Téléchargement du document

Documents linguistiques galloromans
Corpus : (chHain)
Responsable du corpus : -
Édition de la charte : -

chHain093

1266, 29 août.

Type de document: Charte: vente.

Objet: Vente par Marie la Fievee, de Chercq, ses deux fils majeurs et son gendre à Agnès d'Aardenburg d'un quartier de terre gisant à Chercq et net de toute obligation sauf de la dîme ecclésiastique. Les vendeurs s'engagent à faire approuver la vente, en temps opportun, par un troisième fils, qui est éloigné du pays, et par deux enfants mineurs.

Auteur: Non annoncé.

Disposant: Marie la Fievee, de Chercq, ses deux fils majeurs et son gendre

Bénéficiaire: Agnès d'Aardenburg.

Autres Acteurs: Acte passé devant les échevins de Chercq et en présence de Guillaume Noiset, comme justice.

Support: Parchemin. Au bord supérieur, la moitié inférieure de la devise «CHYROGRAPHVM».

Lieu de conservation: Archives de l'évêché de Tournai (cure de Chercq, 1, 26).

Édition antérieure: Ruelle, 1984, Documents linguistiques de la Belgique romane. I. Hainaut, p. 112-113.

Verso: C'est escris dame Angniés d'Erdemborc.

1 Çou sacent chil ki cest escrit veront et oront 2 que Maroiie li-Fievee, de Cerk, et si enfant a\2agiet ki la furent present, Mikious, ses ainsnés fius, et Mikious, ses autres fius, et Rogiers, \3 li barons se-fille, ont vendut et werpit 3 à-dame Angniés d'Erdemborc 4 .j. quartier de-tiere \4 à disme Dieu, si que li iretages siet devant et deriere el-canp au Frasne deseure Cherk. 5 Cest \5 iretage vendi Maroiie devant dite par l'otroi de-ses enfans ki-noumet sont et par-l'otroi des eskie\6vins, ki virent et oïrent le-tiesmongnage que vendre li couvenoit par povretet et par droite \7 besoingne et que, s'ille cest markiet ne faissoit, que pieur li couvenroit faire et ki-pis vau\8roit à li et à ses enfans. 6 Cel quartier de-tiere devant dit a-Maroiie li Fievee et si enfant \9 ki-noumet sont en-couvent à quiter à-dame Angniés d'Erdemborc al-asens des eskievins \10 de-Cerk. 7 Et si prist Maroiie li Fievee et si doi fil devant dit et Rogiers, li barons se fille, les \11 autres enfans Marien devant dite sur aus, Jehanet, ki-despaïsiés estoit, et Trion et Marion, \12 ki desaagiet estoient, et eurent en couvent qu'il leur feroient loer et otriier et werpir, \13 Jehanet et les autres .ij., al-point qu'il aroient leur age. 8 Et de çou asena Maroiie li \14 Fievee et si doi fil et Rogiers, ki se fille a, à aus et au leur à-quanqu'il ont et à-quanqu'il \15 aront, por l'aquitance de le tiere et por le werp et le-loemence faire as autres .iij. \16 enfans. 9 Et pour çou que çou soit ferme cose et estable et que-nus tors n'en soit fes à dame \17 Angniés d'Erdemborc, ne-par allongement de tans ne-par oublianche, si en est cirografies \18 fes et livrés en le-main des eskievins de Cerk, en qui poesté li iretages gist, Andrius de Cerk, Watiers li-Porkiers, Paiens de le Ture, Jehans li-Rikes, Sohiers li-Fruitiers et \19 Estievenes de Froimont. Tout cist i-furent con eskievin et Willaumes Noisés come justice de \20 par le-segneur, 10 en l'an del Incarnation Jhesu Crist .MCC. et .LXVI., el mois d'aoust, à-le \21 Saint Jehan De_colasie.