Téléchargement du document

Documents linguistiques galloromans
Corpus : (chDoubs)
Responsable du corpus : Martin Glessgen
Édition de la charte : -

chDoubs282

1268, octobre.

Type de document: Charte: mise en gage.

Objet: Mise en gage par Guillaume, dit Bailli, de Frasne, et par sa femme, Adelinate, de leurs possessions de Savigna, auprès de Barthélémy de Syam, contre 23 livres de viennois.

Auteur: Thierri, abbé de la Charité, et Gérard, curé de Brussey..

Disposant: Guillaume, dit Bailli, de Frasne, et Adelinate, sa femme.

Sceau: Thierri, abbé de la Charité, et Gérard, curé de Brussey.

Bénéficiaire: Barthélémy de Syam.

Support: Parchemin jadis scellé sur simple queue, 190x145.

Lieu de conservation: AD Doubs, E 2899.

1 Nos, Thieeris, abbes de la Charité et nos, Gerars, curiez de Bucee, 2 façons savoir à touz ces qui ver\2ront et orront ces presentes lattres 3 que, en nostre presence establiz et à ce venanz en droit per de\3vant nos, Willames, diz Bailliez, de Frasne, et Adelinate, sa fame, ont mis en guaige, en la mein \4 mon signor Bartholomei de Cyams, chevalier, 4 quamque il ont et puent avair en la vile de \5 Savaigne et en tout le finaige de ladite vile, en homes, en meis, en terres, en prez, en bois, \6 en eaus, en dismes, et en totes atres choses, 5 por vint et treis lb. de viannais, lesqués li\7dit Willames et Adelinate ont aü et reçaü dudit Bartholomei, en deniers numbrez, assi come \8 il ont conaü per devant nos. 6 Et promatent lidit Villames et Adelinate, per lour faiz donee \9 en nostre mein corporemant, totes ces choses desusdites à dit Bartholomei guarantir, deffandre \10 et appaisier vers totes ganz et en touz leus. 7 Aprés, il ont abrenuncié à tote exceptiom de la \11 pecune que ne lour sait paié et numbree et tornee en lour preu et à totes atres exceptiom \12 que lour porroient profaitier quant à ce. 8 Et totes [ces] choses ont loees Estenes […] \13 Marguerithe, sa fame, per lo comandemant dudit Estene, et Guioz [de…] et Biatris sa \14 fame, per lo comandemant à dit Guiot, et ont promis, per louz faiz donees en nostre mein que \15 il n'am verront en-contre, ne per lour, ne per atrui. 9 Ou tesmoignaige de laquel chose, nos \16 avons mis noz seaus pandanz en ces presentes lattres. 10 Ço fu fait l'an de l'incarnaciom Nostre Signor \17 qui corrait per mil .CC. et .LX. et oit, ou mois oithobre.