Téléchargement du document

Documents linguistiques galloromans
Corpus : (chHain)
Responsable du corpus : -
Édition de la charte : -

chHain025b

1250, août.

Type de document: Vidimus: donation.

Objet: Transcription dans un vidimus confirmatif par Marguerite, comtesse de Flandre et de Hainaut, en date d'août 1250, de l'acte n^o 25a.

Auteur: Marguerite, comtesse de Flandre et de Hainaut.

Sceau: Marguerite, comtesse de Flandre et de Hainaut.

Support: Parchemin scellé sur lacs de soie rouge d'un sceau ovale avec contre-sceau.

Lieu de conservation: Archives de l'hôpital Notre-Dame à la Rose, à Lessines, 7.

Édition antérieure: Ruelle, 1984, Documents linguistiques de la Belgique romane. I. Hainaut, p. 35-37.

Verso: Li confermemens la contesse de Flandres des terres d'Ysier (XIII^e s.).

1 Nous, Margherite, contesse de Flandres et de Haynau, 2 faisons savoir à tous ceaus ki ces letres verront et orront 3 ke nous avons veues les le\2tres no chier ami et no feel Jehan, apelet segneur de Audenarde, nient chancelees ne planees ne en aucune partie d'eles cunchiies, en ceste fourme. \3
4 Jou, Jehans, apelés sires d'Audenarde, 5 fach à savoir à tous ceaus ki ces letres verront et orront 6 ke je ai douné et otroié au nouvel hospital de Lessines, \4 à le requeste et à le proiere ma treschiere mere Aelis, dite dame de Audenarde, 7 quarante et siet bouniers et demi bounier de terre ahanavele, pau \5 plus u pau mains. 8 De ces quarante et siet bouniers et demi de terre gisent seze bounier à Lenghessain, sis bounier as Nespliers, à Ysier, nuef bo\6nier à Rainsentmont, troi bounier à Tymercamp, troi bounier et uns journeus en Campaigne, doi bounier au Kesne, à le Crois, doi bounier et uns \7 journeus à Reniersart, troi journel as Tombes, uns bouniers et demis journeus à Manirsart, siet journel à Roiaules, troi journel et demis au Bosket, \8 troi journel et demis ou Bruille, uns journeus et demis en Ewillontrau, uns journeus en Rimersart, uns journeus de pret au molin, à Pethenghiem, \9 sis journel de pret à Lenghessain et wit bounier de bos un journel mains, c'est à savoir siet bounier à Reniersart et troi journel à le Mote, la \10 u li manages siet sus. 9 Et ces terres et ces bos et cest manage devant dis ai je douné à tous jours perpetuement al hospital devant dit en eschange \11 de toute le terre ke ma mere devant dite tient à Martigni en Loenois en fief del vesque de Loon, la quele terre et le quel fief ele m'a douné et otroié \12 à mi et à mes hoirs à tous jours, et le vile k'on apele les Autés en Teraisce et les apendances ausi en eschange des choses devant dites, sauf ce \13 k'ele doit tenir et avoir les preus tant com ele vivera. 10 Et toutes ces choses devant dites ai je fianchies à tenir bien et loiaument et i oblige mi \14 et mes hoirs et proi à me dame le contesse de Flandres et de Haynau, ki dame souvraine est de le terre devant nommee ki gist à Ysier, k'ele \15 toutes ces choses ki sunt en cest escrit devant nommees conferme et saiele de son propre saiel et constraigne moi et mes hoirs à ce tenir à tous jours \16 paisiulement. 11 Et, pour ce ke ce soit ferme chose et estable et duraule à tous jours, si ai je ces letres seelees de mon seel. 12 Ce fu fait et douné l'an \17 del Incarnation Nostre Segneur .MCC. et quarante et nuef, le semedi aprés le feste saint Pierre et saint Pol apostles, el mois de jule.
13 Et \18 nous, Margherite, contesse deseure nommee, toutes ces choses devant dites, à la requeste nostre chier et nostre foiable mon segneur Jehan de Audenarde de\19vant dit, loons, approvons et confermons et prometons pour nous et pour nos successeurs à faire tenir et à warandir à tous jours contre tous comme dame \20 de la terre. 14 El tesmoignage de la quel chose nous en avons ces letres dounees, saielees de no saiel. 15 Ce fu dounet l'an del Incarnation Nostre Segneur \21 Jhesu Crist mil deus cens et ciunquante, el mois d'aoust.