Téléchargement du document

Documents linguistiques galloromans
Corpus : (chFlan)
Responsable du corpus : -
Édition de la charte : -

chFland030

1265, 9 mai.

Type de document: Lettre obligatoire.

Objet: Lettre obligatoire de Guy, comte de Flandre et marquis de Namur, pour une dette de deux mille quatre cents livres de parisis à payer à Jacques Louchart, bourgeois d'Arras, ou à son mandataire, à Arras, le 10 mai 1266.

Auteur: Guy, comte de Flandre et marquis de Namur.

Sceau: Guy, comte de Flandre et marquis de Namur.

Bénéficiaire: Jacques Louchart, bourgeois d'Arras.

Support: Parchemin scellé sur double queue d'un sceau rond, en cire jaune, dont il ne subsiste qu'un fragment, avec contre-sceau.

Lieu de conservation: Archives de l'État à Gand, Chartes des comtes de Flandre, collection Saint-Genois, n^o 113.

Édition antérieure: R. Mantou, 1987, Documents linguistiques de la Belgique romane. II. Flandre occidentale et Flandre orientale, p. 39-40.

Verso: De debte paiie (XIII^e s.).

1 Nous, Guis, cuens de Flandres et marchis de Namur, 2 faisons à savoir à tous ceus ki ces letres verront et orront 3 ke \2 nos devons à nostre bon ami Jakemon Louchart, fil Englebert Louchart, bourgois d'Arras, 4 deus mile livres et quatre cens \3 livres de paresis, les quels deniers il nos a prestés de sen propre chatel à nostre besoing. 5 Et ces deniers devant dis nos avons \4 en-covent à rendre et à paier à Jakemon Louchart devant dit à Arras ou à sen certain conmandement, au samedi prochain aprés les \5 octaves du premier jour de may prochain ke nos atendons. 6 Et s'il avenoit ke nos adons l'en-defalissiens, nous li renderiiens \6 tous les cous et tous les damages ke il i-aroit par la defaute de nostre paiement, sour le plain dit Jakemon devant dit, \7 sans autre provanche faire. 7 Et de che metons nos en droit et en loy et en abandon tous nos biens ke nos avons et ke nos \8 arons envers quelconkes segnour ke Jakemes devant dis volroit, tant k'il soit bien et plainement paiés de la dete devant \9 nonmee et des cous et des damages ensi con devant est dit. 8 Et d'endroit che avons nos renonchié à tous privileges de crois et à \10 toutes bares et à tous refuis et à toutes exceptions et à toutes dilations et à toutes les choses ki nos poroient aidier contre \11 ces covenenches et grever à Jakemon devant dit. 9 Et ces covenenches devant dites avons nos en-covent bien et loiaument à-tenir, \12 par le tesmoing de ces letres ki sont saelees de nostre sael. 10 Ces letres furent donees en l'an del Incarnation Nostre \13 Signeur mil deus cens sissante et ciunc, le samedi prochain aprés les octaves du premier jour de may.