Téléchargement du document

Documents linguistiques galloromans
Corpus : (chHain)
Responsable du corpus : -
Édition de la charte : -

chHain107

1268, avril.

Type de document: Charte: vente.

Objet: Vente par Mathieu le Cambier à dame Sawit de Chercq de tous ses droits de formorture sur les biens sis à Chercq de son beau-père Guillaume Noiset.

Auteur: Non annoncé.

Disposant: Mathieu le Cambier.

Bénéficiaire: Dame Sawit de Chercq.

Autres Acteurs: Acte passé devant les échevins de Chercq et en présence de Watier le Porkier, comme justice.

Support: Parchemin. Au bord inférieur, moitié supérieure de la devise «CYROGRAPHVM».

Lieu de conservation: Archives de l'évêché de Tournai (cure de Chercq, I, 38).

Édition antérieure: Ruelle, 1984, Documents linguistiques de la Belgique romane. I. Hainaut, p. 130-131.

Verso: C'est dame Sauwit de Cherc (XIII^e s.).

1 Sacent tout cil ki cest escrit veront et oront 2 ke Matius li Cambiers a-vendut, \2 werpit et clamet quitte à-tous jours hiretaulement 3 à dame Sauwit de Cherc 4 tel \3 partie, tel droit et tele eskeanche ki li eskeï de le fourmorture segneur Willau\4me Noisait, le pere se fenme, en justice et en l'eskievinage de Cherc, si conme en meu\5les, en cateus et ou manage dame Sauwit et en .lvj. tournois de rente, et en .j. lonisien de \6 cens que Willaumes Noisais a_cata à Sohier de sour le Pont. 5 Et si se tiunt Matius li Cam\7biers à sols et a paiiet tout plainement de dame Sauwit devant ditte, en deniers \8 boins et bien contés, de tout le pris et de toute le valeur de ce vendage devant dit \9 et le quitta de tout le paiement. 6 À ce werp et à-ces devises furent conme eskievin de \10 Cherc Jehans li Rikes, Paiens de le Ture, Pieres dou Celier, Sohiers de sour le Pont, \11 Jakemes Pepins, Colars dou Bos et Estievenes de Froimont; et Watiers li Porkiers \12 i-fu conme justice. 7 Et par somonse de justice disent li eskievin devant nomet, par loi, \13 ke Matius li Cambiers estoit bien deshiretés par loi des coses devant dittes et dame \14 Sauwis devant nomee bien a_hiretee et à loi. 8 Et si fiancha et jura Matius li Cam\15biers que jamais ne querra ne ne fera querre, par lui ne par autrui, art ne en\16gien, cause, matere, occoison, ne cose nulle en nulle maniere, par coi dame Sau\17wis viegne à destourbier ne à damage de nient de ces coses devant dittes que Ma\18tius li a vendues et werpies bien et par loi. 9 Et, pour chou que ce soit couneute cose \19 et ferme et estaule, si en est cyrografes fais en deus parties, del quel dame Sauwis \20 de Cherc warde l'une partie et li autre partie est mise en le main et en le warde des \21 eskievins de Cherc pour souvenance des coses devant dittes. 10 Ce fu fait l'an del Incar\22nation .MCCLXVIII., el mois d'averil.