Téléchargement du document

Documents linguistiques galloromans
Corpus : (chHain)
Responsable du corpus : -
Édition de la charte : -

chHain120

1270 (n. st.), janvier.

Type de document: Charte: notification.

Objet: Notification par Jean, seigneur de Fonsomme, sénéchal de Vermandois, de la vente, moyennant trente-trois livres de parisis, par Marie, dite la mairesse de Méricourt, à la chapellenie de Méricourt, représentée par Pierre, son chapelain, de onze «sesterlees» de terre gisant à Méricourt au lieu-dit «à la voie de Caudry» et grevées d'un cens de deux deniers dont le défaut de paiement serait sanctionné par une amende consistant en une paire de gants blancs de trois deniers.

Auteur: Jean, seigneur de Fonsomme, sénéchal de Vermandois.

Disposant: Marie, dite la mairesse de Méricourt.

Sceau: Jean, seigneur de Fonsomme, sénéchal de Vermandois.

Bénéficiaire: Chapellenie de Méricourt, représentée par Pierre, son chapelain.

Support: Parchemin jadis scellé sur double queue.

Lieu de conservation: Archives de l'État à Mons (chartrier de Saint-Feuillien du Roeulx, 133).

Édition antérieure: Ruelle, 1984, Documents linguistiques de la Belgique romane. I. Hainaut, p. 147-148.

Verso: Scripta est (XIII^e s.). — De le capelle de Meurincourt (XIII^e s.).

1 Jou, Jehans, sires de Fonssommes et seneskaus de Vermendois, chevaliers, 2 fas savoir à-tous chiaus qi ces letres verront 3 que Maroie, dite li mairese \2 de Muerincourt, a vendu bien et loiaument et par droit pris 4 à le capelerie de Muerincourt 5 onze sestrelees de terre ou la-entour qui \3 siet eu terroir de Muerincourt eu liu c'on apele à-le voie de Caudri entre le terre Jehan Waudoul et le terre Isabel le Crosee, à-tenir perpetuel\4ment à-tous jours, à-le capelerie devant dite et au capelain de celi capelerie. 6 Et li devant-dite Maroie, de toute le terre devant-dite, le \5 quele ele tenoit de mi com franc censsel par mi deus deniers de cens à paier chascun an à Fonssommes à mi ou à men hoir à le Saint Remi, \6 et de tout le droit qu'ele avoit en cele terre ou par raison d'iretage ou en-quelcomques autre maniere, se desvesti en me main pour ravestir \7 le devant-dite capelerie à-tous jours; 7 et je, à-se requeste, en ravesti Perron de Muerincourt, le clerc, eu non de le devant-dite capelerie, en-tel \8 maniere qe li capelerie devant-dite ou li capelains tenront perpetuelment à-tous jours le devantdite terre de mi et de mes hoirs, par mi deus \9 deniers de cens q'il sont tenu chascun an à-tous jours mais à paier à mi ou à men hoir, à Fonssommes, à le feste Saint Remi, pour le terre devant \10 dite. 8 Et s'il defaloient aucune fie à ce terme deu devant-dit cens, il seroient tenu de rendre en non d'amende uns blans wans de trois deniers \11 à mi ou à men hoir; ne je ne mes hoirs, de-le devant-dite capelerie ne deu capelain de celi capelerie, ne poons ne ne devons à nul jour mais \12 demander ne avoir pour l'ocquison de le devant-dite terre, autre rente ne service, fors qe des .ij. d. de cens devant-dis, ne autre amende \13 pour le defaute, s'ele i-estoit, fors que d'uns blans wans de .iij. d., ensi com dit est par deseure. 9 Et par mi les choses devant-dites, jou et mes \14 hoirs sommes tenu de porter loial warandise à-tous jours à le devantdite capelerie et au capelain, de toute le terre devandite, envers \15 tous chiaus qi à droit et à-loi en-vouroient venir. 10 Et li devant-dite Maroie a recounut, par devant mi et par devant mes frans \16 hommes, que li devant-dis Pierres, eu non de le devant-dite capelerie, li a paiet plainement le droit pris de ce vendage, c'est à-savoir \17 trente et trois livres de paresis, en deniers contés. 11 Et à-toutes ces choses devantdites à-tenir fermement, perpetuelment à tous \18 jours ai jou obligié mi et mes hoirs par foi plevie et par abandon de tous nos biens à saisir et à detenir par tout sans fourfait, \19 sans riens faire encontre. 12 Toutes ces choses sont faites bien et loiaument par mi, comme signeur deu devant-dit franc censsel, \20 et par mes frans hommes, qi i-furent apelé en tesmognage. 13 Et pour chou qe ce soit ferme chose et estaule à-tous jours, j'ai ces \21 presentes letres confremees de men seel. 14 Ce fu fait en l'an del Incarnation Nostre Signeur mil et .CC. et soissante et \22 nuef, eu mois de jenvier.