Téléchargement du document

Documents linguistiques galloromans
Corpus : (chHain)
Responsable du corpus : -
Édition de la charte : -

chHain099

1267, mai.

Type de document: Charte: abandon.

Objet: Abandon par Renaut, seigneur d'Argenteau, devant Henri, évêque de Liège, en faveur de l'abbaye de Saint-Feuillien du Roeulx, de ses prétentions sur le terroir de Croix-lez-Rouveroy, à la réserve des hommages qui lui sont dus en ce lieu.

Auteur: Renaut, seigneur d'Argenteau.

Sceau: Renaut, seigneur d'Argenteau.

Bénéficiaire: Abbaye de Saint-Feuillien du Roeulx.

Autres Acteurs: Henri, évêque de Liège.

Support: Parchemin scellé sur double queue d'un sceau rond en cire verte ébréché.

Lieu de conservation: Archives de l'État à Mons (chartrier de Saint-Feuillien du Roeulx, 127).

Édition antérieure: Ruelle, 1984, Documents linguistiques de la Belgique romane. I. Hainaut, p. 121-122.

Verso: Scripta est (XIII^e s.). — Confirmatio pacis domini de Argentiaul (XIV^e s.).

1 Jou, Renaus, chevaliers, sires d'Argential, 2 fac savoir à tos cias qui ces lettres veront \2 et oront 3 ke je n'ai droit en cele terre, de ce jour en avant, que clameie et \3 demandei al abbet et à convent de Sain Follien delés le Rous, del ordene de Premostret, \4 la quele terre et warisons gisent en le ville et en le postet de-le Crois en Hainau, \5 soit en terres ahanables u en prés, en bos, en cens u en rentes, en justice u en autres \6 choses, queles ke elles soient, fors ke es homages qui descendent del fiés de-le \7 Crois en Hainau et d'autre lieu, qui par droit doient venir à moi, fors mis \8 l'omage Jehan Walet, de-le Crois, à quel je ne claime rien, ki est hom de \9 fief le glise de Saint Follien; 4 ne rien ne claime ne ne clamerai jamais en tos \10 ces biens devant dis, de ce jor en avant, ne je ne mi hoir, si m'aït Deus et \11 tot li saint. 5 Et encor, se je ai nul droit ne avoir puis en ces choses devant \12 dites, je le quitte boinement et renunce loament à tot le droit ke je puis avoir \13 u clamer en ces choses, et vuel et otroie ke li glise de Saint Follien devant \14 dite tiengne paisielement à tos jors totes ces choses devant dites hiretaule\15ment, et ke boine pais soit entre moi et le glise de totes quereles qui sunt \16 meutes de ci à cest jor, ne movoir poroient de ce jor en avant, por l'ocoison \17 des choses devant nomees. 6 Et ceste quitance et ceste reconisance ai je \18 faite en le presence mon segnor Henri, par le grase de Deu vesque de \19 Liege, et par devant ses homes et par devant les miens homes asi. 7 Et se \20 aquuns jugemens fu unkes fais en le court le-vesque devant dit pour mi de \21 ces choses, je i renunce tot entirement, tant kum à ceste besongne apartint ^[1], \22 et à tos les munimens qui en poroient estre fait, si ke il ne me puissent aidier ne \23 ne doient jamais encontre le glise de Saint Foillien devant dite, et prie \24 et requier à mon sengnor le-vesque devant dit ke il doinst ses lettres \25 pendans à le glise devant nomeie, en tesmonaige et en confirmation de ces choses. \26 8 Et je meïmes, par che ke ce soit ferme chose et estable à tos jors, ai donees \27 à-le-glise de Saint Follien ces presens lettres, saelees de me propre sael. \28 9 Ce fu fait à Liege, en l'an del Incarnation Nostre Sengnor .M. et .CCLXVII., el mois de may.

Notes de transcription
^[1] Le tfinal de apartinten surcharge sur deux lettres illisibles.