Téléchargement du document

Documents linguistiques galloromans
Corpus : (chDoubs)
Responsable du corpus : Martin Glessgen
Édition de la charte : -

chDoubs246

1266, juillet.

Type de document: Charte: établissement d'un douaire.

Objet: Etablissement par Jean [de Chalon], comte de Bourgogne et seigneur de Salins, du douaire d'Alis, comtesse palatine de Bourgogne, femme de son fils Hugues, comte palatin de Borgogne. Celle-ci aura la moitié des biens qui devraient revenir aux héritiers d'Hugues.

Auteur: Jean [de Chalon], comte de Bourgogne et seigneur de Salins.

Sceau: Jean [de Chalon], comte de Bourgogne et seigneur de Salins, Hugues, comte palatin de Bourgogne, et Guillaume, archevêque de Besançon.

Bénéficiaire: Alis, comtesse palatine de Bourgogne.

Autres Acteurs: Hugues, comte palatin de Borgogne.

Support: Parchemin jadis scellé sur simple queue.

Lieu de conservation: AD Doubs, BTC 21-21.

Édition antérieure: J. Gauthier, 1908, Cartulaire des comtes de Bourgogne, n^o CCLV, p. 177.

Verso: Donacion que li contes Jehan fit à Hugon, son filz, du chastel de Bracon, etcommant i mandees chastellains que aprés sa mort le metes en possession, et auxie dou douhare de la comtesse Alix, es lettres dudit conte Jehan.

1 Nos, Jehans, cuens de Borgoigne et sires de Salins, 2 façons savoir à toz ces qui verrunt ces presentes letres \2 3 que cum nos haiens jadis fait mariaige de Hugon, conte de Borgoigne palatin nostre fil et de Alys, contesse de Borgoig\3ne nostre fille, et haiens doee la dite Alys por nos et por nostre dit fil à mariaige, façant à bons usaiges de Borgoigne \4 et as bones costumes, 4 nos, por ce que contens ou discorde ne soit aprés le decés à dit Hugun, nostre fil, dou dit doaile, \5 devisons et declairons à la dite contesse nostre fille son dit doaille en tel maniere que ele hait et tiegne en pais sanz \6 contredit aprés le decés à dit Hugun la maitié de toz les biens et de totes les possessions, les quex li diz Hugues havroit \7 et tindroit ou tens de sa mort. 5 Et se ensi avenoit per aventure que dou dit Hugun defaillist devant noz, la dite con\8tesse hait et preigne et teigne en pais aprés nostre decés et aprés le decés à dit Hugun son mari la moitié de toz les \9 biens et de totes les possessions qui as heirs à dit Hugun nostre fil devroient avenir ne eschooir de part nos ou de part au\10trui, et ces choses hait ele et preigne et tiegne en pais à sa vie tant soulement come doaile aprés nostre decés et aprés \11 le decés à dit Hugun son mari. 6 Et ces devant dites choses havons noz fait et declairié per la volunté et per le consentement \12 esprés à dit Hugun nostre fil, qui en ces presentes lettres ha mis son sael pendant ensamble le nostre sael. 7 Et à la proie\13re et à la requeste de nos dous, li honorables peres en Crist Willaumes, per la grace de Deu arcevesques de Be\14sençon, ha mis le suen sael pendant en ces lettres ensamble les noz seaus, en tesmoignaige de verté. 8 Ce fu \15 fait l'an de l'incarnacion Nostre Segnour qui corroit per mil et dous cenz et sexante et syx, ou mois de \16 juillet.