Téléchargement du document

Documents linguistiques galloromans
Corpus : (chDoubs)
Responsable du corpus : Martin Glessgen
Édition de la charte : -

chDoubs242

1266, 16 avril.

Type de document: Charte: vente.

Objet: Vente par Pierre, seigneur de Valmartuel, à Jean [de Chalon], comte de Bourgogne et seigneur de Salins, de tous ses biens de Joigne, pour 440 livres d'estevenants.

Auteur: Pierre, seigneur de Valmartuel

Sceau: Pierre, seigneur de Valmartuel, [Guillaume 1^er], abbé de la Charité, l'abbé de Montbenoit, et l'abbé du Mont Sainte Marie.

Bénéficiaire: Jean [de Chalon], comte de Bourgogne et seigneur de Salins.

Support: Parchemin jadis scellé de quatre sceaux sur soie rouge, 230x214.

Lieu de conservation: AD Doubs, BTC 455-1.

1 Je, Perrins, sires de Valmartuel, 2 fais savoir à toz ces qui verrunt ces presentes lettres 3 que je, de ma bone volunté nun mie \2 contrainz, por mes propres besoignes, que eschevir ne pooe d'espaegier, hai vendu et quité à noble baron Jehan, conte de Borgoig\3ne et segnour de Salins, mon segnour, 4 Joigne et le puy desus Joigne et totes les appendises de Joigne, et quant que je \4 i hai en bois, en prez, en chans, en riviere, en piaige, c'est à savoir le tier dou piaige, en segnorie, en jostise, en fié et en \5 totes autres choses, les quex choses devant dites je tenoie en fié lige dou dit conte, 5 por quatre cent et quarante livres \6 d'estevenens, que je hai haü et receu dou dit conte en bone pecune numbree tornee en mon profit, et des quex je me \7 tiens por bien paié, 6 abrenunçant à l'escepcion de nun haüe et de nun numbree pecune et de nun tornee en mon profit, et à l'es\8cepcion de boidie, de mal, et en fait, et se les choses vendues valoient plus outre la moitié dou droit pris, et à droit qui \9 dit general renunciacion nun valoir, et à tote aïe de droit escrit et nun escrit, establi et à establir, qui contre la dite ven\10due et quitance porroient valoir moi ou as miens, et à dit conte ou as siens nuire. 7 Et hai promis sus l'obligacion de \11 toz mes biens movables et nun movables, presenz et à venir, et per mon seirement corporelment doné sor sainz evangiles, \12 garantir por moi et por les miens permaignablement, loiaument et à bone foi contre totes jenz adit conte et \13 as siens les dites choses vendues, et que contre la dite vendue et quitance ne venrai, ne consentrai que autres i veigne. \14 8 En tesmoignaige de laquel chose, li religious home et honeste l'abbes de la Charité, l'abbes de Montbenoit et \15 l'abbes dou Mont Sainte Marie hunt mis lor saés pendanz en ces presentes lettres à ma proiere et à ma requeste \16 ensamble le mien sael. 9 Et noz, li devant diz abbé, à la proiere et à la requeste dou dit Perrin, havons mis noz seaus \17 pendanz en ces presentes lettres ensamble le sien sael. 10 Ce fu fait le vainredi devant feste Saint George, l'an de l'incarnacion \18 Nostre Segnor qui corroit per mil et dous cenz et sexante et six.