Téléchargement du document

Documents linguistiques galloromans
Corpus : (chDoubs)
Responsable du corpus : Martin Glessgen
Édition de la charte : -

chDoubs291

1269, juin.

Type de document: Charte: accord.

Objet: Accord entre Jean de Chalon, seigneur de Rochefort, Etienne de Chalon, seigneur de Vignory, et Pierre de Chalon dit Bovier, fils de Jean de Chalon, comte de Bourgogne et seigneur de Salins. Jean donne à Etienne et Pierre Saint-Laurent[-la-Roche], Aluze et Augisey, Etienne et Pierre donnent à Jean Arinthod, Liferme, Butavant et la motte de Conflens. Ces biens, tout comme les autres tenus par les trois frères en héritage de leur père ou de leur mère, pourront, à partir de la Noël suivante, faire l'objet d'un nouveau partage, si un des trois frères le souhaite. Chacun s'engage à aider les autres de ses châteaux et forteresses, et à empêcher que des dommages en puissent venir aux autres. Si l'un des trois frères refuse que sa partie soit de nouveau partagée, il ne pourra rien demander des autres biens de ses parents.

Auteur: Eudes, archevêque de Besançon.

Disposant: Jean de Chalon, seigneur de Rochefort, Etienne de Chalon, seigneur de Vignory, et Pierre de Chalon dit Bovier, fils de Jean de Chalon, comte de Bourgogne et seigneur de Salins.

Sceau: Eudes, archevêque de Besançon.

Bénéficiaire: Jean de Chalon, seigneur de Rochefort, Etienne de Chalon, seigneur de Vignory, et Pierre de Chalon dit Bovier, fils de Jean de Chalon, comte de Bourgogne et seigneur de Salins.

Support: Parchemin jadis scellé sur double queue, 235x200.

Lieu de conservation: AD Doubs, BTC 34-2.

Verso: Acor fait entre Jehan de Chalon, sire de Rochefort, Estienne sire de Vanery et Piere de Chalon dit Bovier.

1 Nos, Oddes, par la grace de Deu arcevesques de Besençon, 2 façons savoir à touz ces qui verront ces presentes \2 letres 3 que, en nostre presence establi, venant especialment à ce, Jehans de Chalon, sires de Rochefor, Estenes de \3 Chalon, sires de Waignorry et Pierres de Chalon, diz Boviers, frere, fil çay en arrier dou noble baron \4 Jehan, conte de Borgogne et segnor de Salins, hont fait une ordinacion et un acort par devant nos, 4 en tel forme \5 que lidiz Jehans wet et otroie que lidiz Estenes et lidiz Pierres, sui frere, haient et tienent \6 Seint Lorent, Alluse et Agisel et les appendises desdiz leus, avoc les autres choses que il tienent de part lor \7 pere et de part lor mere. 5 Et volent assi et otroient lidiz Estenes et lidiz Pierres que lidiz Jehans lour \8 freres hait et tiene Arintho, Oliferne, Botavant et la mote de Conflens et les appendises desdiz leus \9 avoc ce que il tient de part suen pere et de part sa mere, 6 en tel maniere que totes ces choses dessus nommees et li autre \10 chastel et autre viles et tout ce que lidit troi frere tienent de part lour pere et de part lour mere doi\11vent venir en partaige quant li uns des diz freres, ou li dui, ou li troi, voudront partir, des la Nativité \12 Nostre Segnor prochainament venant en avant, sauves les raisons et les covenences à un chascon, se eles i sunt par \13 tant come eles devront valoir, et sauves les deffenses à un chascon, 7 et est assavoir que li devant dit \14 Jehans, Estenes et Pierres, frere, hont promis li uns à l'autre que li uns recetera l'autre es chastias, es for\15teresces, es maisons que il tienent contre totes jens sanz meffaire, et que li uns ne soffrera que domaiges viene \16 à l'autre des les chastias que il tienent. 8 Et cil desdiz freres qui ne voudroit metre en partaige les chastias que il tient \17 de part suen pere et de part sa mere, il ne porroit rien demander ou remanant. 9 Et totes ces choses et ces cove\18nences dessus dites et devisees, hont promis lidit troi frere li uns à l'autre par stipulacion sollenpnel à tenir et à \19 garder leiament et à bone foi, et par lour seiremenz donez sus seins Evvangiles tochiez. 10 Et hont volu \20 et otreié lidit frere que nos excomunions celui de lour qui iroit encontre ces covenences dessus dites. 11 En \21 tesmoignaige de laquel chose, à la proiere et à la requeste desdiz trois freres, nos havons mis nostre seal \22 pendant en ces presentes letres. 12 Ce fu fait l'an de grace qui corroit per mil et dous cens et sexante et \23 nuef, ou mois de joing.