Téléchargement du document

Documents linguistiques galloromans
Corpus : (chHain)
Responsable du corpus : -
Édition de la charte : -

chHain064

1259, mai.

Type de document: Charte: notification.

Objet: Notification et approbation par l'abbé et le couvent de Homblières de la sentence d'arbitrage rendue dans le différend qui les opposait à l'abbaye de Saint-Feuillien du Roeulx au sujet de la perception de la dîme sur certains champs situés près de Croix-Fonsomme.

Auteur: Abbé de Homblières, et le couvent du lieu.

Sceau: Abbé de Homblières, et couvent du lieu.

Bénéficiaire: Abbé et couvent de Homblières, et abbaye de Saint-Feuillien du Roeulx.

Autres Acteurs: Guy de Noyal, chevalier, et Baudouin de Fieulaine, arbitres.

Support: Parchemin jadis scellé de deux sceaux sur double queue.

Lieu de conservation: Archives de l'État à Mons (chartrier de Saint-Feuillien du Roeulx, 120).

Édition antérieure: Ruelle, 1984, Documents linguistiques de la Belgique romane. I. Hainaut, p. 83-83.

Verso: Scripta est (XIII^e s.).

1 À tous chiaus qui ces letres verront, 2 li abbes et li couvens de Homblieres, salus en Nostre Segneur. 3 Sachent tout que, com il eust descort entre nous, d'une part, \2 et entre les religieus hommes l'abé et le couvent de Saint Foillien, d'autre part, de le grant disme de ces cans, c'est à-savoir deu camp Gerart de Deheries, qui siet eu \3 liu c'on apele Brai, eu sart qui fu Perron le Grant; deu camp Waukier de Meurincourt, qui siet eu liu devant nommei; deu camp Frappart, qui siet eu liu devant dit; \4 et deu camp Jehan de Harchies, qui siet la meesmes; es queis cans nous disiens que nous estiens en possession et en saisine de rechevoir le moitiet de le grant \5 disme, 4 et au_si, com il fust descors entre nous et iaus, de le disme deu camp Frappart, qui siet eu liu devant nommei, c'on apele le courtisel Saint Eloy, en \6 quel camp nous disiens que nous estiens en possession et en saisine de rechevoir toute le disme, et li devant dis abbes de Saint Foillien et li couvens \7 disoient encontre que li disme des terres et des-cans devant dis apartenoit à iaus et qu'il ont esté en saisine et en possession de rechevoir le \8 disme toute es lius devant dis, 5 à daerains, par conseill de bonnes gens, pour bien de pais, nous et li devant dis abbes et li couvens de \9 Saint Foillien, deu descort devant dit nous mesimes en arbitres, c'est à-savoir mon segneur Wion de Noiasle, chevalier, et Bauduin de Fiulaines, \10 selonc le fourme de le-mise de que li devant dis abbes et li couvens de Saint Foillien ont nos letres seelees et nous avons les leur. 6 À daerains, li devant \11 dit arbitre, quant il-eurent enquise le verité deu descort devant dit par tesmoins souffissans et jureis, par no volenté et par le volentei deu \12 devant dit abbé et couvent de Saint Foillien asisent jour à rendre leur dit de le-mise devant dite. 7 Et à ce jour, cil arbitre, par conseill de bonnes \13 gens et des hommes le roi, rendirent leur dit en teil maniere, c'est à-savoir que toute li disme deu camp devant nommei, c'on apele le cour\14tisel Saint Eloy, nous demeure quite et em-pais à-tous jours. 8 Et se dient en leur dit qu'es autres cans devant dis, la ou li devant dis \15 abbes et li couvens de Saint Foillien ou nous avons le terage, que li disme demeurt à celui qui le terage i a. 9 Et s'il i avoit aucun camp qui \16 ne deust point de terage n'à nous n'à iaus, le disme de celui camp ou de ces cans, se plus en i avoit, demouerra à celui qui i a le segneigrie. 10 Et \17 nous ce dit, en si com il est devant espresseis, tenons ferm et estaule, et pour_metons en bonne foi que ja mais à nul jour ne venrrons encontre ce dit. \18 11 Et pour chou que che soit ferme chose et estaule, ces presentes letres qui faites en sont, nous les avons confremees de nos seiaus et \19 donnees au devant dit abbé et couvent de Saint Foillien. 12 Che fu fait en l'an del Incarnation Nostre Segneur mil et \20 .CC. et ciunquante nuef, el mois de may.