Téléchargement du document

Documents linguistiques galloromans
Corpus : (chDoubs)
Responsable du corpus : Martin Glessgen
Édition de la charte : -

chDoubs286

1269, 17 janvier (n. st.).

Type de document: Charte: reprise en fief.

Objet: Reprise en fief par Hugonet et Guienet, dits Tirru, de Pierre de Chalon, dit Bovier, de soixante soudées de terre de leur alleu, assises à Nancuise, contre 10 livres de viennois, réserve faite de la fidélité due à Fromon de Dramelai et à Jean de Chalon, [seigneur de Rochefort].

Auteur: Hugonet et Guienet, dits Tirru, frères.

Sceau: Chapitre de Saint-Anatoile de Salins.

Bénéficiaire: Pierre de Chalon, dit Bovier.

Support: Parchemin jadis scellé sur double queue, 215x123.

Lieu de conservation: AD Doubs, BTC 475-3.

Édition antérieure: J. Gauthier, 1900, Recueil de quarante-huit chartes françaises de 1227 à 1280 pour servir à l'étude du dialecte franc-comtois, n^o XLII, p. 562.

1 Nos, Hugonet et Guienet, diz Tirru, frere, 2 façons savoir à toz ces qui verrunt ces presentes lettres 3 que nos \2 sumes home lige Perrin de Chalon dit Bovier, sauve la fëauté Fromon de Tramelay et mon segnor Jehan de \3 Chalon, 4 et havons repris de lui sexante soudees de terre de nostre propre aluef, lesqués nos li havons assi\4ses, c'est à savoir vint soz sus le tier dou més à Wichaz de Nancuse, et les autres quarante soz sus \5 nostre partie dou molin Willet et dou batour qui est delez ledit molin et sus quatre jornaus de \6 terre, liqués sient en ba de Renches et sus on pré à dous charres de fain, liqués est apelez avant pré. \7 5 Et se ces choses ne valoient lesdiz sexante soz par ant, nos en alions et obligons à dit Perrin \8 nostre segnour, nos et nostre tenement, de parfaire la deffaute des dites sexante soudees de terre. \9 6 Et por cestdit homaige, lidiz Perrins, nostre sires, nos ha doné dix livres de viannois, lesqués nos \10 havons heu et receu de lui, en bons deniers numbrez, et des qués nos nos tenons por bien paiez. \11 7 En tesmoignaige de laquel chose, nos havons fait metre le seal dou chapitre de Saint Anathoile \12 de Salins en ces presentes lettres. 8 Et nos, lidiz chapitres, à la proiere et à la requeste des devant \13 diz Hugonet et Guienet, havons mis nostre seal pendant en ces presentes lettres, en tesmoignaige \14 de verté. 9 Ce fu fait l'an de l'incarnacion Nostre Segnor qui corroit per mil et .CC. et sexante et huyt, \15 le jodi aprés feste saint Hylaire.