Téléchargement du document

Documents linguistiques galloromans
Corpus : (chDoubs)
Responsable du corpus : Martin Glessgen
Édition de la charte : -

chDoubs239

1266, mars (n. st.).

Type de document: Charte: vente.

Objet: Vente par Marguerite, dame d'Etrabonne, femme de Marc, seigneur de Mailly, et son fils Poincars, à Hugues, comte palatin de Bourgogne, et à Alis, sa femme, de leurs possessions de Dole, Crissey, Menotey et Raynan, pour 400 livres d'estevenants.

Auteur: Marguerite, dame d'Etrabonne, femme de Marc, seigneur de Mailly, et son fils Poincars.

Sceau: Guillaume, archevêque de Besançon, et Hugues, abbé de Saint-Vincent de Besançon.

Bénéficiaire: Hugues, comte palatin de Bourgogne, et Alis, sa femme.

Autres Acteurs: Marc, seigneur de Mailly.

Support: Parchemin scellé sur simple queue, 260x220.

Lieu de conservation: AD Doubs, BTC 343-5.

Édition antérieure: J. Gauthier, 1908, Cartulaire des comtes de Bourgogne, n^o CCIII, p. 175.

Verso: Acquisition de plusieurs chosses à Dole, à Monester et à Rainans.

1 Je, Marguerite, dame d'Estrabeygne, fenme mon signor Marche, signor de Mayllye, et je, Poyncars, damoyseaus, filz à celle dite Marguerite, \2 fillaytres à cel dit mon signor (mon signor) Marche, 2 faiçons savoir à touz ceus qui oirront et verront ces presentes letres 3 que nos avons vendu, \3 quité et otroyé, à tenir herietaublement, à touz jors mais, quant que nos avons, ne poons avoir, ne devons avoir ne reclamer à Dole, à Cresse, à Amo\4nester et à Raynayns, et as finaiges de ces vylles, si come en terres, en prez, en vygnes, en homes, en signorie dou vyconte de Dole, et en toutes \5 autres choses, en quelque meniere que nos les aviens, ne poiens avoir, ne reclamer as davant diz lous et as apandises des davant diz lous, 4 au noble ba\6ron Huguon, conte palatyn de Borgogne et à la noble dame Alys, contesse palatine, sa fenme, et à lour heirs, 5 por quatre cenz livres d'estevenains, des\7quels je, davant dite Marguerite, et je Poyncars, ses filz davant diz, nos tenons à bien paié entierement en deniers nombrez. 6 Et ceste dite vendue \8 toute, je, Marchex, sires de Mayllye davantdiz, mariz à celle dite Marguerite, parraytres à cel dit Poyncart, lou, vuel et otroy. 7 Et je, davant di\9te Marguerite, et je davant diz Poyncars ses filz, prometons au davant dit conte de Borgogne, et à ladite contesse, et à lour heirs, porter entiere garantie \10 de toutes les choses de ladite vendue, tant com à droit, ne que nos jamais, par nos ne par autrui, ne poons ne devons jamais riens reclamer as \11 choses davant dites de ladite vendue. 8 Et avons arrenuncié en ce à toute meniere d'exception et de droit qui nos porroit aidier, ou devroit en re\12clamer riens en ladite vendue ou as choses de ladite vendue. 9 Et toutes ces choses davantdites avons promis à tenir fermement, par noz \13 sayremenz corporeelment faiz de ce. 10 Ou tesmoingnaige de laquel chose, je, dite Marguerite, et je, davant diz Poyncars, ses filz, et je, davant diz Marchex \14, sires de Mayllye, mariz à ladite Marguerite, avons fait à metre en ces presantes letres lo seel à l'onorauble pere Wyllaume, per la grace \15 de Deu arcevesque de Besançon, et lo seel au religious home Huguon, abbé de Saint Vincent de Besançon. 11 Et nos, davant diz W., arce\16vesques de Besançon, et nos Hugues, davant diz abbés de Saint Vincent de Besançon, avons mis noz seels en ces presantes letres, à la \17 requeste de ladite Marguerite, doudit Poyncart, son fil, et doudit Marche, signor de Mayllye. 12 Ces letres furent faites l'an de l'incar\18nacion Nostre Signor qui corroit par mil et doucenz et sexante cync, ou mois de marz.