Téléchargement du document

Documents linguistiques galloromans
Corpus : (chDoubs)
Responsable du corpus : Martin Glessgen
Édition de la charte : -

chDoubs223

1265, juillet.

Type de document: Charte: quittance.

Objet: Quittance donnée par Revelyn et Gauvain, frères, prêteurs installés à Seure, à Hugues et Alis, comtes palatins de Bourgogne, pour 600 livres de viennois, prêtées à Hugues, seigneur de Neublans, du remboursement desquelles le comte et la comtesse étaient garants.

Auteur: Revelyn et Gauvain, frère.

Sceau: Guillaume, archevêque de Besançon et Jean, abbé de Saint-Paul de Besançon.

Bénéficiaire: Hugues, comte palatin de Bourgogne, et Alis, sa femme.

Autres Acteurs: Hugues, seigneur de Neublans.

Support: Parchemin jadis scellé sur double queue, 280x210.

Lieu de conservation: AD Doubs, BTC 65-10.

Verso: Quictance de VI^c l. des citiens d'Ast.

1 Nos, Revelyns et Gauveyns, frere, citaïn d'Aist, mercheant qui soliens tenir tauble por prester à Sahorre, 2 faison savoir à toz ceas qui [verront] [ces] [presantes] [latres] \2 3 que, cum Hugues, sires de Neblans nos daust, de bone dete et de loial, sex cenz livres de vyennoys, et il ai ausi enloié en noz mains plages [et] [randaor] [Hugues] […] \3 conte palatin de Borgoigne, et Alis, sa feme, contesse pallatine de Borgoigne, 4 et cil dit Huges, cuens pallatins, et Alis, contesse palatine, fussent […] \4 sex cenz livres por le signor de Neblans devant dit plage et rendaor en bone foy. 5 Nos disons et reconoissons, et voirs est que lidit Huges [conte] [palatin] [et] [Alis] \5 contasse palatine, nos ont fait entierement à nostre gré paiement desdites sex cenz livres, en deniers nonbrez, en non dou signor de Neblans devant dit […] \6 de ce dont il s'en estoient enloié. 6 Et ja sunt atorné li denier en nostre preu, et disons, et volons et otroions que tuit sachent que nos, ne li nostre, ne autr[ui] , [por] [nos] [ou] [por] \7 les noz, ne poons jemais, ne por nos ne por autrui, riens demander asdiz Huge, signor de Neblans, Huge, conte palatin de Borgoigne, et Alis, contesse palatine […] \8 desdites sex cenz livres, por ce que paié en sumes entierement, ne por raison de ces sex cenz livres, mes les en aquitons et absoillons entierement […] \9 à toz jors mes, et volons et disons que excepsions, quelx que elle soit, si comme de tesmoins à amener, de raisons caisses, constitucions estaublies et à est[aublir] \10 à escripre, ausi del droit cityain con dou droit canon, l'exceptions que ladite pecune ne soit paié à nos en deniers nonbrez, tornez en nostre preu […] [et] \11 totes autres exceptions que nos, ou li nostre porriens trover, ou traire avant, por reclamer jemais ces sex cenz livres devant dites, ou aucune […] ^[1] \12 d'elles vers ledit signor de Neblans ou vers ledit Huge, conte palatin de Borgoigne, et ladite Alis, contasse palatine de Borgoigne, à lor hoirs, ne nos […] [tien] \13 valoir n'en as noz, ne grever lesdiz signor de Neblans, le conte et la contesse de Borgoigne, ne lor hoirs. 7 Et volons et autroions entierement que, se latres faites […] \14 ou en latin estoient jamais trovees, an ceste clause fust escripte que paiemenz de ces sex cens lb. devant dites ne porroit estre provez sanz la rand[…] \15 de la rahne des presentes latres, que elles ne nos poissient jemais riens valoir neu aidier, neu as noz, neu autre meniere de letres quelx que ele fust […] \16 sor sainte avangyle, por nos et por les noz, por nostre sairement corporeelment fait, que nos, ne li nostre, ne poons jemais aler, ne per nos, ne per […] \17 choses devant dites ou contre ancune d'elles. 8 Et por ce que ceste chose soit ferme et estauble, à toz jors mes, en tesmoignage de verté, nos, [Reveleyns] [et] \18 Gauveyns, frere, avons fait à-matre, à nos requates, en ces presantes latres, le seel à honorauble pere Villaume, per la grace de Deu arcevesque [de] [Besançon], \19 home religious et honeste, Jan, per la mission de Deu abbé de Sent Pol de Besançon. 9 Caus lactres furent faites l'an de l'incarnation Nostre [seigneur] \20 miliaires corroit per mil et .CC. et sexante cinc, ou mois de joignet.

Notes de transcription
^[1] La fin de la ligne est effacée.