Téléchargement du document

Documents linguistiques galloromans
Corpus : (chFlan)
Responsable du corpus : -
Édition de la charte : -

chFland029

1265, 5-30 avril.

Type de document: Vidimus: abandon.

Objet: Vidimus confirmatif par Marguerite, comtesse de Flandre, et de Robert, avoué d'Arras, son neveu, d'un acte de Hugues, châtelain de Gand, et de Hugues, son fils (acte n^o28).

Auteur: Marguerite, comtesse de Flandre, Robert, avoué d'Arras, son neveu.

Sceau: Marguerite, comtesse de Flandre, Robert, avoué d'Arras, son neveu.

Support: Parchemin scellé sur lacs de soie de deux sceaux.

Lieu de conservation: Archives de l'État à Courtrai, Abbaye de Groeninge, Chartes, n^o 23.

Édition antérieure: F. Van de Putte, 1872, Speculum Beatae Mariae Virginis, p. 13-15; R. Mantou, 1987, Documents linguistiques de la Belgique romane. II. Flandre occidentale et Flandre orientale, p. 36-39.

1 Nous, Margherite, contesse de Flandres et de Haynau, et je, Robers, ses niés, ainsneis fius au noble ho\2me Guion, conte de Flandres et marchis de Namur, avoeis d'Arras, sire de Bethune et de Tenremonde, 2 faisons à \3 savoir à tous 3 ke nous avons veues les letres nos chiers foiables Huon, chevalier, jadis chastelain de Gant, et Huon, \4 son fil, chastelain de Gant, seelees de lor saieaus en ceste fourme:
4 Jou, Hue, chevaliers, castelains de Gant, et jou, Hue, \5 ses fius et ses hoirs, 5 faisons à savoir à tous 6 ke, conme querele et contens eust estei longement entre nous, d'une part, et \6 l'abeesse et le couvent del abie de Marke, encoste Courtrai, del ordene de Cysteaus, d'autre part, pour l'okison d'une dis\7me ke nous calengiens et demandiens de terre novelement dikie, ki gist en le parroche de Vroendike, seur le meir, en\8coste leur autre terre, entre leur dic et le dic les monies de Hafflenghiem, 7 le quele terre li abeesse et li couvens \9 de le maison devant dite avoient donee à dikier à gens dou siecle, et nous i demandiens no disme par le droit \10 dou fief ke nous tenons dou segneur de Tenremonde, ensi ke nous disiens, et li abeesse et li couvens de le maison \11 devant dite estoient encontre et disoient ke eles l'avoient et tenoient par don d'aumosne ke li cuens Thumas \12 et li contesse Jehane lor avoient dounee, 8 à le pardefin, nous celi calenge de le terre devant dite, par le los de boene \13 gent et par le consel de no conmun lignage, avons cuitee boenement, par pais faisant, parmi cent et dis lib. de le \14 monoie de Flandres ke nous en avons reciut en boen paiement, et des queus deniers nous nos tenons bien a paiés \15 del abeesse et dou couvent devant dit, en boene monoie et bien contee. 9 Et cuitons par foi et par sairement tout \16 le droit ke nous i demandiens et toute le disme entirement et les apendances et quanke nous i aviens u avoir po\17iens par quel droit ke ce fust. 10 Ceste couvenence et ceste cuitance avons nous en couvent à tenir loiaument par \18 foi et par serement, tout ensi ke deseure est dit et promis, seur peine de ciunc cens lib. de le monoie de Flandres, \19 ke jamais ne querrons art ne engien ne okoison, par nous ne par autrui, par quoi li maisons de Marke devant dite \20 en puist estre agrevee ne adamagie. 11 Et s'il avenoit en aucun tans, par aucune maniere, ke ja n'aviegne, ke nous u no \21 hoir alissiemes encontre ce ke deseure est dit, u en tout u en partie, nous seriens enkeut en paine de ciunc cens lib. \22 de le devant dite monoie, des queles li sire de le terre doit avoir le moitié pour nous constraindre à faire tenir \23 ceste couvenence et ceste cuitance tout ensi ke deseure est dit, et li autre moitiés doit demorer à la maison de \24 Marke devant dite, ne ja pour ce ne demoerroit ke li couvenence et li cuitance devant escrit ne demorassent \25 ferm et estable à le maison de Marke devant dite, tout ensi ke deseure est deviseit. 12 Et prions et requerons \26 à no chiere dame Margherite, contesse de Flandres et de Haynau, de cui li disme et toute li terre devant dite \27 descent souvrainement, et à Robert, son neveu et son foiable segneur de Tenremonde, ke il ceste couvenence \28 et ceste cuitance loent et greent et conferment par lor letres et destraignent, se mestiers estoit, nous et nos hoirs \29 au faire tenir fermement tout ensi ke deseure est dit. 13 Et pour ce ke toutes ces choses soient fermes et estables, nous \30 en avons dounei ces presentes letres al abeesse et au couvent de Marke devant nonmees, seelees de nos saieaus, \31 14 ki furent dounees en l'an del Incarnation Nostre Segneur Jhesu Crist .MCC. soissante et quatre, el mois de decembre. \32
15 Et nous, Margherite, contesse de Flandres et de Haynau, et jou, Robers, ses niés, ainsneis fius le conte de Flan\33dres et marchis de Namur deseure nonmeit, à la requeste et à la priiere de Huon, jadis chastelain de Gant, chevalier, \34 et de Huon, son fil et son hoir, devant nonmeis, toute ceste couvence et ceste cuitance deseure escrite et devisee loons \35 et greons et confermons et ferons tenir ensi com il le requierent à nous en lor letre conme segneur. 16 En tesmoignage et \36 en seurtei de la quel chose nous avons mis nos saieaus à ces presentes letres, 17 ki furent donees en l'an del Incarnation \37 Nostre Segneur Jhesu Crist mil deus cens soissante et ciunc, el mois d'avril.