Téléchargement du document

Documents linguistiques galloromans
Corpus : (chDoubs)
Responsable du corpus : Martin Glessgen
Édition de la charte : -

chDoubs251

1266, 27 octobre.

Type de document: Charte: engagement.

Objet: Engagement par Hugues, comte de Vienne et seigneur de Pagny, de ses possessions d'Annoire à Agnès de Bourgogne, femme de son fils Philippe, seigneur de Mirebel, pour garantir le remboursement de l'emprunt de trois mille livres d'estevenants que le couple a contracté auprès d'Hugues, comte palatin de Bourgogne, et d'Alis, sa femme, sur Amurs et Saint-Aubain.

Auteur: Hugues, comte de Vienne et seigneur de Pagny.

Sceau: Hugues, comte de Vienne et seigneur de Pagny, et Guillaume, seigneur de Pesmes.

Bénéficiaire: Agnès de Bourgogne, femme de son fils Philippe, seigneur de Mirebel.

Support: Parchemin jadis scellé sur double queue, 167x136.

Lieu de conservation: AD Doubs, BTC 415-3.

Verso: a 31. Promesse faite au conte Othe de recevoir III^m lb. ou cas contenu dedans.

1 Nos, Hugues, cuens de Vihanne et sires de Paigné, 2 faisons savoir à touz cex qui verront \2 ces presentes letres 3 que, come nostres chiers filz Philippes, sires de Mirebel, et Agnés, fille lo con\3te palazim de Borgoigne, sa fanme, ayent enpruntees trois mile livres de bons estevenans dou nouble \4 barom Hugon, conte palazim de Borgoigne, et de la nouble dame Alis, contesse palazine, sus Saint Alban \5 et sus Amurs, et sus quanque il apartient au mariaige à la dite Agnel 4 que, se il avenoit chouse \6 que li diz Philippes morist avant que la dite Agnés, que nos nos somes enloié en la main à iceli Agnel, \7 à la bone foy et loyaulment, que nos les dites trois mile lb. paeriens maintenant, et la dite vile de Saint Alban \8 et Amurs et toutes les apertenances do dit mariaige li delivreriens. 5 Et por ce que nos ne puissuns de cest \9 covant reffaillir ne fors issir, nos l'an avons mis en gaiges quantque nos avons et davons avoir à \10 Augnores, en toutes chouses senz nule retenue, por le consentement Hugon, conte palazin de Borgoigne, \11 et Alis, contesse palazine, do quy fié les dites chouses sunt, 6 et por ce faire l'an avons maintenant envesti, \12 et voluns que la dite Agnés se tiegne as dites chouses et à toutes les issues et an face toute sa volunté dois \13 adonc en avant, jusque tant que nos li auriens Saint Albin et toutes les chouses desus dites de son mariaige \14 delivrees, ensi com covant li avons, et à ce faire nos enloyons nos et noz hoirs. 7 Et por ce que ceste \15 chouse soit plus ferme et plus estauble, nos avons fait saeler ces letres de nostre seal et do seal \16 Guillaume, segnor de Pesmes, 8 que furent faites la veille des apostres Symon et Jude, l'an de l'incar\17natiun Jhesu Crist mil .CC. et sexante et sis, ou mois d'octanbre.