Téléchargement du document

Documents linguistiques galloromans
Corpus : (chDoubs)
Responsable du corpus : Martin Glessgen
Édition de la charte : -

chDoubs267

1267, 9 septembre.

Type de document: Charte: accord.

Objet: Accord entre Othon de Bourgogne, Laure, comtesse de Bourgogne, Jean de Chalon, seigneur de Rochefort, Etienne de Chalon, seigneur de Vignory et Pierre de Chalon, dit Bovier, sur le partage des biens de Jean, comte de Bourgogne et seigneur de Salins. Les précédents partages sont annulés. Laure reçoit un tiers des biens pour ses enfants, Othon un tiers, pour lui et ses frères et sœurs, Jean, Etienne et Pierre le dernier tiers. Ce partage doit se faire sous la surveillance de Thierri, comte de Montbéliard, Etienne, seigneur d'Oiselay, Simon de Jonvelle, seigneur de Gex, et Richard de Montbéliard, seigneur de Montfort. Les rentes dues au comte Jean seront, après sa mort, confiées à Etienne, seigneur d'Oiselay et à Simon, seigneur de Gex, jusqu'à ce que le partage soit définitivement établi, puis aussi partagées en trois. Tous les biens appartenant déjà aux bénéficiaires du partage du fait du comte Jean feront partie du partage. Si l'un des «exécuteurs testamentaires» refuse, ou ne peut faire le partage, les trois autres peuvent le faire, et les décisions seront prises à la majorité. Si deux se désistent, les deux restant peuvent faire le partage en prenant, le cas échéant, l'avis d'un prud'homme pour les départager.

Auteur: Othon de Bourgogne, Laure, comtesse de Bourgogne, Jean de Chalon, seigneur de Rochefort, Etienne de Chalon, seigneur de Vignory et Pierre de Chalon, dit Bovier.

Sceau: Othon de Bourgogne, Laure, comtesse de Bourgogne, Jean de Chalon, seigneur de Rochefort, Etienne de Chalon, seigneur de Vignory, et Guillaume, abbé de la Charité, pour Pierre de Chalon dit Bovier.

Bénéficiaire: Othon de Bourgogne, Laure, comtesse de Bourgogne, Jean de Chalon, seigneur de Rochefort, Etienne de Chalon, seigneur de Vignory et Pierre de Chalon, dit Bovier.

Autres Acteurs: Jean, comte de Bourgogne et seigneur de Salins; Thierri, comte de Montbéliard, Etienne, seigneur d'Oiselay, Simon de Joinville, seigneur de Gex, et Richard de Montbéliard, seigneur de Montfort.

Support: Parchemin jadis scellé de cinq sceaux sur double queue, 220x150.

Lieu de conservation: AD Doubs, BTC 16-5. Copie sur papier, AD Doubs, BTC 16-6.

Verso: Partage de Dame Lore.

1 Je, Otonins de Borgoigne, et nos Lore, contesse de Borgoigne et dame de Salins, et je Jehans de Chalon sires de Rochefort, et je Estenes de Chalon \2 sires de Vaignory et je Perrins li Boviers, 2 façons savoir à toz ces qui verrunt ces lettres 3 que, cum li nobles bers Jehans cuens de \3 Borgoigne et sires de Salins, maris à nos, dite Lore, et peres à noz enfanz, haüst fait division et partaiges de ses biens et de sa terre et \4 de ses chastiaus entre nos per ses lettres pendanz, 4 nos, ladite Lore, por noz enfanz que doudit conte havons, et nos lidiz Otonis de Borgoigne, \5 et nos li devant dit Jehans de Chalon, Estenes et Perrins volons et acordons, per le lou et per le consentement doudit conte, que ladite divisions \6 soit nule, et que li herietaiges doudit conte, chastias, viles et rentes, soient devisé et parti entiers as bons us de Borgoigne \7 loiaument et à bone foi. 5 c'est à savoir que à nos, ladite contesse, por noz enfans doie avenir la tierce partie, et à moi le dit Otonin por \8 moi, et por mes freres et por mes sereurs, l'autre tierce partie, et à nos, ledit Jehan de Chalon, Estene et Perrin l'autre tierce \9 partie. 6 Et est à savoir que nos volons, outroions et acordons que ciz diz partaiges et ceste dite devisions ensi come desus sunt devis \10 soient fait à regart et à dit as nobles barons Tierry conte de Montbeliart, Estene segnour d'Oiseler, Symon de Joinvile \11 segnour de Jayz et Richar de Montbeliart segnour de Monfort, liquel doivent faire ces diz partaiges bien et loiaument \12 à lour esciant par lour seiremenz. 7 Et voluns encores et acordons que les chastias et les rentes desqués li diz Jehans cuens de Borgoigne \13 et sires de Salins estoit tenanz à jor de la confection de ces lettres soient mis aprés le decest doudit conte en la main des devant \14 diz Estene, segnour d'Oiseler et Symon segnour de Jayz qui les tiegnent et gardoient entretant que lidit partaige soient \15 fait, et les rentes et les issues gardoient pour nos assi tant que lidiz partaige soient fait, lesquex issues et li quel fruit doivent \16 estre parti en tiers assi come dessus est devis de l'erietaige, 8 et est à-savoir que li chastial et les rentes quicumques les tiegne \17 de nos devant diz qui sunt de part ledit conte venu à nos doivent estre mis oudit partaige et en ladite division, sanz ce \18 que à nos ladite Lore contesse et à nos autres devant diz doit estre sans tiex droit et cex raisons cum nos pouns havoir \19 et devons par autre raison que par la division qui fu faite par ledit conte par ses dites lettres pendanz. 9 Et prometons li uns à l'autre \20 loiaument et à bone foi porchacier les devant diz barons pour faire les devant diz partaiges. 10 Et se ensi estoit que tuit \21 ciz quatre devant dit ne poissient estre ou ne voussessient à faire ledit partaige, nos volens et outroiens que li trei \22 le poissient faire, et ce à quoi li plus de lour s'acorderoit fust tenu, et se li dui des quatre ni pooient ou ne voloient \23 estre affaire le dit partaige, nos volons que li autre dui le puissent faire et apeloient avoc lour, se descort i hauoit, \24 un prodome et fut tenu ce que li plus de lour en feroit. 11 Et totes ces choses desus dites prometons nos per noz seire\25menz donez sus sains evvangiles garder et tenir loiaument et à bone foi. 12 En tesmoignaige de la quel chose, je, lidiz Oto\26nins de Borgoigne, et nos ladite Lore contesse, et je, li devant diz Jehans de Chalon, et je, lidiz Estenes, havons mis \27 noz seaus pendanz en ces lettres, et je li diz Perrins li Boviers por ce que je n'ai sael hai proié et requis le religieu home \28 Willaume abbé de la Cherité que il mete son sael en ces lettres. 13 Ce fu fait lendemain de la nativité Nostre Dame, \29 l'an de grace qui corroit per mil et dous cenz et sexante et sait.