Téléchargement du document

Documents linguistiques galloromans
Corpus : (chDoubs)
Responsable du corpus : Martin Glessgen
Édition de la charte : -

chDoubs249

1266, août.

Type de document: Charte: acensement.

Objet: Acensement par Viard de Gray, avec l'accord de sa femme, de ses enfants, de son frère et de la femme de celui-ci, à Pierre de Gray, curé de Chalemer, du meix de Viler, de Gray et du meix de la Flage, pour cent sous d'estevenants de droit d'entrée et vingt sous de cens.

Auteur: Hugues, abbé de Corneux, et Jean de Lorroinne, chanoine de Bruges et curé de Gray.

Disposant: Viard de Gray.

Sceau: Hugues, abbé de Corneux, et Jean de Lorroinne, chanoine de Bruges et curé de Gray.

Bénéficiaire: Pierre de Gray, curé de Chalemer.

Support: Parchemin jadis scellé de deux sceaux sur double queue, dont il reste un, 225x12.

Lieu de conservation: AD Doubs, BTC 354-2.

1 Nos, frere Hugues, humiles abbes de Cornuel, et je, Jehanz de Loroinne, chenoignes de Bruges et curez de Gray, 2 façons à savoir à touz ces qui \2 verrunt ces presantes latres 3 que, an nostre presance estaubli, et pur çou hi vinrent, Viarz, qui fui fiz Rool de Gray, au peletier et Luquate, sa \3 fanme, ount requeneu par devant nos que il, pur lor prou et pur lor profeit et pur lor besoigne, sanz force et sanz paor, 4 ount açansé à mon \4 seignor Perrom de Gray, curé de Chalemer, à sa vie, sanz plus tenir et estre an possessiom, pur faire sa volunpté toute, aussi com li devant\5dit Viarz et Luquate façoient ou pooient faire, an tailes, an prises et an toutes autres choses, per lou lous et per lou consantemant \6 de lor anfanz, çou ast à-savoir de Essebonoit, de Bonate et de Guiate, et par lou lous et par lou consantemant de Jannoit, lou frere \7 au dit Viart et de Gilate, sa fanme, 5 les més Grevel de Viler et à ses anfanz, et les més à la Flage et à ses anfanz, et les hommes et \8 toutes les apertenances des devantdiz mes, çou est à savoir, an més, an maisons, an chans, an prez et an toutes autres choses, et cinc \9 fauz de pré qui sunt desouz Viler, qui sient delez lou pré sire Henri de Fontenoi d'une part, et delez lou pré Willemoit de Gray la Vile \10 d'autre part, pur çant souz d'estevenans d'antrage, lesquex çant souz, li devant Pieres lor doit randre dedeanz la quinzenne de la saint \11 Remer, et pur vint souz de çans chascum an, à paier, çou ast à savoir, dex souz à la Mi-Quareme, et dex souz à la saint Remer. 6 Et \12 ceste chose desusdite ount promis li devantdit Viarz, Luquate, Essebonoiz, Bonate et Guiate, per lor sairemanz jurez sor l'avangile, \13 et an ount anloiez touz lor biens que il ount et que il auront, pur porter garantie et pur faire à porter ancontre touz, et que il contre \14 ces choses desus dites ne reclamerunt aucune chose, ne feront à reclamer per lor ne per autrui, et an renoient à tout droit que \15 lor an peut aidier an cest fait, et audit mon seignor Perrom nuire. 7 An tesmoignage de laquel chose, par l'acorz des parties, avons \16 nos seelees ces presantes latres de noz sees, 8 qui furent faites l'am que li miliaires corroit per mil dous çanz et sexante et sex, ou \17 mois de hoost.