Téléchargement du document

Documents linguistiques galloromans
Corpus : (chHain)
Responsable du corpus : -
Édition de la charte : -

chHain100

1267, mai.

Type de document: Charte: confirmation.

Objet: Confirmation de l'acte qui précède par Thierri d'Argenteau, chevalier, fils de Renaut, seigneur d'Argenteau, et par Henri et Watier, clercs, ses frères, en présence d'Henri, évêque de Liège.

Auteur: Thierri d'Argenteau, Henri et Watier, clercs, ses frères.

Sceau: Renaut d'Argenteau et l'official de Liège.

Autres Acteurs: Henri, évêque de Liège.

Support: Parchemin jadis scellé de deux sceaux sur double queue.

Lieu de conservation: Archives de l'État à Mons (chartrier de Saint-Feuillien du Roeulx, 128).

Édition antérieure: Ruelle, 1984, Documents linguistiques de la Belgique romane. I. Hainaut, p. 122-123.

Verso: Scripta est (XIII^e s.). — Consensus filiorum domini Renaldi de Argentiaul de pace facta inter nos et ipsum (XIV^e s.).

1 À tos chias qui ces lettres veront et oront, 2 nos, Thiris, chevaliers, Henrius et Watiers d'Argential, clerk et frere, conoistre veritet. 3 Nos \2 faisons savoir à tos ke nos loons et aprovons tele quitance ke nos peres Renaus, cheveliers, sires d'Argential, a faite al abbet et à convent \3 de Saint Follien delés le Rous, del ordine de Premostret, de-le querele ke il avoit et mantenoit contre le glise de Saint Follien devant \4 dite, de-le terre et de-le warison qui giest en le vile et en teroit de-le Crois en Hainau. 4 Et tot ensi ke les lettres nostre pere tesmog\5nent, cele quitance et cele pais nos l'otrions ne jamais encontre ne venrons par nos ne par autrui en nulle manire, se Deus \6 nos aït et tot li saint, ne droit n'avons ne avoir porons jamais en cele terre ne en cele warison devant dite, soit en terre arable \7 u en prés, en bos u en cens u en rentes, en justice u en autres choses, queles ke elles soient, fors ke ens homages qui descen\8dent del fiel de-le Crois et d'autre liew, qui par droit poroient venir à nos, fors le homage Jehan Walet, à quel nos ne clamons \9 rins, qui est hom le glise de Saint Follien. 5 Et ceste quitance avons nos faite en le presence mon sengnor Henri, par le grase de Dieu evesque de \10 Liege, et par devant ses homes, 6 et renunchons à tos le munimens et à tos les escris qui ont estet fait juskes à cest jor, qui grever poroient à le-glise \11 devant dite. 7 Et par ce ke nos n'avons point de sael, nos avons ces lettres donees à le-glise de Saint Follien, saelees del sael mon segnor Renaut de \12 Argential, nostre pere, et dou sael de officialitet de Liege, en tesmonage et en confirmacion de totes les choses devant nomees. 8 Ce fu fait el an del \13 Incarnation Nostre Sengnor Jhesucrist mil deus cens seissante et siet, el mois de may.