Téléchargement du document

Documents linguistiques galloromans
Corpus : (chDoubs)
Responsable du corpus : Martin Glessgen
Édition de la charte : -

chDoubs241

1266, 29 mars.

Type de document: Charte: engagement.

Objet: Engagement pris par Guillaume de Vergy, sénéchal de Bourgogne, vis-à-vis d'Hugues, comte palatin de Bourgogne, et d'Alis, sa femme, sur les biens qu'il tient d'eux en fief, de respecter l'accord conclu avec le duc de Lorraine – ne pas mal agir en la terre de Jean de Dampierre, dont il doit épouser la veuve –, accord dont le comte et la comtesse s'étaient portés garants dans un acte passé sous leurs sceaux.

Auteur: Guillaume de Vergy, sénéchal de Bourgogne.

Sceau: Guillaume de Vergy, sénéchal de Bourgogne, et Jean de Vergy, seigneur de Fonvanz.

Bénéficiaire: Hugues, comte palatin de Bourgogne, et Alis, sa femme.

Autres Acteurs: Ferri [III], duc de Lorraine, Jean de Dampierre.

Support: Parchemin scellé sur double queue, 145x185.

Lieu de conservation: AD Doubs, BTC 21-19.

Édition antérieure: J. Gauthier, 1908, Cartulaire des comtes de Bourgogne, n^o CCII, p. 174.

Verso: Facta est copia per Castelletum. Plaigie du mariage dou conte et de la fille au duc de Lorrene.

1 Je, Guyllaumes de Vergé, seneschaus de Borgogne, 2 faiz savoir à touz ceus qui orront et verront ces \2 presantes letres 3 que com je aie tels covenances au noble baron Ferry, duc de Lohorraingne et \3 Marchy, que je ne forfera riens en la terre mon signor Jehan de Dampierre qui fu, cui \4 fenme je ai fiancié et la doi esposer en la maniere que est devisee as letres qui sont faites des\5dites covenances, qui sont saellees dou seel au noble baron, mon oncle et mon signor, Huguon, \6 conte palatin de Borgogne, et dou seel à la noble dame, ma dame Alys, contesse palatine de Borgogne, \7 sa fenme, 4 liquel se sont enloié, à ma requeste et à ma proiere, par lour letres en la main audit \8 duc de Lohorraingne por moi, por moi faire à tenir toutes les covenances qui sont escriptes as letres \9 davant dites ou il ont mis lor seels, 5 et por parfaire ce on-que je en defauroie, je les en doi et en sui \10 tenuz de garder de touz perilz et de touz damaiges et lour et lor heirs, et en enlie en lour \11 mains et à lour heirs et moi et mes heirs, se de moi estoit defailli, et quant que je tieng de lour \12 en fiés, en mobles et en non mobles, et des damaiges que il, ou lour heir, en auroient, au je et mi \13 heir les en devons restorer et les en devons croire par lour simple parole sainz autre prueve. \14 6 Et toutes ces choses davant dites, lor promet je, por moi et por mes heirs à tenir fermement \15 par ma foi corporelment donee de ce. 7 Ou tesmoingnaige de laquel chose, je ai fait à metre en \16 ces letres lo seel Jehan de Vergé, signor de Fouvanz, mon freire, avec lo mien. 8 Ces letres \17 furent faites l'an de l'incarnation Nostre Signor mil .CC. et sexante syx, lendemain de Pasques.