Téléchargement du document

Documents linguistiques galloromans
Corpus : chartes de Meurthe-et-Moselle (chMM)
Responsable du corpus : Martin-D. Glessgen
Édition de la charte : Martin-D. Glessgen / Michel Arnold (révision: D. Kihaï)

ChMM210

1262, 1^er août

Type de document: charte: accord

Objet: Accord entre le chapitre de Saint-Gengoult de Toul et Thiébaut [II] comte de Bar au sujet de Minorville: les deux contractants avront la moitié de Minorville et paieront vingt réseaux de froment à l'abbaye Saint-Epvre de Toul; le chapitre se réserve les dîmes.

Auteur: chapitre de Saint-Gengoult de Toul; Thiébaut [II] comte de Bar

Sceau: auteurs

Bénéficiaire: chapitre de Saint-Gengoult de Toul; Thiébaut [II] comte de Bar

Rédacteur: scriptorium de la collégiale de Saint-Gengoult de Toul [lang; rdexc: CBar (pal; lang)]

Support: parchemin jadis scellé de deux sceaux sur double queue; seul subsiste celui du chapitre (Des Roberts, n^o 7446)

Lieu de conservation: AD MM B 862, n^o 4, layette Pont-à-Mousson, domaine II

Verso: C'est le acors entre le doien et chapistre Saint Gengout de Toul ... Thiebaut (XIV^e s.)

1 Nous, li doiens et li chapistres de Saint Gengout de Toul, 2 faisons savoir \2 à touz 3 que com descors fust entre nous d'une part et noble baron Thiebaut, \3 conte de Bar, de l'autre part, seur ce que nos disiens que il et ses gens faisoient trop \4 et tort en la vile de Menovile et il disoit que nul trop, ne nul tort ne nous i faisoient, \5 4 pais et concorde est faite entre nous en teil maniere que nous averons la \6 moithié en la dite vile, em ttouz us et em touz prouz, ens choses temporels et il l'autre, \7 sauf ce que li cors des homes de la dite vile serunt franc; 5 ne nous ne li cuens de \8 Bar devan-diz ne porrons riens penre, ne faire, ne acquerre en la dite vile, ne om \9 ban, li uns sanz l'autre; 6 et nous et il devons acquesteir four et moulin en la \10 vile et faire bannals et chascuns i penra la moithié, sauf ce que li prestres curez \11 de la ville penra pardevant on molin trois resals de blef, ensi com il le prenoit \12 devant en l'ancien moulin de la ville; 7 et devons faire et retenir le four et le \13 moulin devan-diz en coumuns despens; 8 et cil qui mestre n'i voudra n i penra riens \14 tant qu'il avera paiee sa partie; 9 et cil qui mis i averoit ne mesteroit riens, arriers \15 de ce qu'il i averoit pris. 10 Et nous et li cuens paierons ensemble vint resals de fro\16ment à l'abbeie de Saint Eivre de Toul et livrerons à Toul au jour que nous lou \17 devons à la dite abbeie pour l'aquest ^[1] que nous avons fait à la dite abbeie en la dite \18 vile. 11 Et s'il avenoit que nous ou nostres commandement et li cuens et ses gens alissiens \19 en la vile ensemble ou chascune par lui, chascuns paieroit dou suen ce qu'il despenderoit \20 en la ville. 12 Aprés nos ne poons retenir nul des homes de la dite ville en leu que \21 nos aiens ne il ausi. 13 Et est à savoir que nous i retenons toutes les choses esperitels \22 c'est à savoir l'esglise de la vile et lou patronage, les dismes, grosses et menues \23 et nostre grange i retenons ausi que nous avons en la dite vile et mesterons dismeurs \24 en la vile à nostre volontei sanz lou contredit dou conte et des homes de la vile. \25 14 Et est à savoir que nos et il mesterons ensemble maieur en la vile se nos nos poons con\26corder; 15 et se nos ne nos acordiens, chascuns li mesteroit à son annee et nous li meste\27rons la premiere annee se descort i a; 16 et cil qui sera maires si tost com il sera mai\28res fera feautei à nous et au dit conte par sairement et rendera à nous et à lui \29 à chascun sa partie par sairement. 17 Em tesmongnage de toutes ces choses et pour ce \30 que ferme chose soit et estable avons nos mis nostre seel em ces presentes lettres \31 18 que furent faites l'an de l'Incarnation nostre Signour Jhesu Crist, quant \32 li milliaires corroit par mil et deus cent et sexante et deus anz, le \33 premier jour d'aoust.

Notes de transcription
^[1] Ainsi coupé: laquest.