Téléchargement du document

Documents linguistiques galloromans
Corpus : (chHain)
Responsable du corpus : -
Édition de la charte : -

chHain014

1246, octobre.

Type de document: Charte: décision.

Objet: Décision de Jacques de Condé, chevalier, seigneur de Beloeil, de porter de quinze à vingt livres de blancs la taille d'Ellignies. En contrepartie, renonciation à la prétention d'exiger arbitrairement les corvées: les hommes d'Ellignies ne doivent que trois corvées par an et, en outre, la ville sera menée «par loi et par droit». Décision approuvée par Marguerite, comtesse de Flandre et de Hainaut, comme seigneur du fief.

Auteur: Jacques de Condé, chevalier, seigneur de Beloeil.

Sceau: Marguerite, comtesse de Flandre et de Hainaut, Jacques de Condé.

Bénéficiaire: La ville d'Ellignies.

Support: Parchemin jadis scellé de deux sceaux sur double queue. Il subsiste de l'un d'eux des fragments en cire verte.

Lieu de conservation: Château de Beloeil, archives des princes de Ligne, cote provisoire 6978.

Édition antérieure: Ruelle, 1984, Documents linguistiques de la Belgique romane. I. Hainaut, p. 23-24.

1 À tous ciaus ki ces letres veront et oront, 2 Jakemes de Condet, chevaliers, sires de Balluel, salus. \2 3 Saciés ke, conme jou et mi ancisseur presissciemes cascun an de nos honmes d'Elegnies talle de quinse \3 livres de blans et de flamens et je demandascie à ces honmes corouees à ma volentet, les queles \4 je disoie ke il me devoient, 4 en le fin, par le consel de preudommes, je ai trouvet à veritet ke \5 mi ancissceur n'i prisent plus ke-quinse livres de blans à le Saint Remi et trois corouees l'an. \6 5 Et pour çou ke je ne vuel mie me tiere amenrir, par le consel de mes honmes, jou ai mise me \7 vile d'Elegnies devant dite à vint lib. de blans et d'artiziens d'assise à le Saint Remi, à paier \8 cascun an, ne plus n'i puis demander, par droit, d'assise ne de talle, sauf çou k'il me doivent trois \9 corouees cascun an, à quel tierme ke je vuel, cil ki a kierue de kierue et li manouvriers de ma\10nuevre. 6 Et toutes ces coses devant dites ai je en-couvent loiaument à tenir comme boins sires à ses \11 hommes. 7 Et si ai en-couvent loiaument ke je le ferai loer men oir quant il iert venus à sen aage. \12 8 Et si ai en-couvent à mener le vile d'Elegnies par loi et par droit et par le jugement des eskie\13vins d'Elegnies comme boins sires. 9 Et jou, Margerite, contesse de Flandres et de Hainau, faç savoir à \14 tous ke toutes ces coses furent faites par devant mi. 10 Et si l'ai loet comme sires et si ai men \15 saiel pendut à ceste cartre. 11 Et jou, Jakemes devandis, pour çou ke ces coses deseure dites soient ferme\16ment tenues, ai ceste cartre saielee de men propre saiel. 12 Ce fu fait l'an del Incarnation Nostre \17 Segneur mil deus-cens et quarante-sis, el mois de octembre.