Téléchargement du document

Documents linguistiques galloromans
Corpus : (chHain)
Responsable du corpus : -
Édition de la charte : -

chHain124

1270, octobre.

Type de document: Charte: vente.

Objet: Vente par Sohier d'Espain à Mathieu le Cambier, bourgeois de Tournai, d'un pré gisant à Chercq, sous le roc Saint-André, vers Vaulx.

Auteur: Non annoncé.

Disposant: Sohier d'Espain.

Bénéficiaire: Mathieu le Cambier, bourgeois de Tournai.

Autres Acteurs: Acte passé devant les échevins de Chercq et en présence de Watier le Porkier, comme justice.

Support: Parchemin. Au bord supérieur, la moitié inférieure de la devise «CYROGRAPHVM».

Lieu de conservation: Archives de l'évêché de Tournai (cure de Chercq, I, 46).

Édition antérieure: Ruelle, 1984, Documents linguistiques de la Belgique romane. I. Hainaut, p. 152-153.

Verso: C'est Mathiu le Cambier (XIII^e s.).

1 Sacent tout cil ki cest escrit veront et oront 2 ke Sohiers d'Es_paing a vendut, werpit et clamet \2 quitte à tous jours hiretaulement 3 à Mathiu le Cambier, bourgois de Tornai, 4 .j. quartier de pret \3 et quatre verghes ki li eskeïrent de par Mahiu, le frere se fenme, li quels prés gist en le justice \4 de Cherc, encontre Vaus, de sous le Roke de Saint Andriu. 5 Ce quartier de pret et ces quatre ver\5ghes a Sohiers devant només en couvent à aquiter à Mathiu devant dit jusques al assens des es\6kievins de Cherc. 6 S'en a Sohiers d'Es_paing assenet à lui et au sien, à quan qu'il a et à quan qu'il ara partout, \7 pour l'aquitance. 7 Et si se tiunt li devant dis Sohiers à sols et a paiiet tout plainement, en deniers boins \8 et bien contés, de tout le pris de ce vendage devant-dit de Matiu le Cambier et le quita de tout le paiement. 8 À ce werp \9 et à-ces devises furent cum eskevin de Cherc Jakemes Pepins de Warnave, Colars dou Bos, Jehans li \10 Rikes, Jehans de Prices, Paiens de le Ture, Pieres dou Celier, Sohiers de sour le Pont; et Wa\11tiers li Porkiers i fu come justice. 9 Et par somonse de justice disent li eskievin devant nomet, \12 par loi, que Sohiers d'Es_paing estoit bien des_hiretés par loi dou pret devant dit, et Mathius de\13vant dis bien a_hiretés et à loi; 10 et si fiancha et jura Sohiers d'Es_paing que jamais ne querra \14 ne ne fera querre, par lui ne par autrui, art ne en_gien, cause, matere, occoison ne \15 cose nulle en nulle maniere, par coi Mathius li Cambiers viegne à destoubier ^[1] ne \16 à-damage de nient dou pret devant dit, dont il est bien ahiretés et par loi. 11 Et pour \17 chou que ce soit ferme cose et estaule, si en est cyrographes fais en deus parties, del quel \18 Mathius devant dis warde l'une partie et li autre partie est mise en le warde des eskievins \19 de Cherc pour souvenance des coses devant dittes. 12 Ce fu fait l'an del Incarnation .M\20CCLXX., el mois d'octembre.

Notes de transcription
^[1] Sic.