Téléchargement du document

Documents linguistiques galloromans
Corpus : (chHain)
Responsable du corpus : -
Édition de la charte : -

chHain052

1257 (n. st.), février.

Type de document: Charte: vente.

Objet: Vente par Jean d'Ascq et Marie, sa femme, dame de Warluzel, à l'abbaye de Prémy, moyennant la somme de deux cents livres de parisis, de quarante menchaudées de terre labourable situées entre Reumont et Saint-Benin, au lieu-dit «Pinchon lieu», et tenues en franc-alleu.

Auteur: Jean d'Ascq et Marie, sa femme, dame de Warluzel.

Sceau: Jean d'Ascq et Marie, sa femme, dame de Warluzel.

Bénéficiaire: Abbaye de Prémy.

Support: Parchemin scellé de deux sceaux sur double queue.

Lieu de conservation: Archives de l'État à Mons (abbaye de Prémy, sans cote).

Édition antérieure: Ruelle, 1984, Documents linguistiques de la Belgique romane. I. Hainaut, p. 69-70.

Verso: C'est des .xl. mencaudees de terre de Reumont c'on akata à mon signeur Jehan d'Asc et à se feme et dou werp k'il en fisent (XIII^e s.). — Lettres des vendeurs de .xl. mencaudees à Reumont (XIV^e s.).

1 Jou, Jehans d'Asc, chevaliers, et Marie, me fame, dame de Warlusiel, 2 faisons savoir à tous chiausl ki-ces \2 letres veront et oront 3 ke nous awons vendu et werpi bien et loiaument 4 à le glise de Premi 5 qua\3rante mencaudees de tiere ahanaule, pau plus pau mains, de franc aluet, ke nous awiemes et \4 teniemes entre le ville de Reumont et le ville de Saint Belin, au lieu c'on apiele «Pinchon lieu», li \5 quelle tiere est apielee «li sars me dame Aelis»; 6 et cest vendage et cest werp awons nous fait à le \6 glise devant dite pour deus cens livres de paresis, les quels nous awons eut et recieut de le \7 glise devant dite en-toute secce monnoie. 7 En sour-ke tout à-savoir est ke jou, Maroie devant \8 dite, ai renunchiet à toutes exceptions de douaire et d'assenement et de toutes autres coses ki aidier \9 ne valoir me poroient et à le glise devant dite poroient nuire, et si reconnois de me prope vo\10lentet, sans peur, sans cremeur et sans nul destranement c'om me fache, ke de celle tiere je ne \11 fui onkes doee ne assenee; 8 et se jou en avoie estet doee ne assenee, si i-renunche jou à tous drois \12 ke jou i-poroie avoir, car je fui souffisanment assenee à autre tiere, par quoi je m'en tien bien a païe. \13 9 À savoir est en sour-ke tout ke jou, Jehans, et Marie, devant dit, proumetons tout ensanle et ques\14cuns par lui, par foit et par sermens, k'en contre cest vendage et cest werp d'ore en avant ne venrons \15 ne par autrui ne par nous, ains les tenrons bien et loiaument et warderons; 10 et si nous metons en \16 le juridiction del official de Cambrai de chou ke, se nous veniemes en contre cest vendage \17 et cest werp, qu'il nos destrainsist par escumeniement à chou ke nous tenissiemes et wardissie\18mes toutes les coses devant dites ensi com deviset est, en quecunkes lieu ke nous fussiemes; \19 11 et celle tiere devant dite awon nous en couvenant à warandir à-le glise devant dite \20 bien et loiaument juskes à-le loi dou païs. 12 Et pour chou ke che soit ferme cose et estaule, \21 awon nous, Jehans et Marie devant dit, saielees ces presentes letres de nos saiaus et dounees \22 à-le glise devant dite. 13 Che fu fait l'an del In_carnation Nostre Segneur mil deus cens et \23 cinquante sis ans, el mois de fevrier.