Téléchargement du document

Documents linguistiques galloromans
Corpus : (chDoubs)
Responsable du corpus : Martin Glessgen
Édition de la charte : -

chDoubs262

1267, 12 avril (n. st.).

Type de document: Charte: promesse.

Objet: Promesse faite par Jean de Vergy, seigneur de Fonvans à Alis, comtesse palatine de Bourgogne, de lui payer mille livres d'estevenants à la prochaine saint Rémi, et de lui fournir des garanties avant Pâques. Si Jean ne peut fournir ces garanties, Alis pourra mettre en gage les garanties données par Jean pour le remboursement qu'il devait effectuer à la précédente saint Martin.

Auteur: Jean de Vergy, seigneur de Fonvans.

Sceau: Guillaume [de Vergy], sénéchal de Bourgogne, Gui de Rans, seigneur des Roches, et Etienne, dit Hôpital.

Bénéficiaire: Alis, comtesse palatine de Bourgogne

Support: Parchemin jadis scellé de deux sceaux sur double queue, 180x85.

Lieu de conservation: AD Doubs, BTC 391-7.

1 Je, Jahans de Vergey, sires de Fonvens, 2 fais savoir à touz ceaus qui verunt et orrunt \2 ces presantes latres 3 que, come je doie à madame Alis, contesse palatine de Borgogne, mil livres de \3 buens estevenans, por la raison de Port, desqués mil livres, elle m'a doné respit tant que \4 à feste saint Rumey prachoinemant à venir, 4 et je li ay promis à bone foi de metre plages à \5 son gré dedans ceste Pasque prochoinement à-venir, et li ai covent en bone foi de \6 paier les devant dites mil livres à feste saint Rumey prochoinement à venir, en tel \7 manere que aler encontre, ne trover raison, ne par moi ne par autrui ne puis, par quoi je ne \8 soie tenuz à madame devant dite, de paier lesdites mil livres. 5 Et se je \9 ne li metoie plages dedans Pasques qui fussient à son gré, je vuel et outroi que \10 les plages que elle avoit de moi dou terme de feste saint Martin qui est passee, \11 que ma dame devant dite puisse gagier les devant dites plages desdites mil \12 livres et s'an faist paier, ne je ne li en puis aler encontre ne ne doi, ne par moi ne par \13 autrui. 6 Et por ce que ce soit chouse ferme et estable, j'ai fait saeler ces latres dou \14 sael Guillaume, mon frere, seneschaut de Borgogne, dou sael Guion de Rans, saignor \15 de Roche, et dou sael Estene dit Hospital. 7 Cestes latres furent faites le sanbadi \16 aprés les Bordes, l'an de l'incarnacion Jhesu Crist qui corroit per mil et dous cenz \17 sexante et sis.