Téléchargement du document

Documents linguistiques galloromans
Corpus : (chHain)
Responsable du corpus : -
Édition de la charte : -

chHain125

1270, 16 novembre.

Type de document: Charte: vente.

Objet: Vente par Jean de Froidmont, fils d'Étienne de Froidmont, le boucher, à Agnès, veuve de Grart Greusin, bourgeois de Tournai, de la moitié d'une terre de neuf quartiers, laquelle terre est grevée d'un cens de deux deniers de Laon dû à Libert de le Court.

Auteur: Non annoncé.

Disposant: Jean de Froidmont, fils d'Étienne de Froidmont, le boucher.

Bénéficiaire: Agnès, veuve de Grart Greusin, bourgeois de Tournai.

Autres Acteurs: Acte passé dans la maison de Jean de Prisches devant les échevins de Chercq et en présence de Watier le Porkier, comme justice.

Support: Parchemin. Au bord inférieur, la moitié supérieure de la devise «CYROGRAPHVM».

Lieu de conservation: Archives de l'évêché de Tournai (cure de Chercq, I, 47).

Édition antérieure: Ruelle, 1984, Documents linguistiques de la Belgique romane. I. Hainaut, p. 153-154.

Verso: C'est Anniés ki fu fenme Grar-Greusin (XIII^e s.).

1 Sacent tout cil ki cest escr[it] [vero]nt ^[1] et oront 2 ke Jehans de Froimont, ki fu fius Estievenon de Froi\2mont, le machekelier, a vendut, werpit et clamet quitte à tous jours hiretaulement 3 à Anniés, \3 ki fu fenme Grart Greusin, borgois de Tornai, 4 le moitiet de .ix. quartiers de tiere, pau plus \4 pau mains, ki gist en le poestet de Cerc, tenant à-le tiere Jehan Catine, k[i] ^[2]-fu jadis Jehan Castag\5ne. 5 Et si ne doivent cil .ix. quartier de tiere devant-dit dont Anniés Greusine en a acatet le \6 moitiet ke .ij. lonisiens de cens par an, à le Saint Remi, à Libiert de le Court. 6 Et par mi çou ke \7 li moitiés de ces .ix. quartiers de tiere doivent, Jehans de Froimont l'a en-couvent à-aquiter \8 tout quite à Anniés Greusine juskes al assens des escievins de Cerc. 7 S'en a assenet à lui et \9 au-sien, à quan k'il a et à quan qu'il ara par tout, pour l'aquitance. 8 À cest werp et à toutes ces cou\10venences devant [di]ttes ^[3] furent come eskievin de Cerc Jehans li Rikes, Sohiers de sor le \11 Pont, Paiiens de le Ture, Jehans de Prices, Pieres dou Celier, Colars dou Bos et Jake\12mes de Warnave, et s'i fu Watiers li Porkiers come justice. 9 Et par somonse de justice \13 disent li eskievin devant nomet, par loi, ke Jehans de Froimont estoit bien des_ire\14tés de le moitiet des .ix. quartiers de tiere devant dis, par loi, et Anniés, ki fu fenme Grart \15 Greusin, bien aïretee et à-loi. 10 Et si fiança et jura sour sains ke jamais ne querra \16 ne ne fera querre, par lui ne par autrui, art ne engien, cause, matere, occoison ne \17 cose nulle en nule maniere, par coi Anniés devant ditte viegne à destourbier ne \18 à damage del iretage devant noumet, dont il est bien aïretee et à-loi pour faire \19 toute se volentet. 11 Et si se tient Jehans de Froimont bien plainement a paiiet, en boins \20 deniers contés, de tout le pris de ce vendage devant dit et en-quita Anniés Greusine \21 de tout le paiement. 12 Et, por çou ke ce soit ferme cose et estaule, si en est cirografes \22 fais en .ij. parties, del quel Anniés devant ditte warde l'une partie et li eskievin \23 de Cerc wardent l'autre partie. 13 Ce fu fait à le maison Jehan de Prices, l'an del Incar\24nation .MCC. et .LXX., el-mois de novembre, le diemence apriés le jour Saint Martin, \25 au viespre.

Notes de transcription
^[1] Encre délavée.
^[2] Encre délavée.
^[3] Encre délavée.