Téléchargement du document

Documents linguistiques galloromans
Corpus : (chHain)
Responsable du corpus : -
Édition de la charte : -

chHain121

1270 (n. st.), janvier.

Type de document: Charte: notification.

Objet: Notification par Jean, seigneur de Fonsomme, sénéchal de Vermandois, de 1) la vente par Pierre de Bohain, maire de Haucourt, Jean et Auberee, ses frère et sœur, Bonnede Méricourt, Bonne Brakete de Croix et Isabelle, fille de Trouellart, à la chapellenie de Méricourt, devant le juge, la mairesse et les échevins de Méricourt, de terres gisant à Méricourt en divers lieux-dits: «le champ de la Fontaine», «Potes», «Robert trau», «Poitinval», «le val Huelin», «la voie de Montbrehain»; 2) la donation par Renier Frapart, à la même chapellenie, d'une terre gisant à Méricourt au lieu-dit «le buisson Frapart». Le seigneur de Fonsomme abandonne à la chapellenie ses droits de fief et d'hommage sur les terres en question, qui continuent toutefois à devoir le terrage. Tous les intervenants sont des amis de Colin, maire héréditaire de Méricourt bien que sa grand-mère, Ouede, tienne la mairie sa vie durant.

Auteur: Jean, seigneur de Fonsomme, sénéchal de Vermandois.

Disposant: Pierre de Bohain, maire de Haucourt, Jean et Auberee, ses frère et sœur, Bonne de Méricourt, Bonne Brakete de Croix et Isabelle, fille de Trouellart. Renier Frapart.

Sceau: Jean, seigneur de Fonsomme, sénéchal de Vermandois.

Bénéficiaire: Chapellenie de Méricourt.

Autres Acteurs: Le juge, la mairesse et les échevins de Méricourt.

Support: Parchemin jadis scellé sur double queue.

Lieu de conservation: Archives de l'État à Mons (chartrier de Saint-Feuillien du Roeulx, 134).

Édition antérieure: Ruelle, 1984, Documents linguistiques de la Belgique romane. I. Hainaut, p. 149-150.

Verso: Scripta est (XIII^e s.). — De le capelle de Croix et de Muerincourt (XV^e s.).

1 Jou, Jehans, sires de Fonssommes et seneskaus de Vermendois, chevaliers, 2 fas savoir à-tous chiaus qui ces letres verront 3 que Pierres, li maires de \2 le Haucourt, et Jehans, ses freres, et Aubree, leur suer, de Bouhaing, et Boune de Muerincourt, et Boune Brakete, de Crois, et Isabiaus, li fille Trouel\3lart, ont vendu bien et loiaument et werpi et quitié à-tous jours 4 à-le capelerie de Muerincourt, par me justice et par mes eskievins de Muerincort, \4 c'est à-savoir Pierres, Jehans et Aubree, 5 trois sestrelees et quarante verges de terre ou la entour q'il avoient par droit d'iretage, seans eu terroir de Mue\5rincourt en ces lius, c'est à-savoir au camp de le Fontaine .ij. sestrelees, et à Potes .i. sestrelee et .xl. verges; et li devant-dite Boune de Muerincourt, une sestrelee, \6 q'ele avoit par droit d'iretage, seant eu terroir de Muerincourt, eu liu c'on apele Robert trau; et Boune Brakete, deus sestrelees et .lx. verges ou la entour, qu'ele a\7voit par droit d'iretage, seant eu terroir de Muerincourt, à Poitinval; et Isabiaus, li fille Troullart, dis sestrelees et .xl. verges, qu'ele avoit par droit d'iretage, \8 seans eu terroir de Muerincourt en ces lius, c'est à-savoir: en le val Huelin une moïe, et delés le voie de Mombrehaing .ij. sestrelees et .xl. verges. 6 Et s'est à-savoir que \9 Reniers Frapars a douné en aumosne et werpi et quitié à tous jours bien et loiaument ausi à-le devant-dite capelerie ciunc sestrelees de terre q'il avoit par \10 droit d'iretage, seans eu terroir de Muerincourt, eu liu c'on apele au buisson Frapart. 7 Et li devant-dit Pierres, Jehans et Aubree, Boune de Muerincourt, Bou\11ne Brakete, Isabiaus, fille Troullart, et Reniers Frapars, de toutes les terres devant-dites et de tous les drois q'il i-avoient ou pooient avoir, se desvesti\12rent en le main me mairesse de Muerincourt, par devant les eskievins de ce liu, pour ravestir le devant-dite capelerie à-tous jours; 8 et li mairesse, eu tes\13mognage des eskievins, en ravesti Perron de Muerincourt, le clerc, eu non de le dite capelerie et pour le capelerie, et s'en eurent leur drois li mairesse \14 et li eskievin. 9 Et je, com sires, gree et otrie les devant-dis vendages et l'aumosne des terres devant-dites, en-tel maniere qe li capelerie devant-dite et li \15 capelains, s'il i-est, tenront perpetuelment à-tous jours toutes les terres devant-dites quitement et en pais, par mi le terage qu'eles doivent. 10 Et par \16 mi ces choses, je, com sires, sui tenus à warandir bien et loiaument à-tous jours les devant-dites terres à-le dite capelerie et au capelain, envers tous \17 chiaus qi à droit et à loi en-vouroient venir. 11 Et s'ai ausi quitié, pour Dieu et pour le salu de m'ame, en aumosne à-le devant-dite capelerie à-tous \18 jours, le fié et l'ommage que jou avoie es terres devant-dites. 12 Et à-toutes ces choses tenir fermement à tous jours ai jou obligié mi et mes hoirs. \19 13 Ces choses furent faites bien et loiaument par les communs amis Colin, le maieur hiretaule de Muerincourt, — de le quel mairie Ouede, se taie, \20 est tenans le vie celi Ouedain sans plus — et par men gré et par me volenté, et pour le commun pourfit deu devant-dit maieur hiretaule et de le vile \21 de Muerincourt, et par devant mes hommes, les pers au devant-dit maieur. 14 Et pour chou que ce soit ferme chose et estaule à-tous jours, j'ai ces \22 letres seelees de men seel. 15 Ce fu fait en l'an del Incarnation Nostre Signeur mil et .CC. et soissante et nuef, eu mois de jenvier.