Téléchargement du document

Documents linguistiques galloromans
Corpus : (chHain)
Responsable du corpus : -
Édition de la charte : -

chHain029a

1251, septembre.

Type de document: Charte: donation.

Objet: Donation au nouvel hôpital de Lessines par Jean, seigneur d'Audenarde, avec le consentement de sa femme, Mahaut, d'une rente annuelle de vingt livres d'artésiens à prendre sur les vinages de Lessines, à charge pour l'hôpital d'assurer le service d'une chapellenie à l'autel Sainte-Isabelle de son église, pour le repos de l'âme du donateur, de celle de Mahaut et de celles de leurs ancêtres et descendants.

Auteur: Jean, seigneur d'Audenarde.

Sceau: Jean, seigneur d'Audenarde, et Mahaut, sa femme.

Bénéficiaire: Hôpital de Lessines.

Autres Acteurs: Mahaut, femme de Jean, seigneur d'Audenarde.

Support: Parchemin jadis scellé sur lacs de soie verte de deux sceaux dont l'un, rond, subsiste brise.

Lieu de conservation: Archives de l'hôpital Notre-Dame à la Rose, à Lessines, 16.

Édition antérieure: Ruelle, 1984, Documents linguistiques de la Belgique romane. I. Hainaut, p. 40-43.

1 Je, Jehans, apeleis sires d'Audenarde, 2 fais savoir à tous ciaus qui ces letres verront et orront \2 3 que je, par l'assens et la volentei de Mahaut, ma femme, doins et otroie en pure et perpetueil au\3mosne por le remede de nos armes, de nos ancesseurs et nos successeurs au novel hospital \4 de Lessines 4 vint lb. d'artisiens à prendre chascun an permenaulement à la feste Saint Remi \5 en vendenges à nos winages que nos avons en la vile de Lessines. 5 Et por cest bien et por tous \6 les autres que je ai fais et ferai encore au dit hospital, li maistres dre devant dit hospital \7 est tenus à faire deservir par un de ses freres prestres ou par un chapelain seculeir une cha\8pelerie à l'auteil Sainte Ysabel qui est en l'ospital devant dit, à tous jors por mi et por Mahaut, \9 ma femme, et por nos ancesseurs et nos successeurs. 6 Et por ce que je vueil aidier loiaument que cis hospi\10taus devant dis teigne ses aumosnes et ses possessions fermement et paisieulement, l'eschange \11 d'Ysier, les dons et les aumosnes que je ai faites, deneies et otroïes au dit hospital er tans que je \12 fui vevés, des queis je ai deneies mes letres saelees de men propre sael, je les renovele, otroie \13 et conferme toutes ces choses devant dites maintenant au jor et au tans que je ai femme espousee loiaument \14 et hoir masle de men propre cors. 7 Et toutes ces choses devant dites prometons nos, je et Mahaus, \15 ma femme, et obligons nos et nos hoirs à tenir et faire tenir à tous jors fermement et paisieu\16lement par nos feis fiencies et que nos ne reclamerons ne ferons reclameir par nos ne par \17 autrui par nule raison, ains en porterons loial warandise envers tous ciaus qui ces choses de\18vant dites vorroient contredire ou empeechier. 8 Et proions à ma dame la contesse de Flandres \19 et de Hainau, qui est dame souverainne de toutes ces choses devant dites, que ele toutes ces choses \20 devant dites conferme et saele de sen propre sael et constraingne nos et nos hoirs à ce tenir à tous \21 jors paisieulement. 9 Et por ce que ce soit ferme chose et estaule et duraule à tous jors, si en ai je de\22nees au dit hospital ces letres saelees de men propre sael et du sael Mahaut ma femme. 10 Et ce fu \23 deneit et fait en l'an del Incarnation Nostre Signeur mil .CC. cinquante et un, er mois de septembre.