Téléchargement du document

Documents linguistiques galloromans
Corpus : (chHain)
Responsable du corpus : -
Édition de la charte : -

chHain104

1267, décembre.

Type de document: Charte: vente.

Objet: Vente par Agnès la Regaut et André, son mari, à Mathieu le Cambier, gendre de Guillaume Noiset, du demi-bonnier de terre, de la rente de cinq sous de parisis et du cens d'une maille de Laon que la première avait achetés à Agnès Bauwelle et à sa sœur Mainsent.

Auteur: Non annoncé.

Disposant: Agnès la Regaut et André, son mari.

Bénéficiaire: Mathieu le Cambier, gendre de Guillaume Noiset.

Autres Acteurs: Acte passé devant les échevins de Chercq et en présence de Guillaume Noiset, comme justice.

Support: Parchemin. Au bord inférieur, la moitié supérieure de la devise «CYROGRAPHVM».

Lieu de conservation: Archives de l'évêché de Tournai (cure de Chercq, I, 35).

Édition antérieure: Ruelle, 1984, Documents linguistiques de la Belgique romane. I. Hainaut, p. 127-128.

Verso: C'est Mathiu le Cambier, ki a le fille Willaume Noiset (XIII^e s.).

1 Sacent tout cil ki cest escrit veront et-oront 2 ke le demi-bonier de tiere et-les .v. s. de paresis \2 de rente et le maille lonesiene de cens que Anniés Bauwelle et Mainsens, se suer, vendirent et wer\3pirent à un jour ki passés est à Anniés le Regaut, tout en tel maniere qu'il est ordenet et de\4viset el cyrographe ki fais en fu, del quel li eskievin de Cerc wardent l'une partie et l'au\5tre partie warda Anniés li-Regaus, et cil demi-boniers de tiere et cil .v. s. de paresis de rente et-li \6 obole de cens eskeïrent à Anniés Bauwelle et-à Mainsent, se sereur, de Nicolon d'Aubegni, \7 ki lor frere fu, si gist celle tiere et celle rente en le justice de Cerc, 3 et est à-savoir que cel\8le tiere et celle rente devant ditte et le cens ki avoec est, Anniés li Regaus et Andrius, ses \9 barons, ont tout vendut et werpit et clamet quitte à tous jours hiretaulement \10 à Mathiu le Cambier, ki a le fille Willaume Noiset, et toutes les couvenences ausi qu'il \11 en eurent, tout en tel maniere que li cyrographes le devise dont li eskievin de Cerc war\12dent l'une partie et Anniés li Regaus et Andrius ont l'autre partie delivree à Mathiu. 4 Ce demi \13 bonier de tiere et les .v. s. de paresis de rente et le obole de cens et toutes les couvenences del cyro\14graphe ki fais en est ont Anniés li Regaus et Andrius, ses barons, en couvent à-aquiter à \15 Mathiu devant dit jusques al assens des eskievins de Cherc. 5 S'en ont assenet à aus et-au \16 leur, à quan qu'il ont et-à quan qu'il aront, cescuns pour le tout, del aquiter. 6 À cest werp et à ces couve\17nences furent conme eskievin de Cherc Watiers li Porkiers, Andrius de Cerc, Stievenes de Froimont, \18 Paiens de le Ture, Sohiers de sour le Pont, Jehans li Rikes et Pieres dou Celier; et Willaumes \19 Noisés i-fu conme justice. 7 Et si disent cist eskievin devant nomet, par loi, que Anniés li Regaus et An\20drius, ses barons, estoient bien deshiretet de le tiere et de le rente devant ditte, par loi, et Mathius \21 bien ahiretés et à-loi, et si fianchierent et jurerent sor sains Anniés et Andrius, ses barons, que ja\22mais ne querront ne ne feront querre, par aus ne par autrui, art ne engien, cause, matere, \23 occoison, ne cose nule en nule maniere, par coi Mathius soit arriere ne agrevés d'un \24 denier ne de-nient pour l'occoison de celle tiere et de celle rente devant ditte et del cens dont \25 il est bien ahiretés et à loi. 8 Et, pour chou-que ce soit ferme cose et-estaule, si en est cyrogra\26phes fais en deus parties, del quel Mathius warde l'une partie et li autre partie est mise en le \27 warde de eskievins de Cherc pour souvenance des coses devant dittes. 9 Ce fu fait l'an del In\28carnation .MCC. et .LXVII., el mois de decembre.