Téléchargement du document

Documents linguistiques galloromans
Corpus : (chHain)
Responsable du corpus : -
Édition de la charte : -

chHain040b

1253, juin.

Type de document: Vidimus: donation.

Objet: Transcription dans un vidimus confirmatif par Marguerite, comtesse de Flandre et de Hainaut, seigneur de fief, en date de juin 1253, de l'acte n^o40a.

Auteur: Marguerite, comtesse de Flandre et de Hainaut.

Sceau: Marguerite, comtesse de Flandre et de Hainaut.

Support: Parchemin scellé sur lacs de soie verte d'un sceau ovale en cire brune, avec contre-sceau.

Lieu de conservation: Archives de l'hôpital Notre-Dame à la Rose, à Lessines, 23.

Édition antérieure: Ruelle, 1984, Documents linguistiques de la Belgique romane. I. Hainaut, p. 53-56.

Verso: Confirmatio carte de la Hoiberge et de nemore Henrici Maioris (XIII^e s.). — Bois-de-Lessines (XV^e s.).

1 Nous, Margherite, contesse de Flandres et de Haynau, 2 faisons à savoir à tous chiaus ki ces lettres veront et oront 3 que nous \2 avons veues les lettres nostre chier ami et no foiaule Jehan, dit signeur d'Audenarde, et Mehaut, sa femme, nient cancelees ne plane\3es ne en aucune partie cunchies, en ceste fourme.
4 Jou, Jehans, apielés sires d'Audenarde, et Mehaus, ma femme, 5 faisons savoir à tous chiaus \4 ki ces lettres veront et oront 6 que nous avons dounet au nouviel hospital que no chiere mere Aelis, dame de Rosoit, dite d'Au\5denarde, a fait en la vile de Lessines, en aumosne perpetuel, 7 le Hoibierghe et toutes les maisons et tout le pourpris et quatorze \6 bouniers de terre ahanaule et sis bouniers de bos et trois viviers ki gisent entor le Hoibierghe devant dite et quinze bouniers de \7 bos ki gisent en le parroche d'Acrene, jungnant au bos Nostre Dame, ki furent achaté à Henri le Maieur, et sis bouniers de pa\8sture ki gisent outre l'Ancre. 8 Et chou avons nous dounet au devant dit hospital à tenir à tous jours paisiulement et frankement qui\9tes et delivres de tous terrages, de tous cens et de toutes autres exactions, sauve le noe haute justice et saus les privileges del devant \10 dit hospital; 9 et obligons nous et nos hoirs à cho tenir parmenaulement et proumetons loiaument par nos fois fianchies que \11 nous jamais à nul jour n'irons encontre cest don ne ne querrons art ne enghien, par nous ne par autrui, par koi ceste aumosne \12 soit enpeechie ne destorbee par raison de doaire ne par nule autre raison. 10 Ains en proumetons sour les fois devant noumees à \13 porter loiaul warandise au devant dit hospital encontre tous chiaus ki cest don et ceste aumosne vorroieent enpeechier ou contredire, \14 11 et proions humelement et requerons à no dame le contesse de Flandres et de Haynau et à son chier fil le conte, ki souverain sunt de \15 toutes ches choses devant noumees, que il cest don et ceste aumosne tout ensi com il est contenut en cest present escrit loent et \16 conferment et saielent de lor propres saiaus, et constraignent nous et nos hoirs à toutes ches choses devant dites tenir à tous jours \17 paisiulement. 12 Et, pour cho que che soit ferme chose et estaule et duraule à tous jours, si en avons nous dounees au devant \18 dit hospital ces presentes lettres saielees de nos propres saiaus. 13 Che fu fait en l'an del Incarnation Nostre Signeur Jhesu Crist \19 mil .CC. et cinquante et trois, el mois de mai.
14 Et nous, Margherite, contesse deseure noumee, toutes ches choses devant dites, \20 à la requeste nostre chier et nostre foiaule mon signeur Jehan d'Audenarde devant dit et Mehaut, sa femme, loons, approvons et con\21fermons, et proumetons pour nous et pour nos successeurs à faire tenir et à warandir à tous jours contre tous coume dame de la \22 terre. 15 El tiesmoignage de la quele chose nous en avons ches lettres dounees, saielees de no saiel. 16 Che fu fait et dounet l'an del Incar\23nation Nostre Signeur Jhesu Crist mil .CC. et cinquante et trois, el mois de giskerech.