Téléchargement du document

Documents linguistiques galloromans
Corpus : chartes de Meurthe-et-Moselle (chMM)
Responsable du corpus : Martin-D. Glessgen
Édition de la charte : Martin-D. Glessgen / Michel Arnold (révision: D. Kihaï)

ChMM224

1262 (25-31 mars) ou 1263 (n.st., 1^er-24 mars)

Type de document: charte: vente

Objet: Vente par Henri, dit Vaillant, bourgeois de Toul, et Perrinette, sa femme, à Hues, écolâtre de Toul, d'une maison située entre celle d'Aubertin de Jaillon, chanoine, et celle de Wautier Le Roux, pour soixante livres de provénisiens.

Auteur: officialité de Toul

Sceau: auteur

Bénéficiaire: Hues, écolâtre de Toul

Autres Acteurs: Henri, dit Vaillant, bourgeois de Toul, et Perrinette, sa femme

Rédacteur: scriptorium épiscopal de Toul (Officialité) [pal]

Support: parchemin jadis scellé sur double queue

Lieu de conservation: AD MM G 54, liasse 89, fonds du chapitre de la cathédrale de Toul

Édition antérieure: Scott, XXVIII

Verso: Littera de domo Henrionni Vailant (XIII^e s.); Vendita domino Hugoni scolatice (XV^e s.)

1 Nous, Officials de la cort de Toul, 2 faisons savoir à touz 3 que Hanrions, diz Vaillanz et Perrenate, sa fame, \2 citien de Toul, establi en nostre presance, ont recognu en droit et en justice par devant nous 4 que il ont \3 vendu à seignor Huom, escolastre de Toul, lour maison que il avoient antre la maison Aubertin \4 de Jaulous, chenoigne de Toul d'une part et la maison que fui seignor Waiter Lou Rous qui fui \5 chenoignes de Toul d'autre part, antierement devant et derriers et toutes les apandices à la dite \6 maison, por soixante et cinc livres de pruvenisiens fors, dont il ont receu plen paiement et antier dou seignor Huom devant dit, en deniers paiez et contez. 5 Et de la maisom devant dit se sunt il devestu \7 devant nous et en ont fait tenant et revestuet saisi m'escolastre devant dit por tenir à touz jous \8 solement et quite come son herretage et por faite sa volunté si com de celu que il ait leament \9 aquesté es devanz diz Waillant et Perrenate, sa fame, par mi quatre deniers et une maille que ale doit \10 chescun am à l'eglise seint Estene de Toul. 6 et de la devant dite maison et de toutes les apandises li \11 ont promis à porter warantie li devant dit Waillanz et Perrenate, sa fame, leament anvers touz \12 ceas qui voroient venir à droit à lor poair. 7 Et ont Hanrions et sa fame devant dit renuncié \13 à l'excepcion de-la menoir ne cuntee, ne paie ne en lor prou convertre et à toutes les autres exceptions de droit \14 escrit et nun escrit que lor poroient valair et à seignor Huom devant dit nuere. 8 Et est à savoir que \15 Perrenate devant nommeait jurie devant nous que ne por douaire, ne por herietage, ne por autre chose ale \16 ne verait ne par lei ne par autrui am contre lou vandage devant dit, ne riens n'i puet jemais reclamer 9 et \17 se sunt otroié Hanrions et sa fame devant dit devant nous et ont en ce consenti que se nuns d'aus \18 dous venait ancontre lou vandage devant dit, que nous, à la requeste dou seignor Huom devant dit \19 sanz nule monition les escumenieriens et feriens noncier por escumeniez par tout et de cest escu\20meniement se sunt il mis en nostre juridicium 10 et ont renuncié à toutes justices et à touz privile\21ges. 11 An tesmoignage de ceste chose avons nous saele ces presantes lettres dou sael de la cort de Toul \22 à la requeste diz devant diz Hanrion et Perrenate, sa fame. 12 Ce fui fait am l'an quant li miliaires \23 Nostre Seignor corait par mil et dous cenz et sexante et dous anz, ou mois de mars.