Téléchargement du document

Documents linguistiques galloromans
Corpus : (chHain)
Responsable du corpus : -
Édition de la charte : -

chHain119

1270 (n. st.), janvier.

Type de document: Charte: notification et approbation.

Objet: Notification et approbation, comme seigneur, par Gérard Judas, écuyer, de la vente, par devant le maire et les échevins de Fontaine-Uterte, par Pierre de Bohain, maire de Haucourt, et par Jean et Auberee, ses frère et sœur, à la chapellenie de Méricourt, représentée par Pierre, son chapelain, de dix «sesterlees» de terre gisant à Fontaine-Uterte au lieu-dit «Sauvain sart». Gérard Judas réserve ses droits sur le terrage et sur une rente dont la terre est grevée. Jean, seigneur de Seboncourt, damoiseau de Lambres, dont Gérard Judas est le vassal, approuve la vente et abandonne à la chapellenie tous ses droits sur la terre.

Auteur: Gérard Judas, écuye

Disposant: Jean, sire de Seboncourt.

Sceau: Gérard Judas et Jean, sire de Seboncourt.

Bénéficiaire: Pierre de Bohain, maire de Haucourt, et Jean et Auberee, ses frère et sœur; la chapellenie de Méricourt, représentée par Pierre, son chapelain.

Autres Acteurs: Le maire et les échevins de Fontaine-Utert.

Support: Parchemin jadis scellé sur double queue de deux sceaux dont seul subsiste le second, rond, en cire brune.

Lieu de conservation: Archives de l'État à Mons (chartrier de Saint-Feuillien du Roeulx, 132).

Édition antérieure: Ruelle, 1984, Documents linguistiques de la Belgique romane. I. Hainaut, p. 146-147.

Verso: Scripta est (XIII^e s.). — De Meurincourt (XIV^e s.). — De le capelle de Croix et de Muerincourt (XV^e s.).

1 Jou, Gerars Judas, escuiers, 2 fas savoir à-tous chiaus qui ces letres verront 3 que Pierres, li maires de le Haucourt, et Jehans, ses freres, et Aubree, \2 leur suer, de Bouhaing, ont vendu bien et loiaument et par droit pris 4 à-le capelerie de Muerincourt à-tous jours, par men maieur et \3 par mes eskievins de Fontaines eu Tertre, 5 dis sestrelees de terre ou la entour, q'il avoient par droit d'iretage, seans eu terroir de Fon\4taines eu Tertre, eu liu c'on apele Sauvain sart, à-tenir hiretaulement à-tous jours à-le capelerie devant-dite et au capelain de celi \5 capelerie. 6 Et s'est à-savoir que li devant-dit Pierres, Jehans et Aubree, de le devant-dite terre et de tout le droit q'il i-avoient \6 ou pooient avoir, par droit d'iretage ou en-quelcomques autre maniere, se desvestirent en le main men maieur de Fontai\7nes, par devant mes eskievins, pour ravestir le devant-dite capelerie, li ques maires, en tesmognage des eskievins, en ravesti \8 Perron de Muerincourt, le clerc, eu non de le devant-dite capelerie, et s'en eurent leur drois li maires et li eskievin. 7 Et je, \9 com sires, le devant dit vendage de le devant-dite terre gree et otrie, en-tel maniere que li devant-dite capelerie ou li capelains, s'il \10 i est, tenront perpetuelement à-tous jours, de mi et de mes hoirs, les devant-dites terres, par mi le terrage et le rente de mi mars, que li de\11vant dite terre me doit. 8 Et par mi ce, je, com sires, sui tenus à warandir bien et loiaument perpetuelment à-tous jours le devant \12 dite terre à-le dite capelerie et au capelain, envers tous chiaus qi à droit et à loi en vouroient venir; et à ce ai jou obligié mi et men hoir \13 à-tous jours. 9 Et pour ce que ce soit ferme chose et estaule à-tous jours, j'ai ces presentes letres confremees de men seel. 10 Et jou, Jehans, sires \14 de Segoncourt, escuiers, demisiaus de Lambres, fas savoir à-tous chiaus qi ces letres verront qe je gree et otrie et loe le de\15vant-dit vendage de le terre devant noumee et toutes les autres choses qi sont contenues es devant dites letres le devant \16 dit Gerart Judas, men homme; 11 et s'ai quitié, pour Dieu et pour le salu de m'ame, en aumosne à-le devant-dite capelerie \17 à-tous jours le fié et l'ommage et toutes les droitures qe jou avoie en le devant-dite terre vendue; 12 et à ces choses ai jou o\18bligié mi et mes hoirs à-tous jours. 13 Et pour chou que ce soit ferme chose et estaule, j'ai mis men seel à ces presen\19tes letres, avoec le seel le devant-dit Gerart Judas, men homme. 14 Ce fu fait en l'an del Incarnation Nostre Signeur mil \20 et .CC. et soissante et nuef, eu mois de jenvier.