Téléchargement du document

Documents linguistiques galloromans
Corpus : (chHain)
Responsable du corpus : -
Édition de la charte : -

chHain056

1257 (n. st.), mars.

Type de document: Charte: notification.

Objet: Notification par Gilles d'Estourmel, ses fils Louis et Gillot, et Marie, femme de Louis, de la vente par Louis et Marie à l'abbaye de Prémy de trente-quatre menchaudées de terre, tenues en fief de Baudouin de Créquy, chevalier, situées à Estourmel au lieu-dit «Le Bruille», et du quart qui leur revenait du terrage relatif à ce bien. Gillot promet, sous peine d'avoir à payer cinq cents livres de parisis, de laisser l'abbaye jouir paisiblement de son acquisition. Tous s'engagent solidairement, eux et leurs successeurs, à livrer chaque année à l'abbaye les vingt menchauds, moitié blé et moitié avoine, dont la terre est grevée. La vente a lieu en présence d'Henri de Contes, chevalier, représentant Baudouin de Créquy. Tout manquement aux engagements pris par les vendeurs pourrait être puni d'excommunication par l'official de Cambrai.

Auteur: Gilles d'Estourmel, ses fils Louis et Gillot, et Marie, femme de Louis.

Sceau: Gilles d'Estourmel, Louis, son fils, et évêque de Cambrai aux noms de Marie, femme de Louis, et de Gillot, frère de ce dernier.

Bénéficiaire: Abbaye de Prémy.

Autres Acteurs: Henri de Contes, chevalier, représentant Baudouin de Créquy.

Support: Parchemin scellé de deux sceaux (Gilles et Louis) sur lacs de soie blanche et, jadis, d'un troisième sur lacs de soie verte.

Lieu de conservation: Archives de l'État à Mons (abbaye de Prémy, sans cote).

Édition antérieure: Ruelle, 1984, Documents linguistiques de la Belgique romane. I. Hainaut, p. 73-75.

Verso: C'est des .xxxiiij. mencaudees de tiere c'on akata à men signeur Gillon d'Estromiel et à Loÿ sen fil (XIII^e s.). — Vente de trente quatre mencaudees de-terres et la quarte part du terraige à Estrumel (XIV^e s.).

1 Nous, Gilles d'Estroumiel, chevaliers, Loeis et Gillos, mi fil, et Marie, li fame celui Loeis, 2 faisons savoir à tous chiaus ki ces letres ve\2ront et oront 3 ke jou, Loeis, et Marie, me fame, awons vendu et werpi 4 à le glise de Premi bien et loiaument 5 trente qua\3tre mencaudees de tiere u la entors et le quarte part dou tierage de cele tiere ke nos i-avienmes, li quele tiere siet ou tieroir d'Estrou\4miel, au lieu c'on apiele «le Bruille», et le quelle nos teniemes en fief de mon segneur Bauduin de Creki, chevalier; 6 et che vendage awons \5 nos fait à-le glise devant dite pour une soume de deniers, le quele nous awonmes eue et recieute de le glise devant dite en-toute \6 secke monnoie; 7 li quels vendages et li quels wers fu fais par devant mon segneur Henri de Contes, chevalier, ki avoit pooir \7 de çou faire par letres pendans mon segneur Bauduin de Creki; 8 et fu li glise de Premi bien et loiaument aïretee de le tiere et dou \8 tierage devant dis par loi et par en_sanement des homes le segnour de Creki devant noumet; 9 et jou, Gilles d'Estroumiel, chevaliers, loe, \9 gree et aprouve le vendage et le werp devant dis, tout ensi com il sunt fait, à le glise devant dite, de Loeis, men fil, et Marien, se \10 fame. 10 À savoir est en-sour-ke tout ke jou, Gilles d'Estroumiel, chevaliers, Loeis et Gillos, mi fil, et Marie, li fame celui ^[1] Loeis, awon\11mes tout ensanle en couvent à le glise de Premi et en-soumes tenut ke nos paierons d'or en avant quescun an à no grange à Es\12troumiel vint mencaus, moitiet blet et moitiet avaine, les quels devoit tous li fiés de quoi li tiere et li tierages devant noumet \13 mouvoient, en tel maniere ke li glise de Premi de paier ces vint mencaus, moitiet blet et moitiet avaine, enviers ciaus à qui on \14 les doit iert quite et delivre à tous jors; 11 et s'il avenoit, par aventure, ke li-glise devant dite eust ne cous ne damages ne fesist \15 despens pour l'oquoison ne pour le defaute dou paiement de vint mencaus, moitiet blet et moitiet avaine, devant noumés, nos \16 les renderiemes à l'abesse u à le glise devant dite, car nous en-soumes tenut et ensi l'avon nous encouvenent à-faire ensi con devi\17set est, tout si avant con li abbesse de Premi ki adont seroit les vora retenir et dire qu'elle ara fait u eus par vretet. 12 Et à chou obli\18gons nos et tous nos biens quankes nous en awonmes et avoir poronmes, et meules et autres, et nos oir et nos successeurs en quelcun\19kes lieu qu'il soient, à çou qu'il tinnent et aconplissent toutes les coses devant dites et qu'il paient quescun an les vint mencaus, moitiet \20 blet et moitiet avaine, devant dis à ciauls cui on les devra. 13 Si proumetonmes tout ensanle, jou, Gilles, chevaliers, Loeis et Gillos et \21 Marie, li-fame celui Loeis, par foit et par sermens k'en contre le vendage et le werp devant dis par nous ne par autrui nos ne venrons, \22 ains le tenrons et warderons ensi con deviset est par devant, bien et loiaument, et warandirons à le glise bien et loiaument le tiere et \23 le tierage devant noumés. 14 Si nous metons en le juridition de l'official de Cambrai à çou ke, s'il avenoit par aventure ke nos u aucuns \24 de nos alast en contre les coses devant dites, qu'il nous destrainsist par escumeniement à chou ke nous les tenissiemes et war\25dissiemes bien et loiaument tout ensi con il est par deseure deviset. 15 À-savoir est en-sour-ke tout ke jou, Gillos devant dis, gree, loe et \26 aprueve le vendage et le werp ke Loeis, mes freres, et Marie, se fame, ont fait à-le glise devant dite de le tiere et dou tierage de\27vant noumet. 16 Si proumet par foit et par sermens et sour paine de cienc cens livres de paresis à rendre à le glise devant dite \28 k'en contre le vendage et le werp devant dis par mi ne par autrui ne venrai, ains le tenrai et warderai bien et loiaument. 17 Et \29 pour chou ke che soit ferme cose et estable, awon nous, jou, Gilles, chevaliers, devant dis, et Loeis, mes fieus, saielees ces presentes le\30tres de nos saiauls et dounees à-le glise devant dite. 18 Et nous, Gillos et Marie, li fame celui Loeis, pour chou ke nous n'awons \31 nul saiel, awon nous fait ces presentes letres saieler dou saiel dou palais de Cambrai et dounees à le glise de Premi devant \32 noumee. 19 Che fu fait l'an del Incarnation Nostre Segneur mil deus cens et cinquante sis ans, el mois de març.

Notes de transcription
^[1] Ms. celuirépété.