Téléchargement du document

Documents linguistiques galloromans
Corpus : (chFlan)
Responsable du corpus : -
Édition de la charte : -

chFland037

1266, 1^er-4 septembre.

Type de document: Charte: promesse.

Objet: Promesse par Marguerite, comtesse de Flandre et de Hainaut, de rembourser, avant la Chandeleur suivante, pour son fils Guy, comte de Flandre et marquis de Namur, une dette de six mille livres de parisis qu'il a contractée envers Audefroi Louchart, bourgeois d'Arras.

Auteur: Marguerite, comtesse de Flandre et de Hainaut.

Sceau: Marguerite, comtesse de Flandre et de Hainaut.

Bénéficiaire: Audefroi Louchart, bourgeois d'Arras.

Autres Acteurs: Guy, comte de Flandre et marquis de Namur, fils de Marguerite.

Support: Parchemin scellé sur double queue d'un sceau ovale, en cire blanche, avec contre-sceau.

Lieu de conservation: Archives de l'État à Gand, Chartes des comtes de Flandre, collection Saint-Genois, n^o 121.

Édition antérieure: Th. Luykx, 1961, De grafelijke financiële bestuursinstellingen…, p. 364-365; R. Mantou, 1987, Documents linguistiques de la Belgique romane. II. Flandre occidentale et Flandre orientale, p. 47-48.

Verso: Debte paiie (XIII^e s.).

1 Nous, Margherite, contesse de Flandres et de Haynau, 2 faisons savoir à tous ciaus ki ces letres verront \2 et orront 3 ke nous devons conme nostre propre dete pour nostre chier fil Guion, conte de Flandres et marchis \3 de Namur, à no boen ami Audefroi Louchart, citoien d'Arras, 4 sis mile livres de paresis de boene dete et de loial \4 et de prest, à rendre et à-paier à celui Audefroi ki dis est u à sen certain conmant, à Arras, au samedi pro\5chain devant le feste Nostre Dame Candelier, le premier ki est à-venir. 5 Et se li devant dis Audefrois \6 n'estoit paiiés de toute le dete devant dite au terme devant noumé et il i-avoit cous et damages u fe\7sist despens, nous, Margherite, contesse devant dite, li renderiens tous les cous et tous les damages k'il \8 i-aroit et tous les despens k'il i-feroit, sour sen voir dit sans autre prouvance faire, avoec le dete devant \9 dite. 6 Et tout çou avons nous proumis à tenir au devant dit Audefroi u à sen conmant par abandon \10 de tous nos biens. 7 Et pour çou ke ce soit ferme chose et estaule, nous avons baillié au devant dit Aude\11froi ces presentes letres, seelees de nostre seel. 8 Ce fu fait en l'an del Incarnation Nostre Signeur \12 mil deus cens et sissante sis, en le premiere semaine del mois de septembre.