Téléchargement du document

Documents linguistiques galloromans
Corpus : (chHain)
Responsable du corpus : -
Édition de la charte : -

chHain101

1267, juin.

Type de document: Charte: vente.

Objet: Vente par Agnès Bauwelle et sa sœur Mainsent à Agnès la Regaut d'un demi-bonnier de terre et, en outre, d'une rente de 5 sous de parisis et d'un cens d'une obole de Laon assis l'une et l'autre sur un pré, le tout à Chercq, sous réserve que la jouissance viagère de ces biens, qui leur viennent de Nicolas d'Aubigny, leur frère, soit assurée à Clémence la Faitice, veuve de celui-ci. Agnès Bauwelle et Mainsent, Mahieu, fils d'Agnès, Jean de Havinnes et ses deux sœurs Agnès et Marie, enfants d'une autre sœur décédée de Nicolas d'Aubigny, s'engagent solidairement sur leurs biens à ne jamais contester les droits de propriétaire d'Agnès la Regaut.

Auteur: Non annoncé.

Disposant: Agnès Bauwelle et sa sœur Mainsent.

Bénéficiaire: Agnès la Regaut.

Autres Acteurs: Acte passé devant les échevins de Chercq et en présence de Guillaume Noiset, comme justice.

Support: Parchemin. Au bord inférieur, la moitié supérieure de la devise «CYROGRAPHVM».

Lieu de conservation: Archives de l'évêché de Tournai (cure de Chercq, I, 33).

Édition antérieure: Ruelle, 1984, Documents linguistiques de la Belgique romane. I. Hainaut, p. 123-125.

Verso: Cis escris est Agniés le Regaut (XIII^e s.).

1 Sacent tout cil ki cest escrit veront et-oront 2 ke Anniés Bauwelle et-Mainsens, se suer, ont vendut, werpit et \2 clamet quitte à tous jours hiretaulement 3 à Agniés le Regaut, le fillastre Willaume Noiset, 4 demi bonier de \3 tiere et .v. s. de paresis de rente et une obole lonisiene de cens. 5 Se gist li demi boniers de tiere en le tiere ki fu Alart \4 Magret et Bietris Ravet et, se pau avoit en celle piece de tiere, par prendre le doit en le tiere ki fu Cope Sauç, \5 ki gist entre les courtius de Cerc et-Saint Andriu; et li .v. s. de paresis de rente sunt sour le pret ki fu Symon \6 de Cerc, si les doit on paiier, le moitiet au Noel et-l'autre moitiet à le-Saint Jehan et le cens à le Saint Remi, li quels prés \7 gist sour l'Escaut desous Saint Andriu, encontre Vaus. 6 Et celle tiere devant ditte et celle rente eskeï à Anniés \8 et à Mainsent devant dittes de Nicolon d'Aubegni, ki leur freres fu, et si doit Climence, ki fenme fu celui Nicolon, \9 tenir et-emporter les preus et les pourfis de ce demi bonier de tiere et ces .v. s. de rente et le cens conme sen boin hire\10tage, dont elle est bien aïretee par loi se-vie. 7 Si ont Mainsens et Anniés devant nomees en-couvent à aquiter à An\11niés le Regaut jusque al assens des eskievins de Cerc ce demi bonier de tiere et les .v. s. de rente et le cens ki avoec est. \12 8 S'en ont assenet à-elles et au-leur à-quan qu'elles ont et à-quan qu'elles aront, cescune pour le tout, del aquiter et noumeement \13 à-tele eskeance et à-tel droit k'elles awardent en .viij. quartiers de tiere k'elles ont de par segneur Nicolon, leur \14 frere, à partir en_contre les parceniers dame Climenciien devant ditte, ki gisent entre Cerc et le Sauç de Warnave. \15 9 S'est assavoir que ce demi bonier de tiere et les .v. s. de rente et le obole lonisiene de cens, Mahius, li fius Anniés Bauwelle, Jehans de \16 Havines et ses .ij. sereurs, Anniés et Maroie, ki enfant furent le sereur giermaine Nicolon d'Aubigny, werpirent et cla\17merent quite bien et à-loi à Anniés le Regaut devant nomee, tout en tel maniere ke Anniés et Mainsens devant dites \18 l'ont vendut, werpit et le plegierent del aquiter juskes à-loi à Agniés le Regaut. 10 Et si en assenerent Mahius, Jehans et ses \19 .ij. sereurs à aus et au-leur à-quan qu'il ont et-à quan qu'il aront, cescuns por le tout; et si fiancierent et jurerent sour sains An\20niés et Mainsens, Mahius, Jehans et ses .ij. sereurs, Anniés et Maroie, ke jamais ne querront ne ne feront querre, \21 par aus ne par autrui, art ne engien, cause, matere, occoison ne cose nulle en nule maniere par coi Anniés li Re\22gaus fust arriere de ce demi bonnier de tiere et des .v. s. de rente et del cens ki avoec est, qu'elle a acatet bien et à loi. 11 Et em\23priés le deciés Climenciien le Faitice doit Anniés prendre ce demi bonier de tiere et ces .v. s. de paresis de rente et le cens \24 ki avoec est, encontre ceaus ki par_taule i seront pour dame Climencien devant-ditte, ke Nicoles et Climence \25 aquisent ensanle. 12 À cest werp et à toutes les covenences devant-dittes furent come eskievin de Cerc Stievenes de Froi\26mont, Paiiens de le Ture, Sohiers de sour le Pont, Watiers li Porkiers, Andrius de Cerc, Pieres dou Celier et Jehans \27 li Rikes, et Willaumes Noisés i fu conme justice. 13 Et disent cist eskievin par loi que Anniés et Mainsens, Mahius, Jehans et ses .ij. sereurs, An\28niés et Maroie, sunt bien desiretet del hiretage devant-dit qu'il ont vendut et werpit par loi, et Anniés li Regaus bien aïretee \29 et à-loi. 14 Et pour çou que ce soit ferme cose et estaule, si en est cyrografes fais en .ij. parties, del quel Anniés li Regaus warde l'une partie \30 et li eskievin devant nomet wardent l'autre partie. 15 Ce fu fait l'an .MCC. et .LXVII., el-mois de ghieskereç.