Téléchargement du document

Documents linguistiques galloromans
Corpus : (chHain)
Responsable du corpus : -
Édition de la charte : -

chHain094

1266, août.

Type de document: Charte: vente.

Objet: Vente par Agnès Bauwelle et sa sœur Mainsent à Mathieu le Cambier de la moitié de cinq quartiers de terre gisant à Chercq et nets de toute obligation sauf de la dîme ecclésiastique, sous réserve que la jouissance viagère de ce bien, qui leur vient de Nicolas d'Aubigny, leur frère, soit assurée à Clémence, veuve de celui-ci. Agnès et Mainsent, Mathieu, fils d'Agnès, Jean de Havinnes et ses deux sœurs Agnès et Marie, enfants d'une autre sœur décédée de Nicolas d'Aubigny, s'engagent solidairement sur leurs biens à ne jamais contester les droits de propriétaire de Mathieu le Cambier.

Auteur: Non annoncé.

Disposant: Agnès Bauwelle et sa sœur Mainsent.

Bénéficiaire: Mathieu le Cambier.

Autres Acteurs: Acte passé devant les échevins de Chercq et en présence de Guillaume Noiset, comme justice.

Support: Parchemin. Au bord inférieur, la moitié supérieure de la devise «CYROGRAPHVM».

Lieu de conservation: Archives de l'évêché de Tournai (cure de Chercq, I, 30).

Édition antérieure: Ruelle, 1984, Documents linguistiques de la Belgique romane. I. Hainaut, p. 113-115.

Verso: Cis escris est Mathiu le Cambier (XIII^e s.). — Maket-Mathiu-Jehan Tourette-Marien Catine-Alis de Corberi (XIII^e s.).

1 Sacent tout cil ki cest escrit veront et oront 2 ke Anniés Bauwelle et Mainsens, se suer, ont vendut, werpit et cla\2met cuitte à tous jours hiretaulement 3 à Mathiu le Cambier 4 le moitiet de .v. quartiers de tiere, à disme Dieu, ki gisent \3 de_seure le moustier Saint Andriu, au-lés deviers Warnave, li quele tiere lor eskeï de Nicholon d'Aubegni, ki lor \4 freres fu. 5 Et si doit Climenche, ki fenme fu celui Nicholon, tenir les preus et les pourfis de celle tiere tant k'elle vi\5vera, sans plus; et empriés sen dechiés doit Mathius prendre le moitiet des .v. quartiers de tiere devant dis come sen \6 boin hiretage, dont il est bien aïretés par loi, encontre-ceaus ki partaule i seront pour dame Climenciien de\7vant ditte. 6 Si ont Agniés et Mainsens devant nomees en couvent le moitiet de ces .v. quartiers de tiere à a_quiter \8 à Mathieu le Cambier à disme Dieu juskes al assens des eskievins de Cerc, 7 s'en ont assenet à elles et au-leur à \9 quanqu'elles ont et à quan qu'elles aront, cescune pour le tout, del aquiter. 8 S'est assavoir ke le moitiet de ces .v. quartiers de \10 tiere devant dis, Mahius, li fius Anniés Bauwelle, Jehans de Havines et ses .ii. sereurs, Anniés et Maroie, ki enfant \11 furent de le sereur giermaine Nicholon d'Aubegni, werpirent et clamerent quite, bien et à loi, le moitiet \12 de ces .v. quartiers de tiere ke Anniés et Mainsens devant dittes ont vendut et werpit, et le plegierent del aquiter \13 juskes à-loi à Mathiu devant dit; 9 et si en assenerent Mahius, Jehans et ses .ij. sereurs à aus et au-leur à quan qu'il \14 ont et à quan k'il aront, cescuns pour le tout; 10 et si fiancierent et jurerent sour sains Agniés, Mainsens, Mahius, \15 Jehans et ses .ij. sereurs, Anniés et Maroie, ke jamais ne querront ne ne feront querre, par aus ne par au\16trui, art ne engien, cause, matere, occoison ne chose nule en nule maniere par coi Mathius soit arriere \17 de le moitiet des .v. quartiers de-tiere devant dis, qu'il a acatés bien et à loi. 11 À cest werp et à toutes les covenences \18 devant dittes furent come eskievin de Cerc Reniers Loskegniols, Andrius de Cerc, Watiers li Porkiers, Jehans \19 li Rikes, Paiiens de le Ture, Stievenes de Froimont et Sohiers de sour le Pont, et Willaumes Noisais i-fu come \20 justice. 12 Et disent cist eskievin devant nomet, par loi ^[1], ke Anniés et Mainsens, Mahius, Jehans \21 et-ses .ij. sereurs, Anniés et Maroie, sunt bien des_hiretet de le moitiet des .v. quartiers de tiere devant dis, par loi, \22 et Mathius li Cambiers bien aïretés et à loi. 13 Et pour çou que ce soit ferme cose et estaule, si en est cyrogra\23phes fais en .ij. parties del quel ^[2] Mathius li Cambiers warde l'une partie et li-eskievin devant nomet wardent \24 l'autre partie pour souvenance de cesti cose. 14 Ce fu fait l'an del Incarnation .MCC. et .LXVI., el-mois d'aoust.

Notes de transcription
^[1] Entre loiet ke, et parjugementbiffé.
^[2] Ms. quelmq.