Téléchargement du document

Documents linguistiques galloromans
Corpus : (chHain)
Responsable du corpus : -
Édition de la charte : -

chHain078

1264 (n. st.), février.

Type de document: Charte: dispositions testamentaires.

Objet: Dispositions testamentaires prises, avant de partir en voyage, par Guillaume des Prés et Marie, sa femme, au sujet des biens qu'ils possèdent à Chercq.

Auteur: Non annoncé.

Disposant: Guillaume des Prés et Marie, sa femme.

Autres Acteurs: Acte passé devant les échevins de Chercq.

Support: Parchemin. Au bord supérieur, la moitié inférieure d'un repère chirographaire (ww) répété quatre fois.

Lieu de conservation: Archives de l'évêché de Tournai (cure de Chercq, I, 19).

Édition antérieure: Ruelle, 1984, Documents linguistiques de la Belgique romane. I. Hainaut, p. 98.

1 Çou sacent chil ki-cest escrit veront et oront 2 que teus sont les devises Willaume des-Prés et dame \2 Marien, se-feme, de leur tiere et de-leur iretage qu'il ont en-le justice de-Cerk. 3 Dame Maroiie, li \3 feme Willaume des Prés, en doune por Dieu et en aumosne as enfans Jakemon d'Arsiele une-pieche \4 ki-gist sor le-Prin Pire devant Warnavie, s'ille ne-revient de cest voiage, et par tel maniere \5 que Willaumes des Prés, ses barons, tenra cele piece de-tiere toute se-vie. 4 Et, s'il defaloit de Willaume des \6 Prés en ceste voie et dame Maroiie revenist, Jakemes d'Arsiele aroit cele piece de tiere esran\7ment à-oés ses enfans. 5 Et l'autre pieche de-tiere que Willaumes des Prés et Maroiie, se feme, ont gissant \8 sour le-Verde rue viers Cerk, s'il-de_faloit de Willaume des Prés en ceste voie et dame Maroiie \9 revenist, ille tenroit cele piece de-tiere toute se-vie et, enpriés sen deciés, li tiere demoroit \10 as-povres que vos orés dire: li-moitiés as-povres de-le pourofie Sainte Cateline et li-moitiés \11 as-povres de-Saint-Piat. 6 Et, s'il defaloit de dame Marien et Willaumes des Prés revient, cille pieche \12 de-tiere li-demeure quite, sains parçon faire à-autrui. 7 Et se-Dieus les ramaine aus .ij., il ont \13 pooir de rapieler et muer et cangier ces devises à-leur volentet. 8 À ces devises et à ces couve\14nences furent li eskievin de-Cerk Reniers Loskegnious, Sohiers li-Fruitiers de-sur le-Pont, Estieve\15nes de Froimont, Paiens de-le-Ture, Jehans li-Rikes, Andrius de Cerk, Colars li-Porkiers. Tout cist \16 i furent con eskievin, 9 en-l'an del Incarnation Jhesu Crist .MCC. et .LXIII., el-mois de fevrier. \17 10 Et c'est fait sauf les drois le-segneur.