairons à tenir et à paier le dete et \12 les convenences devant dites as citoiens devant noumés u al un d'aus deus u à leur hoirs. 7 Et pour toutes \13 ces convenences tenir et emplir ensi con ci-devant est dit, nous oblegons tous nos biens, meubles et non meubles, \14 presens et à-venir, en quelconkes liu qu'il soient trouvet, ke il u li uns d'aus deus u leur hoirs le puisent \15 prendre u faire prendre et arester en no sauf conduit et sans fourfait partout conme le leur duskes \16 à-tel dete et à tels convenences ki ci devant sunt dites. 8 En toutes ces choses nous avons renonciet et renonçons \17 à toutes exceptions, à toutes bares, à tous privileges, à toutes indulgenses, à toutes gracies, à tous \18 repis, à toutes letres impetrees u à impetrer del apostole u de legat u d'empereur u de roi u d'autre persone, \19 à toute aiue de loi crestiene de sainte Glise et de loi mondaine, et à toutes les choses ki aidier u valoir nous \20 poroient encontre ces convenences et as citoiens devant noumés et à-leur hoirs poroient grever u nuire. \21 9 Toutes ces convenences et cascune par li nous avons en-covent et promis en boine foit, bien et loiaument et fer\22mement, à tenir et à emplir. 10 Et pour çou ke ce soit ferme chose et estaule et bien tenue, nous avons ces \23 presentes letres fait saieler de no saiel. 11 Ce fu fait en l'an del Incarnation Nostre Segneur mil .CC. \24 sissante et siet, le samedi aprés le Sainte Crois, el mois de septembre.