Téléchargement du document

Documents linguistiques galloromans
Corpus : (chHain)
Responsable du corpus : -
Édition de la charte : -

chHain114

1269, août.

Type de document: Charte: vente.

Objet: Vente par dame Benoîte de Chercq et ses deux filles, Marie et Marguerite, à Wicart Daride, bourgeois de Tournai, d'un quartier et demi de terre gisant à Chercq, libre de toute obligation sauf de la dîme ecclésiastique.

Auteur: Non annoncé.

Disposant: Dame Benoîte de Chercq et ses deux filles, Marie et Marguerite.

Bénéficiaire: Wicart Daride, bourgeois de Tournai.

Autres Acteurs: Acte passé devant les échevins de Chercq et en présence de Gilles d'Ere, dont relèvent les biens cédés, et de Watier le Porkier, comme justice.

Support: Parchemin. Au bord inférieur, la moitié supérieure de la devise «CYROGRAPHVM».

Lieu de conservation: Archives de l'évêché de Tournai (cure de Chercq, I, 42).

Édition antérieure: Ruelle, 1984, Documents linguistiques de la Belgique romane. I. Hainaut, p. 140-141.

Verso: C'est Wicart Daride (XIII^e s.).

1 Sacent tout cil ki cest escrit veront et oront 2 que dame Benoite de Cherc et ses .ij. filles, Maroie et Mar\2grite, ont vendut, werpit et clamet quitte à tous jours hiretaulement 3 à Wicart Daride, borgois de \3 Tornai, 4 quartier et demi de tiere, à disme Dieu, ki gist en le justice de Cerch, entre le tiere mon \4 segneur d'Ere et le tiere Paiien de le Ture. 5 Ce quartier et demi de tiere devant ditte, dame Benoite et \5 ses .ij. filles devant nomees l'ont en-couvent à-aquiter à Wicart Daride jusques al assens des eskie\6vins de Cherc. 6 S'en ont assenet à elles et au leur, à quan qu'elles ont et à-quan qu'elles aront en-le justice de Cherc, cescune \7 pour le tout, del aquiter et specialment à lor manage, si cum il siet devant et derriere, et à lor courtil d'autre part \8 lor manage. 7 Et si se tiunrent dame Benoite et ses .ij. filles a paiies tout plainement en deniers boins \9 et bien contés, de Wicart, de tout le pris de ce vendage devant dit et le quitterent de tout le paiement. 8 À ce werp et \10 à toutes ces devises furent conme eskievin de Cherc Colars de Cherc, Jakemes de Warnave, Jehans \11 li-Rikes, Paiens de le Ture, Jehans de Prices, Pieres dou Celier et Sohiers de sour le Pont, et me sire Gil\12les d'Ere i-fu conme sires, ki ce quartier et demi de tiere eut en-couvent à war[andi]r ^[1] conme sires à Wicart \13 Daride; et Watiers li Porkiers i fu conme justice. 9 Et par somonse de justice disent li eskievin devant nomet, \14 par loi, que dame Benoite et ses .ij. filles estoient bien deshiretees et à-loi de celle tiere devant ditte et Wicars \15 Daride bien ahiretés et à-loi. 10 Et si disent cil eskievin qu'il ne savoient nul empeechement en celle tiere \16 par coi Wicars ne fust bien ens mis et à-loi. 11 Et si fiancierent et jurerent sour sains dame Benoite et \17 ses .ij. filles que jamais ne querront ne ne feront querre, par elles ne par autrui, art ne engien, cau\18se, matere, occoison ne cose nulle, en nulle maniere, par coi Wicars Daride viegne à destourbier \19 ne à damage de .iiij. deniers ne de nient pour l'occoison de le tiere devant ditte, dont il est bien ahire\20tés et à-loi. 12 Et pour chou que ce-soit couneute cose et ferme et estaule, si en est cyrographes fais en .ij. par\21ties, del quel Wicars Daride warde l'une partie et li-autre partie est mise en le warde des eskievins \22 de Cherc pour souvenance des coses devant dittes, par le volenté des parties devant nomees. 13 Ce fu \23 fait l'an del Incarnation .MCC. et .LXIX., el mois d'aoust.

Notes de transcription
^[1] Encre délavée.