Téléchargement du document

Documents linguistiques galloromans
Corpus : (chDoubs)
Responsable du corpus : Martin Glessgen
Édition de la charte : -

chDoubs248

1266, août.

Type de document: Charte: vente.

Objet: Vente par Forconin, Jean et Estevenin, fils d'Hugues, fils de dan Wiot, châtelain de Bracon, à Jean [de Chalon], comte de Bourgogne et seigneur de Salins, pour cent livres d'estevenants, d'un verger situé à Salins, entre la maison d'Etienne le Fevre et la saunerie, sauf 18 deniers de cens, 3 dus à Hugon le Gros, 6 à Richard de Moins, 3 à Renaud Ferrier, 3 à Perron le Gros, 3 à Oddon d'Estarnot.

Auteur: Forconin, Jean et Estevenin, fils d'Hugues, fils de dan Wiot, châtelain de Bracon.

Sceau: Chapitre de Saint-Anatoile et chapitre de Saint-Michel de Salins.

Bénéficiaire: Jean [de Chalon], comte de Bourgogne et seigneur de Salins.

Support: Parchemin jadis scellé de deux sceaux sur double queue, dont il reste un.

Lieu de conservation: AD Doubs, BTC 403-5.

Édition antérieure: B. Prost et S. Bougenot, 1904, Cartulaire de Hugues de Chalon, n^o 445, p. 311.

1 Nos, Forconins, Jehans et Estevenins, frere, anfanz çay en arriers Hugonet, fil Dan Wiot, chastelain de Bracon, 2 façons savoir à \2 ces qui verront ces lettres 3 que nos, non mie contrainz, de nostre bone volunté, por noz propres besoignes despaachier, avons \3 vendu, quité et outroié permegnablement à noble baron Jeham, conte de Borgoigne et segnour de Salins, 4 le vergier que nos aviens \4 à Salins, assis d'une part entre la maison qui fu Estene le Fevre por estre apendant à la dite maison et la sanerie d'autre part, sauz \5 dix et huyt deniers censaus que parties dou dit vergier doivent, c'est à savoir mon segnour Hugon le Gros, troys deniers, mon segnour \6 Richart de Mions, sys deniers, mon segnour Renaut Ferrier, trois deniers, mon segnour Perron le Gros, trois deniers, et à mon \7 segnour Oddon d'Estarnot, trois deniers, 5 por cent livres d'estevenens que nos avons reçeu dou dit conte en bone pecune nombree \8 tornee en nostre profit, et des quex nos nos tenons por bien paiez, 6 abrenunçanz à l'exception de non haüe et de non nombree pecune \9 et de non tornee en nostre profit et à l'exception de boidié, de mal et en fait et se la chose vendue valoit outre la moitié dou \10 droit pris, et à tote autre exception general et especial et à hayde de droit escrit et non escrit establiz et à establir qui con\11tre la dite vendue porroient valoir à nos et as noz et à dit conte et as siens nuire, et especiament à l'exception de me\12nour aaige. 7 Et suimes tenuz et avons promis per noz soirement donez corporement sor saint evvangile garantir loialment \13 et à bone foy permegnablement à dit conte et es siens, por nos et por les noz, la dite chose vendue, et que encontre ne venrons \14 ne consentrons que autres i viegne. 8 Et por ce que ce soit ferme chose et estable, nos avons prié et requis as chapitres de \15 Saint Anathoile et de Saint Michiel de Salins que lour seaus meissant en cestes lettres. 9 Et nos, li diz chapitre, à la \16 priere et à la requeste des diz anfanz, avons mis noz seaus pendanz en ces lettres, en tesmognaige de verté. 10 Ce fu fait \17 ou mois d'ahoust, l'an Nostre Segnour qui corroit per mil et doux cenz et sexante et sys.