Téléchargement du document

Documents linguistiques galloromans
Corpus : (chDoubs)
Responsable du corpus : Martin Glessgen
Édition de la charte : -

chDoubs250

1266, 28 août.

Type de document: Charte: vente.

Objet: Vente par Jefroi de Montureux à Hugues, comte palatin de Bourgogne, et à Alis, sa femme, de tous ses biens de Montureux, pour 700 livres d'estevenants.

Auteur: Jefroi de Montureux.

Sceau: Guillaume, prieur et curé de Vesoul, et Gérard, curé de Pont-lès-Vesoul.

Bénéficiaire: Hugues, comte palatin de Bourgogne, et Alis, sa femme.

Support: Parchemin jadis scellé sur simple queue, 242x115.

Lieu de conservation: AD Doubs, BTC 473-4.

Édition antérieure: J. Gauthier, 1908, Cartulaire des comtes de Bourgogne, n^o CCVIII, p. 180.

Verso: m476. De la vandue Jeffroi de Mosterel de ce que il y havoit.

1 Je, Jeifrois de Mosteroel sus Soegne, 2 fais savoir à touz cex qui verront et oirront ces presantes latres 3 que j'ai vandu et quité permegnaublemant per \2 la main Hugon, prevoust de Vesor, au noble baron Hugon, conte palatim de Borgoigne, et à la noble dame Aalis, contesse de Borgoigne, sa fame, et à lours hoirs, \3 4 ce que j'ai à Mosteroel devantdit, le tout senz riens retenir, ce est asavoir an homes, avoel lour tenemanz, an terres, an prez, an bois, an eaux, an ri\4vieres, an boichaiges, an deniers, an censeix, an justises, an servises, an fyez, an homaiges, an tierces, an corvees, an pescheries, et an totes autres choises, soit \5 an achoetex ques avenir mi poent et doient par raison, et nommeemant ce que dame Hysebeax, que fu fille mon seignour Girart Mische Crouste i tient de douaire, et \6 ce ausimant que li devandiz cuens de Borgoigne et ladite contesse i tienent de moi an guaige, 5 pour set cenz livres d'estevenanz paiés à moi an deniers \7 nombrez, et arenonçoi à tote exception de pecune neant nombree et neant versee an mon profit, et à tote autre exception qui aidier me porrait et deu\8vroit ancontre ceste vandue, 6 laquele vandue desusdite, je promet tenir et guarder, par la foi de mon cors donnee corporaumant, ne aler an\9contre ladite vandue, par moi ne par autru. 7 En tesmoignaige de laquel choise, nos, Vuillaumes, […] priours et curez de Vesor, et nos, Girars, curez de \10 Ponz devant Vesor, avons mis nos sealx à ces presantes latres, à la requeste et à la priere desdites parties. 8 Ce fu fait à Vesor, lo sambbadi aprés feste \11 saint Bartholomey l'apostre, en l'an de Nostre Seignor Jhesu Crist mil dous cenz sexante et sys, ou mois d'aoust.