Téléchargement du document

Documents linguistiques galloromans
Corpus : chartes de Meurthe-et-Moselle (chMM)
Responsable du corpus : Martin-D. Glessgen
Édition de la charte : Martin-D. Glessgen / Michel Arnold (révision: D. Kihaï)

ChMM201

1262 (n.st.), 6 janvier

Type de document: charte: déclaration

Objet: Déclaration de Louvion d'Acraignes et d'Anne, sa femme, par laquelle ils reconnaissent à l'abbaye de Sainte-Marie-au-Bois la possession de diverses terres et celle de la famille de Sarrei de Viéville-en-Haye.

Auteur: Louvion d'Acraignes, écuyer, et Anne, sa femme

Sceau: doyen de la chrétienté de Prény

Bénéficiaire: abbaye de Sainte-Marie-au-Bois

Rédacteur: scriptorium de l'abbaye de Sainte-Marie-au-Bois [pal]

Support: parchemin jadis scellé sur double queue d'un sceau de cire blanche

Lieu de conservation: AD MM H 1179, fonds de l'abbaye Sainte-Marie-au-Bois

1 Je, Louvions d'Escrengnes, escuiers et je, Annes, sa femme, 2 faizons connissant à-tous cels qui sont et qui à-venir sont 3 que \2 nous n'avions ne n'avons droit ne raison de reclameir ne de debatre par nule cause de tenor, d'usuaire, d'e\3ritage ne douaire, ce que nous reclamions et bestanciens en contre l'abbei et le convent de l'esglize de Saint Marie al Boix deleis \4 prinei: 4 c'est à savoir partie en la Fousseei, partie ou Chasteleir, lou champ en Fontainnes et la mainie Sarrei de Viés Ville \5 des queilz il sont bien tenant par droit et par l'usage dou païs. 5 Si lor aquitons à tous jors, sens reclameir. 6 Et por ce que \6 nuls dor en avant nes en-puist quereleir, se nous nule raison aviens es choses devant dites par quoi nous i pussiens \7 ne deussiens rien reclameir ne ravoir, nous le donnons por Deu et en aumone à l'eglize devant nommeie 7 et prome\8tons sor la foi de nos cors, en la presence dou doien de la crestientei de Prinei estauli, que jamais n'irons à l'encontre \9 de ceste choze, ne riens n'i reclamerons, ne ferons reclameir par nous, ne par autrui, et à ce, nous obliions \10 nous et nos oirs. 8 Et por ce que ce soit ferme chose et estauble, lor en avons nous dounees ces presentes lettres \11 saieleies dou saiel dou devant dit doien, en tesmoingnage de veritei, 9 faites en l'an que li miliaires cor\12roit, par .M..CC. et .LXI. an, ou mois de janvier, le jor de l'Aparicion ^[1] Nostre Signour.

Notes de transcription
^[1] Ainsi coupé: l'Aparicion.